شــــــــــــــــــــــــــــــ الحاسب الآلي ــــــــــــــــــــــــــــــــات ....

هلا ابو سلطان

انا مادري ليش شايفين الشبكات سهل والله درستها ماده شيبت فيني وكل اللي ينجحوا في البرمجه يرسبوا في الشبكات من صعبها

فيها مسائل وتشفير وتريك

وست الاف طريقه لتشفير الشبكات هذا حفظ غير الفهم

يابو سلطان تقدر تقرى شوي عن الشبكات اذا حسيت انك تحبها ادرسها

واذا حسيت ميولك برمجي ادرس البرمجه يعني اللي انت حابه

انا من الجامعة الله يسامحو الدكتور الي درسني..كرهني مرة في الشبكات مع اني اول ما دخلت الحاسب و كنت فريش و طازة كدا كان مرة عاجبني هو و البرمجة لكن انحطيت في موقف معاه الله لا يجيبو لمخلوق.
المهم الشبكات آخر همي من بين عشرات المواد الموجودة في عالم الديجيتال و الحاسبات اذكر القليل منها :
algorithmics, cryptography, automata theory,algorithmic game theory,Digital Signal Processing, Computational Geometry, presumably,
و الثلاث الاخيرة ستكون اصعب لمن تكون ليست لمجال علوم الحاسب فقط لكن لمن تكون مكرسة لاحداثيات مجال علوم اخر مثلا molecular biology, fluid dynamics
في هاذي المجالات لمن الناس تطلب انظمة تسهلها عملياتهم و حساباتهم العلمية وهي كثير في الطب و الهندسة و الجيولوجيا..الخ.
و لا انسى الـ Complexity Theory ..اذكر صديق لي اجنبي كان يدرس ماجستير و هو بصراحة اذكى و افظع واحد اعرفو في حياتي ..مخو ماشاءالله انشتاين ..لكن رسب في المادة دي.
و هي مو منو بصراحة ..الدكتور كان يتكلم يتكلم و يبربر و يهرج وبعدين يختبرهم...ما تلاقي الا في الاخير 70% من الطلاب راسبين.

وفقط معلومة كدا للعامة : هل تعلم انو اول شخص برمج اكواد برمجية في تاريخ البشرية...كانت امرأة!!!

طيب انا بكالوريوس احياء وابي ادرس ماستر حاسب الي ايش اسهل شئ في الحاسب ويناسب تخصصي
وشكرا

بالنسبة ليا الله اعلم بايش الاسهل..في كتير اقسام متساوية في الصعوية و فيه الاصعب ..
لكن ليش ما تاخدي ماستر في قسم Computer Science وهو مجال عام نفس الشي للبكالاريوس عشان تاخدي معلومات عامة بما انك من تخصص غير..لكن لمن تتخصصي في شي معين اخاف حيتوقعو منك أساس و خلفية كافية.
فرايي اتخصصي computer science ,,,و ان شااءلله غيري من الاعضاء حيردولك و انتي عاد اختاري من بين كل الردود الي يريحك.

كلام سليم 100% من وجهة نظري لان انتي ماعندك خلفية في الحاسب فادرسي عام
طبعا بحكم اني متخرج بكالوريس علوم حاسب ^_^

Faith7 صحيح صار لي 3 سنين اشتغل
بس من جد مو عارفة وش الطلب عليه الحين .. وتفاجأت من كلامك
بشغلي ما شاء الله مافي شي الا واشتغلته
بداية بـ web developer .. وكنت ابدأ من الأول للأخير سواء data collecting, analysing, designing, programming, testing
وبعدها اتجهت شوي على الـ security وأخذت دورات فيها سواء لحماية السيرفرات وسد ثغرات الأكواد مثل الـ PHP وعمل الفايروسات
حبيت هالمجال كثير مع انه مرة صعب .. وغير كذا قالولي ماله مستقبل هنا بالسعودية .. مع اني شايفة كل الجهات الحكومية بدأت تهتم بهالناحية كثير
وبعدها اتجهت لمجال الإدارة وفرض السياسات وكتابتها وتنظيم العمل عن طريق استخدام التقنية والتحكم بالأجهزة عن طريق الأنظمة المحترفة
وحاليا تحويل الآليات الورقية لإلكترونية عن طريق برمجتها على الـ sharepoint
هذا بالإضافة للطلبات اللي تجيني مثل التصميم
يعني صحيح مشتتة كثير بس استفدت أكثر

