حوار تجمع خاص بموظفين وزارة الصحة 2011

انا طلبت افاده من وزارة التعليم العالي وعطوني اياه

لكن انا مستغرب انه غير محدده بتاريخ او زمن يعني مفتوحه لما اقدمه على جهة عملي كيف راح يعطوني الاجازه !!؟؟

الافاده تكون غير محدده بتاريخ

يا شباب اخوي فني اشعه في مركز صحي تابع لوزارة الصحه
ويبغى يجي يكمل بكالوريس في امريكا وش الطرق المتوفرهـ له

علما بانه حصل له قبول جامعه وراح تعادل له دبلومه

هل ممكن انه يبتعث من عمله ؟ وماهي الطرق ؟
مع العلم انه معدله مرتفع وسنوات الخدمه 6 سنوات

السلام عليكم ورحمه الله وبركاته..

انا اخوي مراقب وبائيات وبيروح معاي مرافق وبنفس الوقت بيكمل دراسته للبكالريوس ايش يعمل؟؟؟؟
يعني يقدر يروح ويكمل بدون مايفقد وظيفته ودراسته تكون على حسابه الخاص والا شلون..
..ياليت اللي عنده معلومه يفيدنا..ويعطيكم ربي العافيه..

أولا : شروط الإبتعاث
1.إمضاء سنتين في الخدمة الحكومية عدا الأطباء .
2. أن لا يتجاوز عمر المرشح (40) سنة كحد أقصى للإيفاد للدراسة عدا الأطباء .
3. توافق التخصص المرشح له الموظف مع مسمى الوظيفة وحاجة الجهة.
4. توفر المستوى الثالث في اللغة الإنجليزية لخريجي الأقسام الأدبية .

ثانيا : متطلبات البعثة

ا- الإبتعاث الجديد:
1. قبول من الجامعة مصدق من الملحق الثقافي في الدولة التي بها مقر الجامعة ..
2. نموذج طلب ترشيح للدراسة موقع من صاحب الصلاحية في الجهة الحكومية.
3. الحصول على المستوى الثالث في اللغة الإنجليزية من معهد الإدارة أو (350) نقطة في امتحان التوفل .
4. تعبئة نموذج الابتعاث المتضمن معلومات عن المرشح والبعثة موقع من مسئول التدريب في الجهة.
5. توفر المبالغ المالية اللازمة للصرف على المبتعث

وعليكم ا لسلام والرحمه

نعم يقدر يكمل والدراسه بتكون على حساب وزارة التعليم العالي بدون مايدفع ولا ريال واحـد

واخوك يقدر يروح بدون مايفقد وظيفته بس يقدم على اجازه استثنائيه للمرافقه حسب انظمة ولوائح الخدمه المدنيه ويقدمها للملحقيه اذا رحتوا لدولة لاابتعاث

واذا بعد قدر يجيب اجازه دراسيه يكون افضل لانه تبي تحسب له سنوات الخدمه والعلاوووه

اما الاجازه الاستثنائيه غير محسوبه بالخدمه والعلاوووه

اتمنى اني افدتك

ياشباب انا تزوجت وتوني ماباشرت وزوجتي مبتعثة تعتقدون انو راح توافق الوزارة اني اكون لها مرافق وانا يادوبني متوظف ولا لا ارجوكم ساعدوني

ياشباب عندي كم سوال واتمنى الاعنده الخبره يجاوبني

انا زوجتي ممرضه في وزارة الصحه
وعندها اجازات قرابة 90 يوم وتبي تقدم على اجازة استثنائيه
هل تستطيع الدخول الى امريكا وتفتح ملف بالاجازه الاعتياديه
او تستطيع تستلم خطاب الاجازه الاعتياديه والاجازه الاستثائيه معاا
لو لازم ترجع بعد 3شهور لكي تستلم خطاب الاجازه الاستثنائيه
لان حرام 3شهور من الاجازات يضيعو

اتمنى احد يفهمني لاني ضايع في الموضوع

88
وضح من المبتعث انت او الزوجـه ؟!!

عموماً اذا انت المرافق او الزوجته فيحث لك اجازه استثنائيه بدونش رط نفاذ الرصيـد

لانو نفاذ الرصيد للاجازه الاستثنائيه المحدده بسنه وهي من صلاحيات الوزير

اما اجازه المرافقه فهي تمنح مباشره للمرافق بدون شرط استنفاذ الرصيد

ولكن خليس في بالك وهذا شي موهم انو تاريخ الاجازه يبدأ تاريخه قبل دخولكم الى امريكاا

السلام عليكم
اخواني الاعزاء
انا مرافق لاختي بالبعثه لكندا وانا ممرض في وزارة الصحه
السؤال: يوجد لدي رصيد اجازات اعتياديه اكثر من 130 يوم هل استطيع التمتع بها قبل الاجازه الاستثنائيه؟
وهل يتم فتح ملف لي بالملحقيه وممارسة جميع حقوق المرافق من مكافئه ودراسة لغه؟
وشكرا