كيف احصل على الابتعاث وايها افضل ؟

اول شي حبيبي انت شد حيلك وان شاء الله الله يكتبلك اللي فيه الخير .. باقي لك سنتين الله العالم وش يصير فيهم .. بس مادام المعدل تراكمي شد حيلك تكفى لازم تجيب في الثانوية فوق 95 اقل شي اذا تبي بعثه .. لاتحسبني احطمك بس والله كل سنه تزيد صعوبه القبول في الكليات الزينه .. وان جاتك بعثه سواء من ارامكو ولا من الوزارة ولا من اي مكان لاتفوتها تراها فرصه انك تجيب شهادة من جامعه قويه بالخارج .. وبس وسلامتك .. اذا تبي شي لاتتردد وانا اخوك اسأل .. تحياتي

اشكرك على الرد اخوي ...:93:
ومن ناحية باقي سنتين فهذا صحيح والله العالم وش يصير فيهم
بس الواحد لازم يكون عنده طموح ... صح ؟ :120:
ولكن اذا ممكن تذكر لي بعض الاشياء الي يجب انها تتوفر ( حاليا مو بعد سنتين :119
يعني مثلا وش متطلبات شركة ارامكو يعني نسبة الثانوية والقدارت كم ؟ وكمان هل لازم اجيد اللغة الانجليزية والرياضيات حسب ما سمعت وهل هي صعبة ؟:100:
انتظر ردودكم كمان مو بس ارامكو يعني كافة الاشياء الي بعثاتها حلوة :121:
وسلامتكم

طيب يابو شنب .. انا اقولك .. ارامكو فيها بعثات .. والوزارة تسوي بعثات .. والتأمينات الاجتماعيه تسوي بعثات .. ومستشفى الحرس الوطني يسوي بعثات .. كلهم اذا معك واسطه + نسبة قويه راح تنقبل فيهم ان شاء الله ,, بس اهم شي النسبة القويه قبل الواسطه .. وبالنسبة للرياضيات والانقلش هذي ماراح تنقبل في ارامكو الا اذا عديت اختبارهم وهو صعب جدا ويبيله انقلش ورياضيات قويه .. وعلى فكره اذا جبت في اختبار القدرات 90 انا وجبت في الثانويه 90 انا اظمن لك بعثه على امريكا .. لانهم صارو يعتمدون على القدرات بقوووووووه .. وبس وسلامتك ^_^

مشكور يا ابو لحية :121: على الرد ..
النسبة ان شاء الله نجيبها بس هل اسئلة الوزارة فعلا صعبة :95:.. بما ان لك سوابق في
الثانوية :101: .. هع ... طيب اختبارات ارامكو معقول صعبة يعني الانجليزي وممكن نتعلم لكن الرياضيات من وين يجبون الاسئلة تبعها عشان نذاكرها .. والقدارت هل هو صعب فعلا برضه .. انا ما عندي واسطة :102: وش اسوي اجيب نسبة وان شاء الله انقبل .. و الله يرزقك ببعثة لبولندا :93:
وسلامتك

عزيزي لا تتعب نفسك بالتفكير تخرج من ثالث ثانوي ويسير خير !!
بعدين أول شىء حدد ميولك هل هي هندسية أم طبية ؟
بعدين لاتنسى إن كل شىء صعب مهوب على كيفيك مثلاً أبغى كذا أو كذا !!
بعدين نصيحتي قدم في كل شىء زي مايقولون " قصف عشوائي على جميع الجامعات والجهات "
مثلاً أنا قدمت على الإبتعاث أرامكو وسابك والوزارة انقبلت في الوزارة وارامكو طبعاً تركت أرامكو لأن ميولي ليست هندسية وكمان مهوب على كيفيك تختار التخصص !!! هذا بالنسبة لأرامكو!
عموماً نصيحتي لا تتفائل كثير !! ماتدري ويش يصير بعدين عشان ماتنصدم بالواقع اللي كل سنة يزداد الحال سوء بعد سوء !
والله يوفقك ويعينك على الثانوي خاصة ثالث اللي كلها نكد وضغط نفسي وخوف !!

اولا احب اشكرك اخوي على ردك
وفعلا الحالة عندنا من سئ لأسوأ ..
وبجاوب على سؤالك بخصوص ميولي انا عزيزي ميولي للحاسب
يعني كله برمجه * برمجة
تعليق اخر :
معقول ارامكو تختار التخصص لك المفروض حرية وديموقراطية يعني على الاقل ان تعطيك التخصصات المطلوبه وانت تختار ..
ثاني شي الحين ثالث ثانوي صعبه لذي الدرجة..صراحة الناس تخوف .. يعني الاسئلة من خارج المنهج معقول !!
انتظر ردك عزيزي

http://jobs.saudiaramco.com/index.jsp?lang=ar

هذا رابط من نفس الموقع الرسمي لشركة أرامكو فيه جميع المعلومات التي تحتاجها عن الإبتعاث عن طريق الشركة ,,

حتى فيه نماذج عن إختباري اللغة الإنجليزية والرياضيات ,,

وفقك الله لما فيه الخير في الدنيا والآخرة ,,

نصيحة لك لاتفكر في شيء من ألحين لا تصاب بحالة قلق

اشكرك اخي الكاسر على الرابط وان شاء الله استفيد منه ودعواتك
اشكرك اختي على النصيحة وفعلا قلق لكن وش نسوي الفكرة خلاص صارت مزروعة
دمتم بود