مساعدة إثبات أنه مرافق لزوجته الدارسه على حسابها

أرجوا الرد من أهل الخبرة

30 مشاهد
ولم يجب أحد

السلام عليكم

اختي بالنسبه لعمل زوجك يطلبون ( إثبات ) انو انتي مبتعثة في برنامج خادم الحرمين الشريفين . طبعا هذا الاثبات تاخذينه من وزارة التعليم العالي هذا لو كنتي مبتعثة من وزارة التعليم .

بس إذا كنتي على حسابك والله ما ادري بس ممكن تراسلين اي معهد او جامعه عشان تحصلين على قبول بإسمك ويكون موضح فيه تاريخ بداية البرنامج وتاريخ النهاية وزوجك يقدمه لعمله بس

أتوقع ماراح يوافقون بكذا ولكن ماقدامكم إلى كذا .

بالتوفيق

اقرب الحلول اختي ,,
صوره من فيزا زوجك وقبول المعهد حق ,, وترفع بخطاب للواء
لا تنسين فتح ملف طالب على حسابه الخاص وطلب من المشرف الدراسي ورقه وتشرحين له الموضوع

موفقه

انا بعطيك اجابة لشي امر فيه حالياً

زوجك مقدم على اجازه استثنائية صح او لا ؟؟؟؟؟

طبعاً اذا صح ماراح يوافقون له على الاجازة الاستثنائية الا بعد تقديم عذر او مبرر لهذا الاجازه

وانتم المبرر الموجود لكم انه بيرافقك علشان تكملين اجازتك

طبعاً ممكن لو تشرحين وضعكم بشكل اوضح اقدر اوصل لك الفكره ..


انا وضعي قريب لكم بس انا في البداية بطلب اجازه عادية لمدة شهرين براتب وبعدها برفع اجازة استثنائية لمدة شهر بدون راتب واقوم بالتمديد لمدة شهر اخر

حتى اكون اوضح معاك بما انك تدرسين على حسابك لا يحق لزوجك اجازه استثنائية اكثر من 4 شهور بدون راتب طوال خدمتة العسكرية

ولكن واشدد على ولكن لو انتي طلعتي على حساب الدولة او انضميتي للدولة بعد الدراسة على حسابك يحق له اجازة استثنائية لمدة 4 سنوات كحد اقصى

ولكن تكون بموجب قرار ابتعاثك

واي استفسار انا بالخدمة

الله يكتب لنا ولكم الخير ولمن يقرا