نفسي اتعلم اللغة الانجليزية ارجوكم ساعدوني

April 27th, 2018, 06:47 AM

سلام عليكم ورحمة الله وبركاته
اخوكم تركي من الرياض
حاليا دخلت دورة بمعهد البريطاني المجلس الثقافي بحي الوزرات
حطوني بمستوى ثاني وحاليا صار لي ثلاث اسابيع
وباقي اسبوعين وتخلص الدورة
احس نفسي يبغى لي اروح امريكا ولا بريطانيا ولا كندا
لازم اعيش في بيت هناك امريكي ولا غيره علشان اعرف
لان اطلع وانا عزوبي بالرياض اشتغل منا ومنا انا انسان مكافح يمكن علشان برجي العذراء
لكن معي مبلغ بسيط مجمعه
ف اطلع من المعهد يا دوب اخلص اكلي والممشى واذكر وارجع وحتى استمع لراديو القناة الثانية من شهر واكثر ولكن احس انا عندي الاستماع ضعيف
يعني لو تسرع بالكلمة ما افهمه لازم تقوله لي بطيء
ف احس ان لازم اسافر بره
ابغى نصيحتكم اللغة الانجليزية حلمي واملي مع اني مو صغير بالعمر شوي كبير
ولكن نفسي اتعلمه باي طريقة
ارجوكم ساعدوني
الرمضان جاي والمعهد البريطاني ما عنده الا مكثف
وصعب علي المكثف لان كل يوم ثلاث ساعات وصعب استوعب
الحين انا ما استوعبت واهو ثلاث ايام بالاسبوع فقط
وش تنصحوني اللي دخلوا المعهد البريطاني وجربوه او سمعوا عنه
وش تنصحوني اروح وهل المبلغ يكفي اللي معي
وخاف اتبهذل هناك من جميع النواحي
ف ارجوكم اللي يقدر يساعدني باي كلام ياليت والله
واللي يقدر يساعدني بالرسائل الخاصة ياليت والله
ولكن اتمنى المشرفين يفتحون لي الرسائل الخاصة جعل والديكم بالجنة
وجزاكم الله خير
واعتذر على الاطالة
استودعكم الله
والله يحفظكم يا المبتعثين انتم واولادكم وزوجاتكم
الله يوفقكم ويسهل امركم
وادعوا لكم بالتوفيق والنجاح

• نشر عبر تويتر
• نشر عبر فيسبوك
• نشر عبر جوجل