الزواج بزوج اجنبي هل يلغي بعثتي ؟

حياك اختي

مافيه مانع تتزوجين اجنبي بشرط تجيبين موافقه من وزاره الداخليه ، ويصير معك مرافق زوجك ويصرف له راتب

اهم شي تجيبين موافقه ،

٦ طرق تقديم طلب زواج من اجنبي الاول لازم تعملينه او ابوك هو من يقدم لك ،
١- الحصول على وكاله ان ابوك موافق تتزوجين من اجنبي والوكاله ل تقديم طلب الزواج باسمك للحصول على الموافقه ضروري تعملينه من كتابه العدل
٢- من السفارات بالخارج وهذا على طول ياتي بالرفض وممكن فصل بعثه الا اذا تعرفين احد بها وتذكرين لم يحصل زواج فقط نريد الموافقه ،
٣- طلب موافقه من إمارة مدينتك اذا كانت محافظه
٣- طلب موافقه من أمير المنطقة
٤- التقديم على وزاره الداخليه
٥- التقديم على الديوان الملكي للملك
٦- تقديم الزوج طلب زواج منك عن طريق وزاره الخارجيته مع إرفاق اوراق الموافقه المبدئية لك .

هذا بالنسبه للزواج وكيفيه التقديم بالنسبه للشروط
يجب تدخلين وزاره الداخليه وتشوفين شروطهم ووش طالبين

وانصحك جيبي واسطه قويه من وزاره الداخليه فيه وكيل الوزير ناسي اسمه اعتقد ان القبيله الرويلان هذا شخص فاهم اذا شرحتي له وضعك وتفهم الموضوع بيوافق لك اهم شي تقنعيه ويكون عندك أسباب ،

وصدقيني انا سعودي أفكر اخذ اجنبيه لكن لما فكرت في أمور واشياء عرفت ان السعوديه افضل ، فيه كثير أسباب وامور لو تفكرين شوي غير تغييرين رائيك من حيث أمور كثيره منها عيالك وتربيتهم ، لو لا سمح الله توفيتي ماضن عيالك يقدرون يدخلون السعوديه ، لو زوجك حصل له شي ، وظايف تذاكر سفر بيت عزوه ، ناس تساعدك وتعينك انا عشت بالخارج وشفت محد مفكر باحد ،

والله يوفقك ويسعدك ،

الله يوفقك و يسهل عليكي

اهاااااااااااااااا

هذا اللي صحنا منه ولا سلمنا ،
ليه والزواج بالأجنبي لييييه ؟؟؟
انتي ماسمعتي ولا قرأتي عن المشاكل الزوجية الناتجة عن الزواج بالأجانب !!!
انتي ابتعثتي تدرسين والا تدورين عريس ؟؟؟؟
الله علم متى بيطلع لك عقل وتصيرين بنتٍ سنعه

قال تعالى في محكم كتابه الكريم
بسم الله الرحمن الرحيم
الشعراوي

يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚ إِنَّ أَكْرَمَكُمْ عِنْدَ اللَّهِ أَتْقَاكُمْ ۚ إِنَّ اللَّهَ عَلِيمٌ خَبِيرٌ

الزواج من غير جنسيتك شيء رائع أهم شيء مراعاة انه مسلم له خلق و دين فقط كما أوصانا نبينا الكريم محمد صلوات الله وسلامه عليه

الزواج من غير جنسيتك شيء يجيب المرض
ماهو برائع الله يجزاك خير ،

ثانياً : تزوج من شعوب وقبائل السعودية ايش نبغى بمصر

مشكور وجزاك الله خير . يعني قصدك اختار طريقة من ال 6 واسويها عشان اقدم الطلب ف وزارة الداخلية