أخي موظف بالقطاع الصحي و يرغب بالانظمام للبعثه [ الله يفرج على من يفرجها عليه]

وصدقيني لو انا بمكان أخوك وتخصصي صحي ومطلوب (مثل التمريض) وجتني مثل فرصتك (مع إني مبتعث من مدة ليست بالقصيرة) ماأوفرها لأنه على المدى الطويل الدبلوم لها سلم معين وتوقف عليه وماعاد تقدر تتعداه ولاتقدر تترقى وتاخذ امتيازات اكثر (طبعا بالنظام أتكلم) لأنه خريجين البكالورويس والماستر لهم الأحقية قبل الدبلوم ويحقرون حقين الدبلوم لأنه البكالورويس أخصائي والدبلوم فني وإذا بغيتي شئ من أستراليا حنا حاضرين والله يوفقنا وإياك والمسلمين أجمعين.

لايفتى ومالك بالمدينة والله الموفق.

أول شي الله يوفقك و يوفقك زوجتك و يسهل أموركم و يحفظكم و يعلي مراتبكم دنيا و آخره

و بالنسبه للطريقه : عواقبها أمرّ من فوائده و لا نبي نغش أحد , لأن الله مايوفقنا لو غشينا

و بالنسبه للقروض : أبي معلومات أكثر عنها و عن تجربه , لأن أخوي شايل همها بقوه , ولا ألومه المسكين لأنه دين يقص الظهر

و يَ خوي المحتار معلش أعرف الخطوات لي أتبعتها لرحلتك و كيف راح تنظم للوزاره بعد كذا و لا لا ؟ وكيف مخطط لمشوارك التعليمي ؟

ربي يوفقك يّ شيخ و ييسر لك أمورك

لك دعوه في ظهر الغيب

أهآآ عشان كذا وزارة الصحه وصخه ماتبي موظفينها الي على درجة الدبلوم يكملون
حسبي الله عليهم ونعم الوكيل
,
يشهد الله أنك ماقصرت يَ خوي صالح
الله ينور لك دربك و يسهل أمرك و يعلي مراتبك
وبالله دعواتك يَ خوي بأن تتيسر علينا و نكمل طموحنا دون عوائق

أستفسار آخر :

البارح اخوي تواصل مع واحد مختص بالبعثات عن طريق التعليم العالي , و سأل لو يعرف طريقه ممكن تيسر له السفر عن طريق وزارة الصحه و ما أفاده لأنه مو من أختصاصه الإلحاق عن طريق وزارة الصحه

لاكن قال له المعلومات الروتينيه الي دايم يُقال لمنسوبي وزارة الصحه ,

المراد أنه قال له خلال المحادثه

أن مقدار مكآفأة المرافق نصف مكافأة المبتعثه , و المكآفأه بس سنه و توقف

هل كلامه صحيح !!؟

و تكاليف اللغه للمرافق من يتكفل به ؟ ولا هو يدفع من مكافأته !!؟

شوفي يعلم الله إني أعدك مثل أختي ومانصحت لك إلا لأني أبي لك الخير ومثل ماقالوا المستشار مؤتمن ولو جاء أخوك وقال افصل ولا اروح بعثة كان اقوله رح بعثة ولا تتردد لأنه المستقبل قدامك إن شاء الله وبالذات للتخصصات الصحية التطبيقية لأنه أولا عليها نقص شديد في عدد الكفاءات المؤهلة (طبعا عشان ماأحد يجي ويقولي طيب والعواطلية اللي تخرجوا من المعاهد الصحية والكل عارف مخرجات المعاهد التعبانة هذي مثلها مثل الكليات التقنية) وحتى لو أخوك موظف ومرتاح في وظيفته الأن لكن وش راح يكون وضعه بعد 5 10 15 20 سنة راح يجي وقت بعدين ويقول ياليت الدنيا ترجع فيني كان كملت دراستي وصرت في اماكن احسن ونافست أقراني وكان صرت وسويت هذا شئ والشئ الثاني لو أخوك على برنامج التشغيل الذاتي بالوزارة صدقيني اي وقت ممكن يقضبونه الباب يقولون الوزارة ماعطتنا الميزانية او المستشفى يحاول يخفض من التكاليف ويقلل من الموظفين والشئ الثالث وزارة الصحية عندهم بعد نظر فهم ليش يبتعثون موظفينهم ويصيرون تكلفة عليهم وبرنامج خادم الحرمين موجود وراح تمدهم بالكفاءات اللي هم يبغونها والشئ الرابع والأهم الناس اللي رجعت بالتخصصات الصحية وراح ترجع من البعثات في السنوات القادمة إحتمال راح يكوشون على الوظائف الجيدة وممكن الاشرافية بعد بحكم التأهيل والتدريب واللغة ويشغرون الكوادر الموجودة وممكن يضيفون لهم بدلات إضافية لاتستغربين كل شئ جايز وكلامي هذا مجرد إحتمالات ولا أحد يعلم المستقبل وش راح يصير فيه إلا رب العالمين وعلى العموم هذي فرصة العمر وماراح ترجع ثاني والشاطر هو اللي يستغل هالفرصة اللي قدامه والله يوفقنا وإياك.

إذا كان مرافق معك ومازال على رأس العمل هو من يتكفل بالدراسة لأن الملحقية في هذه الحالة تصرف له راتب مرافق وتأمين صحي وتذاكر سفر وأما إذا لم يكن على رأس العمل فتدفع له الملحقية تكاليف دراسته في المعهد وإذا حب يخش الجامعة يجيب قبول غير مشروط ويقدم طلب إنضمام بالبعثة وأيضا يطلب فصل ملفه عن ملفك حتى اذا تخرجتي مايقفلون ملفه ويطالبونه بالعودة معك والله الموفق.

