استفسارات المبتعثين والمبتعثات المتزوجون ومن لديهم اطفال عن الحضانات

مرحبا اختي ..

طبعا انا ماصار لي شهر من جيت امريكا ومع العلم اني بمنطقة لا تعتبر غاليه الا ان المصاريف مرتفعه

مثلا
الايجار ماحد رضى يعطينا غرفه وصاله لان عددنا ثلاثه .. انا وزوجتي وطفل ـ الكل قال لازم غرفتين كحد ادنى

-الايجار 995 بالشهر غير شامل الكهرباء .. طبعا في ارخص بحدود 600 بس هالشقق لا تطاق ،، ريحه وقديمه وخليها على ربك

-الجوالات انا وزوجتي 120 دولار بالشهر

-حضانة الولد للحين قاعدين ننتظر بالويتنق لست واقل حضانه قريبة مننا حصلناها بـحدود 900 دولار بالشهر طبعا نظامهم بالاسبوع وتطلع تقريبا 225

والمكافئة للمبتعث 1847
المرافق 1495
الطفل لا اعلم ..

الارقام اخذتها من احد المواضيع لاني الى الان لم استلم اي مكافئة من الملحقية


بالنسبة لكندا ,, اخوي في كان في هاليفاكس وحاليا حول لامريكا لانه كان يشتكي كثير من صعوبة الدراسة

المكافئه كان يستلم لحاله بحدود 2700 دولار كندي وتقريبا نفس سعر الدولار الامريكي وارتفاع مكافئة كندا لسبب اشوفه غير مقنع لكن هذا الواقع

اول مابدت البعثات كان الدولار الكندي تقريبا = 2.6 ريال فالمكافئه كانت تحسب على اساس 7000 ريال وتحول لعمله البلد فكانت تساوي تقريبا 2700
حاليا الدولار الكندي 3.6 الا ان المبلغ مازال ثابت الا وهو 2700 دولار

في امريكا الدولار ثابت غير متغير عشان كذا مازالت 1800 ـ

طولت عليكم بالكلام , بس اتمنى احد يفيدنا بمكافئة الطفل كم

ياليت أحد يفيدنا من جد انا قدمت للبعثة ومعاي بنتين كلهم أقل من سنتين ومن جد محتارة ع المكافأة اذا حتكفي ولا لا لأن اعتمادي عليها بعد الله
انا ناوية اروح ان شاء الله المعهد ف ولاية ديلاوير مدينة نيوارك وفي حاضنات اسلامية بس ماعندي أي فكرة عن أسعارها[/QUOTE
شووفي اختي مدينه نيويورك تعتبر ولايه غاليه بصراحه انا طبعا مو مبتعثه الى الان بس انا اقولك هالكلام بحكم بحثي عن الولايات واغلب الي يسكنون بالولايات الغاليه يكون عندهم دعم مادي غير المكافاءه يعني ياعندهم دخل اخر ولا اهلهم يرسلون لهم فلووس

شوف اخوي في حل قريته بااكثر من موضوع هنا والاغلب مجربه وهو جمعيات الاولى تساعدك بتكاليف الحضانه والاخرى تدفع لك مصاريف الطفل بس مايحضرني اسماءهم الان بدور عليهم وانزل لك اسمائهم هنا مع الاوراق الي تقدمها لهم بس مصاريف الحضانه اذا انت تدرس ماستر تغطيها فقط فتره دراسة اللغه أما اذا انت تدرس بكالوريوس فيتكفلون بااغلب مصاريف الحضانه حتى تخرجك بااذن الله

ممكن تفاصيل أكثر
يعني هالجمعيات من الملحقية ك مساعدة لنا ولا مين الجهة المسؤولة عنها
^معلومة جديدة علي

لا مو من الملحقيه هاذي جمعيات خيريه امريكية أنا ان شاء الله برجع ادور على الموضوع وبنزله هنا للاستفاده

وبخصوص الولايه الي اخترتيها حابه اسالك كيفها من ناحية الامان والمعيشه والسكن ؟؟
هل عندك فكره عنهم ولا اخترتيها بحكم الدين والتخصص

لان زي حالتك عندي بنتين وبصراحه حلوو تكونين متطمنه عليهم مو تدرسين وبالك معهم

http://www.mbt3th.us/vb/forum8/thread441995-3.html

- - - مشاركة محدثة - - -



أختي شوفي هالموضوع جدااا مفيد

اللينك لموضوع القبض على مسؤل مستشفى .. 👀؟