استفسار اجراءات المرافق الاخ و ليس اللزوج

السلام عليكم
والله اخوي انا ما ابغى احطمك لأن مشوراك طويل شوي بس انت طول باللك والامور تمشي حبه حبه لأني انا زيك وانا حاليا موجود في امريكا وادرس لغه بفيزة f1 واي معلومه تحتاجها راسلني على الخاص

سؤال هام جدا
بس عندي ملاحظة صغيرة
بالنسبه للأخ طلال أتمنى اذا كانت عندك اي تجربة او معلومات بهذا الخصوص
ان يكون الفايدة تعوم الجميع بدون رسايل خاصة علشان يستفدون الأعضاء المشاركين والزوار
ولك جزيل الشكر والأحترام

تسجل كـ مرافق لها وإذا حاب تدرس اكيد الوزاره بتجيب لك قبول بنفس معهد أختك وبنفس التاريخ .. واذا جاء ترشيحها ان شاء الله , وقبل إصدار قرار الإبتعاث إذا ما كنت موظف تطلع برنت من الاحوال انك ما عندك وظيفه , وإذا موظف تطلع إجازة مرافقه استثنائيه من جهة عملك وهذا الشرط عشان يصرف لك راتب بدولة الابتعاث , وكمان لازم تجيب وكالة شرعية انك تكون مرافق لها من عائلها الشرعي [ الوالد ] في الغالب , طبعاً الوكاله تكون من كاتب عدل وبسيطه .. وما يصدرون لها قرار الابتعاث الا بعد ما ترفق كل الأوراق من قبولاتكم , شهائدكم المترجمة , صك الوكالة الشرعية , صك الإعالة ( ضروري ) , وإذا كنتوا من المرحلة الخامسه بطاقة حضورها للملتقى أما السادسه أعتقد مو لازم ( ماني متأكد ) , الجوازات وصور منها , الفيز وصور منها , صورة كرت العائلة , صورة بطاقتك الأحوال , تسجّل تعهد بالموافقه على الشروط عندهم ( مبنى البعثات ) , وتصدر قرار الابتعاث .. بعدها تصدر امر الاركاب تقريباً نفس الطلبات , والله يوفقكم تسافروا , اذا وصلتوا دولة الابتعاث هي تفتح ملف مبتعثه وانت ملف مرافق , وانت اول ما تجيب قبول جامعي تبلغ الملحقيه ممثله بمشرفك الدراسي ورح يجيك الإبتعاث على طول .. وبس

عزيزي هذا شرح مختصر عشان تعرف الخطوات والمتطلبات .. ولو تتعب نفسك شوي وتبحث بالمنتدى , أخوان وأخوات كثير ما قصروا شرحوا كل الخطوات خطوه بخطوه وبالتفصيل الممـــــــل .. ونصيحتي لك خذها خطوه بخطوه , يعني شوف كل خطوه رح تقدم عليها وش يطلبون فيها ولا تشتت نفسك وتقرأ كل شيء مره وحده


مع العلم , هالخطوات للأخ وللمحرم الشرعي للفتاه أياً كان ..

موفقين ان شاء الله

مشكورين جميعاً
و الله يوفق الجميع