للمقبولين مبدئيا ( جـــــــــــــــــــــــــدة )

سؤال اخير

وثيقة التخرج + كشف الدرجات

اصورهم صور طبيعيه ولا لازم بعد التصوير اروح اختمها من الجامعه كمان ؟؟؟؟؟؟؟؟؟

ايوه طبعا لازم صورة طبق الاصل من الوثيقة وكشف الدرجات مختومه من عمادة القبول والتسجيل وانا عن نفسي اخدت من باب الاحتياط كمان صورة طبق الاصل من السيرة والسلوك يمكن يقولو هاتيها اهو تكون معايا

الف شكر اختي ,, مرة ما قصرتي معايا

ربنا يعينني يوم السبت

بالتوفيق الله يسهلك امورك كلها يارب

طيب ايش رايكم انا كتبت سكني الدايم جده وصندوق بردي بعنوان مدينته حطيتها الجبيل تبع اختي وطيروني الخبر ومره محيووووووووسه معاياا الدنياا ايش اسوي

^^

يا الله ايش المشكلة العويصة هاذي؟؟؟
ايش خلاكي تحطي عنوان اختك ؟!!!

مادري والله شوفي ارسلي للوزاره استفسري

--

الصور من الشهادة وكشف الدرجات يكون ملون ولا اسود وابيض تصوير عادي ؟؟

انا كمان يوم 6

بس شايله هم التوصيات اخاف اروح الكليه مالاقي أحد من الدكاتره

والدنيا رمضان

والله انا مررره ما عندي فكره عن التوصيات بس روحي شووفي يمكن تلاقي دكتور او دكتورة منزله ترم صيفي و ترى حتى لو ما درسك بس اذا علاقتك تمام مع اي احد منهم ممكن يعطيكي عرفتي كيف واذا ما لقيتي لا تطنشي موعدك اوووكي تعالي على الموعد و شوفي ايش يصير

انا ما عندي الا اثنين وان شاء الله راح اروح على الموعد
الله يوفقنا يااارب

بليييز يا بنات و يا اولاد خلينا خطوه خطوه مع بعض عشان نستفيد من بعض الي موعدو يوم الاحد بليييز يقولنا ايش صار معاه

وكل سنه وانتو طيبين ياااارب

انا اللي موعدي الاحد وكل شي ع راسي لووولز

الله ييسر التوصيات بكره ياااااااارب

بنات انا موعدي ان شاءلله يوم الربوع 5 رمضان ,, بس كنت ابغا اقلكم انا شفت بنات بيتكلمو عن (( الالتزامات التي يجب على الطلب التوقيع عليها لاصدار قرار ابتعاث )) هادي المفروض اللي اعرفه انها ماتتعبى دحين الا بعد ماتتأكد البعثه ويوافقو عليكي ,, لانها اصلا مو مطلوبه من ضمن الطلبات // وكمان (( نموذج الغرض من الدراسه )) كمان مو مطلوب ,, ليش في بنات بيسووه لانه هادي مجرد مرحلة تدقيق يعني بس يتأكدو من بيانات فقط لاغير ,,

وكان عندي سؤال شهادة حسن السيره والسلوك موجوده عندي بس هي بالعربي سمعت يقولو انها مو مهم انجليزي هادا كلام صحيح ولا لأ يابنات وانا شايفه اني اصورها صور طبق الاصل من الجامعه واختمها بس حبيت اعرف تكون (( عربي ولاانجليزي ))

وانا رايحه يابنات يوم السبت ان شاءلله الجامعه عشان موضوع التوصيات هادا ويقولو انه رئيسة القسم ممكن تتصرف وتحل الموضوع او رئيس قسم البنين في تخصصنا يعني هنشوف كل الخيارات يوم السبت باذن الله الين مانوصل لحل ,, مع انه التوصيات هادي مو مهمه بالنسبه ليا ولأي وحده هتبدأ باللغه لانه التوصيات دي اللي يطالع فيها الجامعه اللي هتقبلك بعد ماتخلصي اللغه ,, فماالفروض يراعو بصراحه الوضع اللي احنا فيه هادا لانه رمضان ومافي دوامات فالله ييسر علينا وعليكم يارب ,,