مساعدة مبتعث سابق (بكالوريس) مرافق حالي ممنوع من فتح ملف طالب دارس على حسابه الخاص (ماجستير)

December 31st, 2019, 07:36 PM

السلام عليكم ورحمة الله وبركاته .. عندي استفسار بسيط عن موضوع غريب صاير معي واتمنى اي نصيحة من الخبراء الله يجزاكم خير،،

كنت مبتعث على مرحلة البكالوريس وزوجتي كانت المرافق وتدرس لغه ، وقبل التخرج قالوا لي لازم تسوي (طلب انهاء بعثه) وبعدها تسوي طلب ثاني (فصل بعثة مرافق) عشان لا يوقفون راتبها ، وبعدها تسوي (طلب ضم مرافق) لنفسي من جديد وارجع احمّل كل المستندات الي موجوده عندهم من زمان (بطاقة الاحوال والعنواين وارقام التواصل والشهادات والتفرغ).

سويت الطلبات كلها وانتهيت من كل شي (وفجأه صرت ماعاد اقدر ادخل نظام سفير برقم هويتي) ولا حتى اسجل في النظام من جديد او حتى اشيك على استفساراتي القديمه والردود.

صرت انا المرافق لأنها لازالت تدرس ، وانا عندي الرغبه في اكمال الدراسة وجبت قبول ماجستير على تخصص ونظام دراسه معترف بهم ١٠٠٪ من الوزارة وبديت اول ترم من حسابي الخاص وانا ما عندي لا ملف في الملحقية ولا شي (ويعلم الله انها غصه بالحلق طوال فترة الترم)

الحمدلله خلصت الترم وبحسب شروط الوزارة الخاصة بالابتعاث للماجستير (٩ ساعات وبمعدل ٣.٥ من ٤) وبعدها طلبت فتح ملف طالب دارس على حسابه الخاص وتم الرفض بسبب انهائي للبعثه الي قبل (الي هم طلبوه مني اساسا وقالوا عشان لا يوقف راتب زوجتي والا ماكنت ادري عنه ابد) ،،

سويت طلب استفسار عند الوزارة بخصوص موضوعي وقالوا لازم اسمك يطلع من النظام عشان تقدر تسجل من جديد (وترجع تدخل النظام مره ثانيه) يعني ارجع اسوي كل شي من جديد (وادبر مرافق) يجي مكاني وانا في بلد الابتعاث ومع وزوجتي وهي تدرس وانا ادرس وكل شي ماشي تمام! لازم انهي كل هذا وابدا من جديد عشان النظام فيه خلل؟؟؟

انا ماعندي مانع ابدا انهم يوقفون راتبي كمرافق (ويوفرون التكاليف الزائدة) بس ابيهم يفتحون ملف اني دارس على حسابي عشان فقط الواحد يصير عنده أمل بالله وحافز انه يكمل ، واذا ما استوفيت الشروط من حقهم يحرموني من هالشي وحتى المطالبه بالمبالغ الماليه الي دفعتها الوزارة واستردادها كامله ،

اتمنى اي نصيحة الله يجراكم خير واسف على الاطاله

• نشر عبر تويتر
• نشر عبر فيسبوك
• نشر عبر جوجل