اللي خلاني أهذر كل اللي فوق اني الحين ما ادري وش ابي
أحب مجال التصميم بشكل خيالي وأبدع فيه .. ولقيت كم جامعة تعطي تخصص computer science in graphics and animation
آآآآآآآخ يوم شفته .. بس المشكلة أحس انه مو مطلوب

وحدة من زميلاتي توها راجعة من أمريكا بالماجستير
قالت لي انه أبد لا تفكرين تاخذين تخصص مثل شبكات أو حماية أو جرافيكس .. لأنه اذا جيتي تقدمين على الدكتوراة قليل جامعات راح تعبرك
الأفضل أكمل بنفس التخصص اللي هو computer science
وهو أضمن تخصص ينقبل بالدكتوراه اذا فكر الواحد يكمل
وما شاء الله هي الحين راجعة تكمل الدكتوراه

بصراحة تشتت كثير ولازم أقرر عشان لا أتجنن
انتوا وش ناويين تتخصصون؟

يا اهلا بالاخت ديزاينر... :-)
الله يوفقك و يوفقنا كلنا... انا ان شاءالله حاتخصص سوفت وير انجينيرنج بحكم شغلي و بحكم اكتر شي اعرفلو و عندي خبرة فيه عمليا....لانو لو ان شاءالله رجعت من الماستر ممكن اكمل في نفس المكان و ممكن لا,,, اروح لمكان يكون عندي منصب اكبر فيلو وقتها ربنا يحلها.
السوفت وير انجينيرج يتضمن ويب كمان ...اقراي عنو و شوفي اذا حتحبيه :-)
شي حلو انك اشتغلتي بمنصب وظيفي web Developer هادا الشي ماهو موجود عندنا في الشركة بداكا التوسع ولانو السيستم حقنا غير. طيب انتي ويب ديفلوبر ..عملتي ديفولبمنت لايش؟ يكون مرة حلو لو حطيتي اسم النظام الي عملتيلو ديفلوبمنتى و الداتا بيس الي استخدمتيها في السي في ولا في الstatement of purpose لمن تقدمي على الجامعة... و ترى طبيعي انو نمشي في مراحل تطوير اي نظام بالنسبة للمبرمج العادي سواء ويب او اي ابليكشين وهادي خطوات اتبعها يوميا لمن يجيني اي task من الusers.
و احب اوضح الفرق للقراء بين مبرمج الويب، مطور المواقع، و مصمم المواقع.
والي هي :
Web designer, web developer and web programmer.
ويب ديزاينر= جرافيكس Graphics, visuals, and very user friendly looks
ويب ديفلوبرWeb developer = الي هو اختنا ديزاينر هنا عبارة عن كلو و ممكن للبعض تتضمن اقل برمجة من الويب بروجرامر.
الويب بروجرامر= من اسمو بررررررمجة HARD CORE PROGRAMMING
لكن...!!! الاختلاف بين الثلاثة جدا بسيط و فقط في المسمى الوظيفي و الصلاحيات (يعني حكاية Position -سيبو الراتب على جنب:-) ) لكن الJob description في الملف يكون واحد....مع انو لو جات عليا و و على اي مبرمج مبتدئ احنا في اليوم الواحد نعمل هادا كلو في اي مشكلة او تاسك.!! بس مشي حالك.
هادا لو جينا في الواقع و الي يصير في الحقيقة في بيئة العمل انو مافي فرق بغض النظر عن المسمى الوظيفي حقك ..انت حتعمل كل حاجة يعني حتعمل كل حاجة.
فلو تلاحظي البرمجة داخلة في كلو تقريبا.
و اعرفي انو الويب جدا منتشر حاليا و جاتني عروض كتيرة عليه و هو في الاخير برضو برمجة.
فغريبة انتي ما تعرفي الى الان في ايش الطلب!!!!
...انتي طيب ايش اكتر شي رؤسائك كانو يطلبوه منك؟؟ اثناء فترة شغلك ايش كانت الوظائف الشاغرة الي كانت تطرح ؟
وفي ايش كانت شركتك ترسلك في الدورات و الseminars والاجتماعات؟
3 سنين اكيد لازم تلمي بثقافة كاملة عن البيزنس حق البلد الي انتي عايشة فيه.
و الي اعرفو انو غلط تتخصصي ماستر بنفس تخصص البكلاريوس..دايما تتخصصي بشي اعمق. اي شي الا انك تتخصصي تخصص عام.

