تم رفض اجازة مرافقتي لزوجتي المبتعثة ؟؟؟؟

عساك على القوه وربي يسهل امورك
كنت اتمنى اني اعرف احد صار له نفس الموضوع عشان افيدك
متأكد ان فيه غيرك صار له نفس الموضوع وانحل بس ما نشروا قصصهم

للاسف كسعوديين ما نعرف النظام او بمعنى اصح فيه الي ما يبغانا نعرف النظام
ياليت اخوي تواصل اصرارك وتخبرنا بالي يصير معك
مايضيع حق وراه مطالب
ربي يسهل امورك

اجازة استثنائية من حقك نظاماً

لو انك مثلي يوم كنت موظف في القطاع الخاص كان قلت لك قدم استقالة من اللي يحبها قلبك

ضبط ملفك وكل ما يدعم موقفك وعلى ديوان المظالم بس شكلهم بيطولوا

بالتوفيق لك اخوي

الله يعينك .. و ينصرك عليهم

لا تسكت عن حقك .. سو كل اللي تقدر عليه ..

لا نملك لك إلا الدعاء

الله يوفقك وتأخذ حقك بالقانون ورغم أنوف الكل


بالتوفيق ..,

الف شكر لكل الي ردوا والي ماردواااا

للاسف القانون ما مشى
وحاليا جالس اشتغل عالواسطة وربي يسهل ان شاء الله

الف شكر للكل .........


والحمدلله على كل حال ...............

مساء الخير يبو عابد
بالنسبه لموضوعك الغريب, الموظفين في الادارات ومدرائهم اصلا ماتعلمو بنود الاجازات الا لمن جات البعثات{مقدمتي}. بالنسبه للخطوه الي اود ان تبدا فيها وهيا ذهابك الى شوون البعثات ومعاك خطاب اقرار البعثه لزوجتك ومعاك صوره تعريف من العمل وكرت العائله وتتطلب ورقة افااده لمن يهمه الامر او لمكان عملك بانك المرافق مع زوجتك وبعد ساعه والا اقل مشوارك حيكون على الوزاره الي انت تابع لها لقسم شوون الموظفيين وتشرح وضعك لهم في خطاب. وصدقني انت من حقك تاخد اجازه استثنائيه غصبا عن الجميع.

يعطيك العافية اخوي مجووودي
انا موظف في المؤسسة العامة لصوامع الغلال والي هي تتبع وزارة الزراعة

اما مسألة خطاب او ورقة الافادة اذا تقصد هو الخطاب الي فيه موضح ان زوجتي مبتعثة واني انا زوجها هو المرافق معها والي عادة يصدر هالخطاب بعد صدور قرار الابتعاث
فانا اصدرته وارفقته مع كامل الاوراق وخطاب لشؤون الموظفين بالصوامع
وللاسف ردوا انه حنا محتاجينك بالعمل
تبي تمشي قدم استقالتك...........

اليوم الخدمة المدنية في اخر المطاف ردوا على الواسطة تبعي بأننا ما نقدر نلزم جهت العمل فهالامر هو بالاخير يرجع لجهت العمل ........

يعني مختصر الكلام مالك شي عندنا امسك الباب ..........


والحمدلله على كل حال
ناوي اشوف لي محامي واخليه يمشي بالامور وان شاء الله خير

احد يعرف مكتب محاماه كويس بهالامور .............

الله يسهل امورك ويوفقك يااارب

اتمنى تشوف الاخ وتوجهه بالخطوات المطلوبه للتقديم على الاجازة الاستثنائية

http://www.mbt3th.us/vb/forum129/thread289110.html

ابصق في وجه المدير اللي رفض الإجازه (عذرا والعباره مجازية من حرقتي) وقله عصب عن اللي خلفوك بأحصل على حقي المشروع في المرافقة
وخذ اضطراري ورح للوزير مباشره ( سنتر حتى تقابله) لأن الوزراء خوافين ... راح يعطيك الأوكي

مكتب الحجيلان للمحاماه >>> مكتب معروف بس غالي

ليش محامي وخرابيط انت تقدر تقووم فيها صورابتعاث زوجك واوراق تثبت رفظهم لااجازتك وقدم عليهم لديواان المظالم >> المحكمه الااداريه في منطقتك

لا توجهه الشكوى لاادارتك وجهها >> للمؤسسه العامه لصوامع والغلال >> واطلب تفيذ القرار رقم كذا كذا وصدقني راح تاخذها غصبن عن المدير ومعالي الوزير

ولاتنسى ان تكتب طلب تعويض نفسي عن عدم تطبيق القرار

واذا راحت على زوجك البعثه تقدر تطالبهم ببعثه على نفقة الوزاره او دفع تعويض مرضي ومقبول منك

لايهمك ارق سنوود

اذا ماتعرف تكلم وتهرج ابشر بسعدك انا بهرج عنك مجانا بدونمقابل سوا دعوووه منك

لا توكل احد قدم وتوكل على ربك

واي استفسار راسلني

saudalayde@hotmail.com