تم رفض اجازة مرافقتي لزوجتي المبتعثة ؟؟؟؟

الله يسهل امرك وانا ودى اعرف الشخص الى يقول لو وافقنا كان مابقى عندنا احد هل هو يقصد ماوده يفتح على نفسه باب طيب في النهايه يجبرونه على الاستقاله يعنى يستغنون عنه يعنى ماراح يبقى عنده احد الى متى العقليات موجوده فى مجتمعنا واحنا الان فى المرحله السادسه والكثير من البنات المجتهدات ناوين ويحلمون انهم يواصلون دراستهم ويفيدون مجتمعهم ما ادري لو بنت المدير او اخته جاها بعثه وزوجها انحط في نفس الموقف ؟؟؟؟؟؟

أبو عابد
هل أنت مخدوع بأن لدينا نظام أو قانون؟؟؟
الواسطة تكسر كل الحواجز النظامية والشرعية في وطننا المتخلف!!
روح لأقرب قهوجي عند واحد من طوال الأعمار وأعطه حبة خشم وقله: تكفى ترى تكفى تهز الرجاجيل!!
أضمن لك كلها أسبوع وأنت منهي أمورك 100%
نصيحة: لا تحاول في النظام ، لأن هذه الكلمة لا أصل لها في مجتمع القبائل والبدونة!!!

للمرة الثالثة اقول في هذا المنتدى
يحق لك اخذ اجازة استثنائية مدتها 10 سنوات
ولا يحق للمديرك ان يرفض
ويبقى رقمك الوظيفي مجمدا
وانهم بحاجة لك تراهم كذابين و بقوة
ارفع الخطاب مرة اخرى وتوجه للشؤون الموظفين وقابل المدير
واكرر ترى اجازتك تحق لك واذا منت مصدق راجع وزارة الخدمة المدنية اقرب فرع واستفسر

مرافق سابق

انا ماني بعيد عن موضوعك بس الفارق اني انا من يود ان يبتعث ولست مرافق لأحد .. فبهدلوني بهدلة ادارة تعليم منطقتي عشان احصل على اجازة استثنائية .. ولأكثر من شهرين وانا متابع موضوعي وكل واحد يحولها على الثاني وبالاخير قال لي مدير التعليم حنا محتاجينك ولو كل واحد يبي اجازة استثنائية كان مابقي عندنا احد ..

فقلت له: هذا حق من حقوقي وهي ابسط الحقوق بحكم ان مافيها لا راتب ولا خدمة .. فقال اسمح لي وبعدها حول معاملتي لادارة شؤون المعلمين .. فقالو لي (شؤون المعلمين) حنا عندنا عجز بتخصصك وحنا محتاجينك ولو اعطيناك اجازة استثنائية ماراح نلقى احد يغطي مكانك.. فقلت هذي محلولة لان عندي اثنين من الزملاء عارفين لتخصصي (ابتدائي) ومستعدين يغطون مكاني ..

فقال لي مساعد مدير شؤون المعلمين : جب لنا خطاب من مدرستك بموافقة احدهم .. ولما جبت خطاب لهم .. رفضوا بحجة ان تخصص الزميل غير تخصصك .. فرديت عليهم وقلت: انتم مااشترطتم اجيب نفس تخصصي بالاضافة الى ان منهجي واضح وسلس والزملاء ماوافقوا يغطون جدولي الا لسهولته .. فكان ردهم لي : نكتب خطاب لادارة الاشراف التربوي وهم بدورهم يوجهون مشرف بنفس تخصصك ويعمل لهم مقابلة ويشوف مستواهم (يقصد الزميلين) وبعدها يرفع لنا هالمشرف مرئياته وحنا بدورنا نعطي الموافقة من عدمها ..

