مساعدة تم ايقاف الصرف على زوجتي المرافقة الغير دارسة الفزعه

مافي حل غير ترجع زوجتك عندك
صديقتي راحت اختها لطبيبة نسء وولاده وكتبت تقرير انها بالشهور الاولى وحملها بخير وتقدر تسافر
وراحت وولدت ببريطانيا
مافي غير ترجع زوجتك وتروح للدكتوره تطلع تقرير

زوجتي حامل بالشهر التاسع الان وماتققدر تسافر وولادتتها للاسف بعمليه يعني اقل شي شهر ممنوعه من السفر بعد الولاده.... شهر بعد الولاده يعني خلصت دراستي

وعليكم السلام ورحمة الله وبركاته ,

والله وانا اخوك على حد علمي بشروط الوزارة بهذا الخصوص ..
مافيه شي يقدر يرد المكافأه على زوجتك .. إلا اذا اخذت امر موافقة من الملحق نفسه !
لان هذي انظمة عامة على الملحقيات .. وهي اساساً على حسب المشرف .. ومشرفك دقيق ..

فيه طريقة امامك وحدة .. وماهي مضمونة , ولكن مانت خسران تجربها ..
تجيب تقرير طبي لها .. وتروح تدخل على الملحق نفسه وتوريه التقارير ..
وتعلمه باللي حصل وان هذي المكافأة تحتاجها لاجل تخلص امور زوجتك بالسعودية ..
والله ييسرها ..

حل ثاني بما انك في اخر فصل .. وهو طالما انك في اخر فصل فراح يصرف لك مكافأتين ..
وعندك امكانية بأنك ترفع معدلك حتى تقدر تطلب مكافأة التميز .. وبرضوه لو تكون في قائمة العميد .. راح تجيك مكافأة قائمة العميد !
يعني هذي 4 مكافآت في يدك لهذا الفصل ..

اضف الى ذلك انك راح تبيع اغراض شقتك وتخلص امورك لاجل ترجع ..

كلها حاطها بالبال هالشغلات الا شغلانة التقرير الطبي

المشكلة الله لا يوريكم الملحق هذا له 4 شهور بالملحقية وكره ام الشعب عيشتهم لدرجة انه كذا موظف قدموا استقالتهم بسبته

ومكافأة التفوق باخذها ان شاء الله لكن لسته العميد ما اظن باوصلها او اقربها منها

والحين قاعد ابني زقله حيا لا وغير كذا قاعد اجمع لان زوجتي عندها بعثة لامريكا بشهر 3 ان شاء الله فاحاول اجمع هنا واسدد هناك ما ابي اجي مطفر ووراية شقة وحضانة وسيارة والله ييسر
ويسامح الملحق اللي نكبنا

الله يعينك وانا اخوك وويسر امرك ..
والله الموضوع قروشه صراحه ..
لكن توكل على الله وربك ييسرها بإذن الله .. لاتخاف طالما انك موكل امورك لرب العباد ..

عارفه انها بالشهور الاخيره عشان كذا منعوها
انت شف بس دكتوره تكتب وضعها تمام وتجي عندك وتولد عندك
ولا تكتب انها بالشهر الاخير تكتب توها بالشهور الاولى
صديقتي اختها راحت وجلست شهرين وولدت والتقرير يقول توها بالثالث بس كانت مضطره
وبطنها صديقتي تقول اخذت نفس طريقة الي يجون بباب الحاره يغطي بطنها

توكلنا على الله ولا حول ولا قوة الا بالله

لا والله هذا لو اسوي عشرين باب الحارة ما في امل يتغطى

بعدين حسب ما قرأت المضاعفات اللي ممكن تصير لها من هالرحلة حتى لو ما صارت ان شاء الله
ما ابي اخاطر بسلامتها ولا سلامة ابنها اللي ببطنها صراحة صحتهم عندي اهم من المكافأة كاملة والله يكتب اللي فيه الخير

السيد طارق
دعواتنا لكم بسلامة الاهل
بغيت اسئلك وش لون الملحقية عرفت ان زوجتك ماهي بمقر البعثة