واحد مقدم على برنامج الملك عبد الله للابتعاث المرحلة الخامسة

بســم الله الرحمــن الرحيـم

قصتي باختصار اني اتخرجت من الثانوية العامة ومن ثم قدمت على الجامعات وانقبلت فيها ولمن جا وقت ارسال المستندات ارسلتها لجامعة الملك سعود وانقبلت الحمدلله في الجامعة في السنة التحضيرية للكليات الصحية ولمن انفتح باب التقديم في البعثات قدمت في ايرلندا في تخصص الطب وبعد فترة ارسلولي رسالة فيها موعد تدقيق المستندات وطالبين طبعا الاصل فاضريت طبعا وبعد استخارة و تفكير اني اسحب ملفي من جامعة الملك سعود بالرياض حتى اقدمو في مركز تدقيق الاوراق .
اسألتي هيا الاتي :
1 - هل تعتقدون ان قراري هذا صائب بسحب الملف من الرياض او خاطئ مع التعليل وللمعلومية انا ترا حبيت اقدم على البعثات لانو اولا فيها ايجابيات اكتر من الملك سعود اولا رح استفيد من ناحية اللغة انشاء الله وبعدين الجامعات هناك اقوى و اعرق وايضا توسيع مدارك العقل و تحمل المسؤولية و الاعتماد على النفس وبعدين انا اصلا من المدينة المنورة يعني كلها غربة في الرياض وللا في ايرلندا فأنا فضلت غربة برا على اللي جوا
2 - متى موعد السفر و الدراسة : يعني بأي شهر رح يكون السفر : رجاء كتابة الشهر بالعربي
3 - سمعت انو في دراسة سنة تحضيرية قبل دراسة الطب . كم مدة هذه السنة و ايش المواد اللي تدرس فيها يعني بس لغة وللا في مواد علمية وبعدين اللي يرسب فيها لا يمح الله يقدر يعيد تاني وبعدين هل السنة التحضيرية هدي زي اللي تدرس في الرياض و غيرو من الجامعات السعودية و للا اصعب وللا اسهل
4 - هل الخوف من البعثة و الخوف من الغربة و الوحدة و الحنين للأهل و للبيت طبيعي قبل السفر وللا طفولية رجاء الرد بصراحة
كم مدة دراسة الطب مع السنة التحضيرية وهل لازم اكمل الماستر وللا اقدر ارجع لأهلي في السعودية بعد البكولوريوس
برجاء الرد ترا منتو حاسين باللي انا حاسس في من تعب نفسي من كتر التفكير ..
وبعدين انا من المدينة يعني سواء في الرياض وللا في ايرلندا تقريبا كلها غربة لانو حتى هناك ما عندي احد