فقلت له ياخوي انتم شغلتكم هذي يبلها على الاقل شهر عشان تعطوني رأيكم وانا بأمانة مااظمن موافقتكم فقال لي احد موظفي شؤون المعلمين عبارة ازعجتني كثيــــــــــــــــــــــــــــــــر وهي (اجل خلاص رح شف لنا واحد متخصص بتخصصك وحنا نعطيك الموافقة) فكان ردي عليه: لو كنت مكانك كان طلعت بدل الواحد عشرة متخصصين وبعدين هذا مهو شغلي هذا شغلكم انتم وانتم اللي لازم تبحثون (طبعاً قلتها وانا منقهر من ردهم علي) .. فقالوا لي: اجل انتظر السنة الجاية عشان ندور لك على بديل .. بعد كذا طالت سالفتي وخليت النظام على جنب لانهم ماقاعدين يطبقونه وبحثت عن معرفة وبعدها انحل موضوعي واخوياي غطّوا مكاني ولا كأن شي صار ..

عرفت الحين انه مو بس انت مبهدل

وصدق خوينا اللي قال :

بس وانا اخوك وحسب علمي عشان تشكي .. لازم يكون عندك خطاب مكتوب فيه رأي ادارتك في عدم منحك الاجازة ولازم يبدون الاسباب في الخطاب .. اذا سووا كذا رح ارفع شكوى للمحكمة الادارة الادارية في منطقتك مبني على خطاب ادارتك .. والله ييسر امرنا وامرك

رصيف الشمس
في نظام وانا اخذت الاجازة ولله الحمد بقوة النظام و من فوق خشم المدير المباشر ومدير الادارة وسلمت الاوراق ومسكت الباب و على اقرب طيارة متجهة لبريطانيا وسافرت والاجازة ماصدرت وبعد سنة نزلت السعودية واخذتها حتى ألتحق بالبعثة

ياللة وش هذا التخلف من قبل المدراء على اي اساس يرفضوا مرافقة المحرم ولا ليش الملك امر فيها خاصة البنات اللى ماعندها محرم كيف تسافر اشوف الجهات العليا لها اوامر والوزراء لها اوامر والمدراء وكلن يتفلسف بكيفة واللة من الدجة ,,,,, انا ابى نص صريح يقضي بمنع المرافق بحجة الحاجة لة في مجال عملة يعنى الفجوة الهائلة من البطالة مايسدون مكانك واللة لوانك مخترع الذرة اللى يخافون لاتطوفهم اختراعاتك اليومية ولا مايقدرون يعلنون الحاجة الى بديل هم مهم معطين راتب ولالك اى حق اللهم تجميد رقمك الوظيفي
ياللة حاجة تقهر الى متى يحاولون يرجعونا الى الخلف

السلام عليكم

اخواني وخواتي

انا صاحب الموضوع وكنت طوال الفترة الماضية اسعى بحل الموضوع
لكن للاسف .........

بالنهاية
الشي الاكيد والي للاسف ما فيه شي ينحل الا به

الي هو

الوااااااااااااااااااااااااااااااااااااااااااااااا اااااااااااسطة .........

مافي لانظام ولا قوانين
لا عند وزير ولا عند مدير ولا اي مسؤوول للاسف الشديد

وحاليا انا بصدد تقديم استقالتي خلال هالكم شهر ان شاء الله .....

وشكرا لكل من ابدى رايه بالموضووع .............

أخوي الله يهديك

حقك لاتتركه اطلع على ديوان المظالم وقدم اوراقك وشكواك وراح تحصل من يقف معك ويوجهك ويتابع لك معاملتك حتى تتمكن من اخذ حقك غصب عن اللي مو راضي
اوووو
راسل الصحف الالكترونية خصوصا سبق
يومين وهم مخلصين موضوعك
لا ويحبون على خشمك ويقولون لك سامحنا ياطويل العمر
جرررب اكثر من طريقة حتى تصل لمبتغاك

لك اطيب الامنيات

الله يعينك يارب
احساس الظلم شين الله لايوفقهم ذولي يلي مستغليين مناصبهم بشكل فاسد

بس ليش ماتسوي مثل الاخ يلي قال قدم ولا استنى الموافقه ع طول مشي ورجعلهم بعد سنه

حاااااالتك نفسسسسس حالة وحده وزوجهااا بالضبط
هيه مبتعثه وهو مراافق واعطوووه اجازه سسسنه
مامدااهم جلسسو في امريكا يمكن ثلاث شهوور ودقو عليييه قالو لا لازم ترجع لعملك خلاص مافيه اجازه صديق