مرآفقي موظف بـ آرآمكو بدون إجآزهـ آستثنآئية

وعليكم السلام ورحمة الله وبركاتة
اولا اختي اذا طلع وهو مامعاه ورقه تثبت اجازة استثنائية من العمل او قرار استقالة ماراح توافق الملحقية تفتحلة ملف لاملف مرافق ولاملف دراسة
واذا حب يدرس لازم يقرر من الحين عشان الفيزا السياحية المعروف انه مايقدر يدرس بيها ولازم يقدم على فيزا f1 اذا كنتي مبتعثة عن طريق وزارة التعليم او اي جهة اخرى هم راح يتكفلو باعطائك واعطائة ضمان مالي يثبت بانه لكم مصروفات شهرية (مكافاة) لكي ولزوجك عشان تقدمو بيها للسفارة
واي استفسار انا في الخدمة

ماقصر الأخ تايه في الرد ,,
بس دام قرارك ماراح ينصدر إلا بإجازة استثنائيه وتفرغ المحرم للمرافقه
ممكن تخلينه اي احد غير زوجك مثل ابوك او اخوك يكون هو محرمك عند الوزارة وزوجك ياخذ اجازته ويسافر معاكم وإذا ناسبه الوضع غيري المحرم لزوجك ويحق لك ذلك متى اردت
وعشان يكون مبتعث بعثه مستقله لازم يجتاز اللغة وياخذ قبول جامعه ,, يعني يخلص مدة معينه مااذكرها بالزبط وبعدين يقدم طلب بإستقلال بعثته

اسمحي لي بإضافه
يااختي اعتقد لو طلب من ارامكو تحسب له هالإجازه للدراسه ودرس معاك حتوافق ويمكن يمشي راتبه او لا
ويمكن يطبقون عليه شروط مبتعثي ارامكو يتعهد بالعمل لديهم الفتره إلي تغطي مصاريف ابتعاثه وبالتأكيد زيادة بالراتب عن قبل الإبتعاث
انا مو متأكده جداً بس خليه يسأل عنده بالعمل

وبعدين صحيح ارامكو رواتبهم مميزه وبدلاتهم حلوة
بس تاخذ الوقت والصحه وتفقد الواحد الحياة الإسريه الكامله
اشوف إذا كمل دراسته وحصل وظيفه اخرى براتب عالي افضل من العمل لدى ارامكو الفتره إلي عمل فيها عندهم تكفي لتمتعه بالمميزات وبعدها حيكون عنده خبرة عمل من ارامكو وإبتعاث ودراسة خارج البلد
مميزات رائعه يتمنى الجميع الحصول عليها
لأن بأرامكو ساعات العمل جداً متعبه الموظف كل نهاره بالدوام ويرجع تعبان حتى الويك إند مايقدر دايم يستمتع به غير الخميس
ويمكن إنتي جربتي هذا إذا كان مرضيكم ومرتاحين لكم الحريه
مااتدخل بخصوصياتكم بس الحياة تبغى أحد يسعى لها الإبتعاث أمنية حتى لموظفين ارامكو ماتبتعث إلا المميزين عندها
هذي وجهة نظري لو كنت بمكانكم
وبالتوفيق