 المشاركة الأصلية كتبت بواسطة saleh_1991

شوفي يعلم الله إني أعدك مثل أختي ومانصحت لك إلا لأني أبي لك الخير ومثل ماقالوا المستشار مؤتمن ولو جاء أخوك وقال افصل ولا اروح بعثة كان اقوله رح بعثة ولا تتردد لأنه المستقبل قدامك إن شاء الله وبالذات للتخصصات الصحية التطبيقية لأنه أولا عليها نقص شديد في عدد الكفاءات المؤهلة (طبعا عشان ماأحد يجي ويقولي طيب والعواطلية اللي تخرجوا من المعاهد الصحية والكل عارف مخرجات المعاهد التعبانة هذي مثلها مثل الكليات التقنية) وحتى لو أخوك موظف ومرتاح في وظيفته الأن لكن وش راح يكون وضعه بعد 5 10 15 20 سنة راح يجي وقت بعدين ويقول ياليت الدنيا ترجع فيني كان كملت دراستي وصرت في اماكن احسن ونافست أقراني وكان صرت وسويت هذا شئ والشئ الثاني لو أخوك على برنامج التشغيل الذاتي بالوزارة صدقيني اي وقت ممكن يقضبونه الباب يقولون الوزارة ماعطتنا الميزانية او المستشفى يحاول يخفض من التكاليف ويقلل من الموظفين والشئ الثالث وزارة الصحية عندهم بعد نظر فهم ليش يبتعثون موظفينهم ويصيرون تكلفة عليهم وبرنامج خادم الحرمين موجود وراح تمدهم بالكفاءات اللي هم يبغونها والشئ الرابع والأهم الناس اللي رجعت بالتخصصات الصحية وراح ترجع من البعثات في السنوات القادمة إحتمال راح يكوشون على الوظائف الجيدة وممكن الاشرافية بعد بحكم التأهيل والتدريب واللغة ويشغرون الكوادر الموجودة وممكن يضيفون لهم بدلات إضافية لاتستغربين كل شئ جايز وكلامي هذا مجرد إحتمالات ولا أحد يعلم المستقبل وش راح يصير فيه إلا رب العالمين وعلى العموم هذي فرصة العمر وماراح ترجع ثاني والشاطر هو اللي يستغل هالفرصة اللي قدامه والله يوفقنا وإياك.

يشهد ربي أنك أخجلتني بكرمك , و يشهد ربي أنك معطآء
و نصائحك و معلوماتك و وقتك الي وضعته بين صفحاتي , لن تخلوا من دعواتي لك في ظهر الغيب
ربي يسعدك و يوفقك و يسهل أمورك دنيا وآخره و يجبر بخاطرك و يناولك مرادك و يناولك كل خير و يعلي مراتبك دنيا وآخره و يرزقك من حيث لا تحتسب
و يرحمك و وآلديك وأحبابك عن النار و يسخر لك عباده الصالحين و ينور دربك و يفرج عليك كرب الدنيا و الآخره, بحق قدرته

ألف دعوه وشكر ولا تكفيك يَ طيب

اللهم آميين

وبالنسبه للقروض مكلمك انا ترى علي قرووض لكن الشكوى لله ابي اعطيهم حق سنه مقدم يكون بحسابي

ثم بعد كذا اذا شفت وضعي ماشي اوكي بالبعثه وراح استمر راح ارجع وادفع لهم كل فلوووسهم هذا من ناحية القروض

وفيه ناس يسحبون ع البنك واذا رجعوا لوضيفتهم يسون لهم اعادة جدوله للاقساط ويرجعون يسددودن لهم

واه منا لخطوات لانه للاسف يوجد مسؤلين والله ماهو عارف وش الاجراءات والا الانظمه

انا الحمد للله يسر الله لي اني اخذ اجازه دراسيه بعد واسطات وروحه وجيـه وميزة الاجازه الدراسيه انه محسوبه لك الخدمه والعلاووه

اذا رجعت بشرط حصولك ع المؤهل وكلهم راح تكون بدون راتب

والطريقه تقديم ع الاجازه من مديري المباشر يرفعه لمدير المستشفى ثم لشؤن الموظفين ثم للمديريه حق الشؤن الصحيـه

ثم يطبعون لك اجازتك وتتوكل على الله

اما اني انضم للوزاره فهذا مستحيل الى درجه اني وصلت لوزير الصحه وقلت لهم اني مرافق للزوجه وانا طالع بعثه ضموني لبعثة وزارة الصحـه

رفضوا رفض تام وقالوا فيه ناس قبلك كيف نقدمك عليهم واقتنعت وقلت مالي الا اجازه دراسيـه والحمد للله تيسرت

اما بالنسبه لتخطيطي فانا والله مااخفيك الى حد الان مركد اموري لاني فعلا محتار اروح للبعثه او لا احسبها يمين ويسار غربه

وراح يتوقف رواتبي لمده خمس سنوات ومافيه جامعات تعادل الدبلوم نسمع انه فيه بس للاسف ماحصلت

وانا متخوف من الدراسه وصعوبتها هنااك

وعلى اسوء الاحوال اذا مامشيت بدراستي ممكن اروح لو سنه واتعلم لغه انجليزيـه خصوصا ان لغتي مش ولابـد

أخوي المحتار4

أستخير ربي في كل خطوه تخطيها و أن شالله أن شالله ماتحتار بشي

الله يسعدك و يوفقك و يسهل لك أمورك و يعلي مراتبك دنيا و آخره و يعينك و يعين أخوي على سداد القروض

أن شالله بتفترج لكل منسوبي وزارة الصحه , فقط أكثر من الأستغفار بنية الفرج

و لك دعواتي في ظهر الغيب يَ طيب