و ترى نصيحة مني..لا تتشتتي أكتر,,,لانو الخبرة اقل شي سنة عشان تنحسب في صالحك خبرة وانتي ليكي فقط 3 سنين .(انا لمن ان شاءالله اترك حاكون كملت 3)..انتي لمن اتنقلتي بين الوظائف ديكا هل كنتي في نفس المكان ولا كمان المكان غيرتيه!
لو كنتي في نفسي المكان و اتنقلتي فقط من ديبارتمنت لديبارتمنت يكون عادي لا باس به . ..اما لو كنتي فري لانسر هادا شي تاااااااني.

الله يوفق الجميع

وانا بعد تخصصي حاسب آلي ومختار حاسب آلي

وإن شاء الله راح تغيير بعد دراسه المعهد

يا هلا والله ياقمر

آمين يارب .. ايه عارفة هالتخصص وأخذنا كورس فيه وسوينا بروجكت بعد
بس من جد على قول خلود أنا ماحسيت انه فيه طلب عليه هنا
أنا عموما قلت ما أدري وش الطلب عليه الحين
لأني والله ما أتابع حاليا وش الوظايف المطلوب .. وعارفة انه هالشي غلط
بس الوظايف اللي كنت أشوف اعلاناتها مامر علي انهم يطلبون هالتخصص للبنات خصوصا
مع اني أتوقع كم سنة وراح ينفتح مجال أكبر لتخصصات الحاسب للبنات بشكل كبير
بس أنا مشكلتي اني لا يمكن اشتغل بمكان مختلط .. فيها قطع رقاب
بس حلو طالما انتي راح ترجعين بنفس المكان فهذا أفضل شي .. كذا راح تكونين مرتاحة بداخلك انك ماشية صح
لكن أنا بالنسبة لي ما أفكر أبدا انه أرجع لنفس المكان .. لأني جد تعبت فيه

بالنسبة للفرق تبع الويب ديفلوبر .. فهو كمسمى وظيفي أفضل من الاثنين الباقيين
لأنه يعتبر شامل لكل شئ تقريبا
بس عن جد أحلى فترة قضيتها بالعمل وقت ماكنت ويب ديفلوبر
ممتعة ممتعة بشكل محد يتصوره

ايه مو أقولك للاسف ماني مطلعة على المجالات المطلوبة حاليا
حاليا بالنسبة لجهتي صار فيه توسع كبير بقسم السيدات
طبعا الطلب الأكثر على وظائف ويب ديفلوبر وسيستم ديفلوبر .. بحكم توجه الإدارة عندنا
بس الشي الوحيد اللي تعبنا أنه كنا نطلب بنات تخصصهم NET. .. ونادرا نادرا نلقى
عشان كذا أفكر أطور نفسي فيه أكثر
العمل عندي يرسلوني على كل شي
كل ماتغير المسمى الوظيفي أرسلوني على دورات خاصة فيها .. وهذا الشي شتتني بشكل كبير
وقت ماتمكنت من شغلتي الأولى وأتقنتها .. نقلوني لمستوى إداري أعلى ومختلف .. ورجعت ابدأ من الصفر
يعني ما تركوني أتدرج بنفس إدارتي

أنا عن نفسي قلت لك أتمنى أتخصص تخصص دقيق .. بس كلام زميلتي خوفني أنه اذا كنت أبي أكمل دكتوراه يفضلون التخصص العام .. إلا اذا ضمنت جامعة تقدم نفس التخصص الدقيق بالماستر والدكتوراه

لا بنفس المكان
اشتغلت أول سيمستر بالجامعة وسنتين و8 شهور بشغلي الحالي .. وقت ما أتركهم راح يكون لي أكثر من 3 سنوات معهم
يعني المجموع يكون كله 4 سنوات إن شاء الله

طيب انتي قررتي على أي ولاية وأي جامعة ناوية تقدمين فيها؟

أنا الجامعة اللي اخترتها الظاهر مافيها تخصص دقيق .. والمشكلة مجبورة عليها عشان محرمي

سلام عليكم بنات شباب سيداتي سادتي


ماشاء الله كاني في قسم اقتصاد منزلي ياكثر البنات في تخصص الحاسب هههههههه


انا مقدم على الماجستير حاسب وتخصصي بالبكالريوس مو حاسب المهم -


عندي شهادات حاسب ؟؟؟


اولا--- ابي نصيحتكم لي يا اصحاب وصاحبات التخصص


ثانيا-- وهل القسم العام في الحاسب هو علوم الحاسب الالي


انا صراحة افضل قسم شامل -- عام ؟