مساعدة عندي سؤال عن المحرم متى يقدم اجازته اذا كان موظف حكومي؟؟

أول شيء بالتوفيق لكم .. وإن شآء الله ترجعوآ بأعلى الشهادآت

الأهم , خلي المحرم يتقدم بالإجآزهـ قبل مدهـ كآفية من رحلتكم .. يعني شهر ونص شهرين , عشآن مآ تصير له زي الحوسة اللي صآرت لي .. وعآد تحديد مدة بدايتهآ راجعة لكم .. أما نهايتها تكون بتآريخ نهآية البعثة ..

موفقين

طيب اذا كان مدرس هل العلاوة السنويه تتوقف ام لا

وش حوووستك بضبط وش تجربتك ؟؟؟

تسلم نورت الموضوع

بس اللي اعرفه اجازه من دون راتب

اما الباقي ماعرررررررررفش

الأخت اللي تسأل عن العلآوهـ السنوية ..

كل شيء يتوقّف بالنسبة لوظيفته , بإعتبار إنها إجازهـ بدون راتب , يعني مثلاً حتى لو برصيدهـ 5 أيام إجازهـ بآقيه .. بعد مآ يرجع من الإبتعاث لعمله .. يلاقيها نفسها الإجازهـ وعلى نفس الراتب .. يعني بشكل أوضح كأنه نآم وصحي اليوم الثآني , مآ فيه شيء يتغير لا يزيد ولآ ينقص .. وكل شيء يوقف لحين عودته


الأخت aya ksa , بالنسبة لي طبعاً مو مدرس .. بس اتبع لوزارة الصحة , ونظام الإجازات نفسه من ديوان الخدمه المدنيه ويطبق على جميع الوزارات .. سلّمك الله مو كل مسؤول يعرف شغله والقوآنين , فـ عشآن كذا تأخرت معآملتي واللي هي [ إجازهـ فقط ! ] لمدة شهر .. ولو مآ جريت وراها بنفسي بالريآض ووكلت عليهآ وآحد من أخوياي مآ كآن خلصت بشهر ! ليش ؟ لـ الجهل بالقوآنين وموآد النظآم عند مسؤولي عملي .. تخيلي مدير مستشفى , مدير شؤون موظفين , وشخص له منصب أكبر استحي أقول منصبه .. كلهم رفضوآ الموافقه على الإجازهـ .. وطبعاً رفعت خطاب لـ الوزاره واستدعاءات ويا يرفضوا يا يقبلوا .. وحتى الوزارهـ لما جبت الإستدعاء بالبداية رفضوها [ شفهياً ] .. لكن لما ناقشتهم والحمدلله كانوا متفهّمين واعترفوا إنهم كانوا على خطأ في البداية ! وجت الموافقه منهم .. والمفترض يأخذ توقيعها في مرجعي كاجراء روتيني يومين أو أسبوع بالكثير .. لكنها جلست بمكتب [ فخامته ] 3 اسآبيع بإنتظار شخطة القلم , لدرجة إني سافرت وهي لسه ما توقّعت ! .. والحمدلله الله يسّرها

عموماً حآب أطمّنك إذا كان المرافق زوج أو أب فـ إن شاء الله تمشي أمورك ع طول لأنهم مرسوم بعقولهم إن المرافق يكون زوج أو أب بس .. مثل مآ قلت بالبدآية , احرصي على إن مرآفقك لآ يزنق نفسه في سآلفة الإجازهـ .. وموفّقين إن شاء الله

إن شاء الله أكون أفدتكِ والجميع ..

لا

المرافق خالي ان شاء الله ربي يسهلها عليه ويعطونه الاجازه بسرعه

اللهم امييييييييييييين

اللي بوزارة الصحة يسعفني

ابغى اسلم واسرع طريقه لحصول اخي الموظف بوزارة الصحة على اجازة لانه مرافق لي وكم اطول مده حسب اللوائح

خبركم عاد يفهمون اللوائح بالحيل حقك تشحذه زي الشحاذين ومتى يخليها تبدا لاني من مبتعثي الدفعه الخامسه