استفسار موظف حكومي مرافق لزوجته ويرغب بالالتحاق بالبعثه اسئله واريد اجوبه

1- إجازة دراسية بتكون أفضلك لسبب بسيط إن اغلب المراجع الحكومية بعد ماترجع بشهادتك ( مثل التعليم ) مايعادلون لك شهادتك يقولون مارحت تدرس بإذننا ! انت رحت بإجازة استثنائية !
انت حاول اذا رفضوا .. اسحب عليهم لأنه واضح جداً إنهم مايبون لك الخير ومن زمان وهم يصرفونك
2- طبعاً طلع فيزة دارس لأنك لو طلعت فيزة مرافق ماتنقبل في الجامعة بس فيه معاهد قليلة تقبلك تدرس ولكن الغالب يرفضون بس اذا طلعت فيزة دارس تصير ملزم انك تدرس او يتم ترحيلك
3- لو خلصت مرحلة اللغة تخاطب الملحقية ويطلبون منك القبول المباشر واثبات انهاء اللغة واوراق اخرى منك وتصير لك معاملة في الوزارة للتعليم العالي .. في اثناء سير المعاملة يعطونك ضمان مالي مؤقت حق ترم اكاديمي في الجامعة ولا يخاطبون عملك
4- لو تركت الدراسة راح تسحب منك الدراسة .. مصيرك مرتبط بها الا اذا قطعت شوط كبير لكن في البداية ( على الاقل ) مصيرك بمصيرها اذا سحبت سحبوا عليك
5- النصيحة توكل على الله وحاول مع مرجع عملك يعطونك اجازة دراسية اذا رفضوا .. جيب ورقة تثبت انك مرافق ( راح تعطيك اياها الوزارة بعدين اذا قدكم بتسافرون ) وقدمها لهم وغصب يعطونك اجازة استثنائية وروح والله يوفقك

الله يوفقك واحنا الله يوفقنا

تفاكير

روح الله يوفقك دنيا واخره

منت مقصر وتجاوب على جميع الاسئله


يديك الف عافيه

هل الافضل اقدم على اجازه مرافق ولا اجيب قبول لغه واقدم لجهه عملي اني ارغب باكمال الدراسه واطلب اجازه دراسيه والاستفاده من مزايا ان سنوات الخدمه ماتروح ؟
- هل استخرج فيزا مرافق ولا فيزا دارسه
- لو وفقت وبحمد الله ودرست لغه في بلد الابتعاث وحصلت على قبول غير مشروط هل الملحقه تخاطب جهه عملي وتطلب موافقتها او ماترجع لها وكم المده المتوقعه للرد
- لو زوجتي بالفعل ماترغب بالبعثه هل بعد قبولي واكمالي الدراسه ان تتوقف هي عن الدراسه وتكون مرافقه
- اي نصائح للموظف الحكومي المرافق لكي يستفيد من هذه الفرصه

--------------------
بالنسبة لسؤالك وش الافضل اجازة دراسية او بدون راتب من وجهة نظري ياعزيزي اذا كنت متمكن من اللغة وتستطيع دراسة الماستر فورا فالافضل لك اجازة دراسية بعد ما تجيب قبول للماستر غير مشروط باللغة والسبب راح يحتسب لك مدة الاجازة ضمن الخدمات واول ما تبدأ الدراسة راح تضمك الملحقية وتصير مبتعث فترجع مره اخرى لعملك وتلغي الاجازة وتصير مبتعث من عملك ونصف راتبك يمشي مع الخدمات
اما اذا كنت تحتاج لدراسة لغة قبل الماستر فليس لك خيار الا انك تاخذ اجازة استثنائية بدون راتب لانها اسهل وما تحتاج قبول لماستر غير مشروط .
انصح بان تستخرج فيزة طالب علشان ترتاح من وجع الراس .
اذا انتهيت من دراسة اللغة وطلبت تنضم بالبعثة راح تطلب منك الملحقية ورقة من عملك تتضمن موافقتهم لك بالدراسة ومن ثم راح تمشي الاوراق رسميا من اجل تحويلك لموظف مبتعث
بالنسبة لو زوجتك كنسلت البعثة وانت مازلت تدرس اعتقد اذا انضميت من عملك فلن يؤثر عليك لكن لو ما انضميت راح تكون مرتبط فيها .
نصيحتي لك حاول تدرس اللغة في السعودية وتتطور فيها اكثر قبل ما تجي لان الوضع خصوصا للمتزوجين واللي عندهم ابناء صعب شويه ومن ناحية اخرى كثرة السعوديين في المعاهد لها تاثير كبير في ضعف التقدم نحو تعلم اللغة
اخيرا اتمنى لك التوفيق والسداد وانيحقق الله لك امنياتك وفي كل الاحوال انت ان شاء الله راح تكون كسبان على الاقل اللغة مبدئيا .
بالتوفيق