مصير محارمنا يامبتعثات المرحلة الخامسة

يا اختي ابدا الدراسه وربك بحلها من عنده لا تبدين تضعين العقبات امامك بناءً على اقوال ليست موثقة.....

صح كلامك لان اخوي معهد تقني وحتاره شلون اخليه يكمل هونيك
ووشو الاجراءات..
خاصة من بعد اللي سمعته..
كذا يطفشون محارمنا

اية صحيح ابدأي وربك يحلها و يسهل الامور ان شاء الله

خليه يراسل معهد من هنا و يجيب قبول و اذا طلبوه ورقة ضمان مالي خلي اي احد ( مقرش ) عنده رصيد يجيب كشف حساب و يقول انه متكفل فيه دراسيا في هذا المعهد و اذا و صلتوا بلد الابتعاث راح ينضم للبعثة مباشرة
لا تضعي عقبات و تزلي و انتي ما اخذتي الكلام من مصدر مسئول
راجعي موقع الملحقية و موقع الوزارة و انتي تشوفي الاجراءات

بعد القراءة اذا ما استوعبتي شي اسألي


تحياتي

الموظفة من الوزارة فهمت السؤال خطأ

والإجابة من رأس الوزارة يا أختي وما عليك من أي احد ثاني

المحرم او المرافق أو المرافقة تدرس لغة في البلد المبتعث إليه فقط أما الجامعة فيبحث عن قبول وفي حالة وجد قبول يرفع أوراقه للملحقية وهي ترفع للوزارة وتكون عليه لجنة ويتم القبول أو الرفض بس القبول هو الأغلب

وخذيها نصيحة مني ما في فرق بينا وبين المراحل السابقة إلى في الدورة الإلزامية لكل المستويات فقط


تحية طيبة لك

اسمحيلي اختي كلام المسئولة اللي اجابتك غير دقيقه

فلا تستعجلي الامور

المرافق حسب التعليمات لما يوصل مع المبتعث لبلد الابتعاث يأخذ ضمان مالي من الملحقية للمعهد اللي فيه المبتعث الاصلي

والضمان فقط لدراسة اللغة في المعهد فقط

ممكن تتأكدي من الموضوع في موقع الملتقي السعودي في امريكا

يا اخي المفروض انه احنا نكون تفاعليين, مو ننتظر الشي حتى يصير وبعدين نقول "قولة أفا ماتنفع!!".. وبعدين هذا الكلام انا سامعته من موظفة خاصه بوزارة التعليم العالي, وماهي من الموظفات العاديات الي يراقبون الامتحان. كانت جايه كمشرفه عليهم

اختي ايمان, انتي بعد كنتي هناك؟... انا بالنسبه لي جبت الى محرمي قبول معهد وقاعده اشتغل على قبول الجامعه, وطبعا على حسابنا, لغرض واحد فقط اللي هو: انه يحصل على الضمان المالي من الوزاره لما نوصل بلد الابتعاث, وماهو عشان يدرس على حسابه لين ربك يسهلها واوراقه تنقبل!

تشكر اخوي على المرور (:

عزيزتي, انا مسبقا عملت الواجب وقريت وقريت وحفظت موقع الوزاره, ماني من النوع الي يسوي جلبه على شي بايخ ومن غير مايعرف اساسياته, انا عارفه انه المحرم يلحق بالبعثه, مسبقا كانوا يوفرون الضمان المالي للمحارم والمبتعثين من هنا, الحين لا, تجيبين انتي قبول من عندك وبعدين تستبدليه بالضمان المالي من الوزاره.. لحد كذا آمنا بالله, راضيين

لكن الي صاير الحين انه محارمنا معاملينهم حالهم حال أي طالب سعودي رايح يدرس على حسابه الخاص ويقدم التحاق بالبعثه!!
يعني ادرس على حسابك وقدم اوراقك وانتظر تجيك الموافقه!
يعني حتى دراسة المعهد ماهم متكفلين فيها
الكلام مو بس على دراسة الجامعه يا حبايبي


اتمنى يكون كلامك صحيح وتكون الموظفه فاهمه غلط, مع انه السؤال واضح والجواب اوضح
من جد اتمنى انه كلامك هو الصحيح كوني بنيت عليه كل أموري من البدايه

اجل شلون هذي الموظفه تقول انه يدرس معهد على حسابه الخاص؟؟
ماقالت تجيبون قبول على حسابكم الخاص وبس
قالت يدرس على حسابه ويقدم اوراقه للملحقيه ويعتمد متى تخلص ويتم قبوله

مشكورين جميعا على المرور والرد القيم

أسمعيني أختي

أدخلي على اللوائح الخاصة بالمبتعثين في موقع الوزارة وهي راح تعطيك الإجابة الشافية وبعيدا عن أي شخص ممكن يعطيك معلومات قد تكون قاتلة في بلد الغربة

وأي إستفسار آخر كوني قريبة من الوزارة وأسأليهم

وإن شاء الله تستهل أمورك

وعلى فكرة أنا مرافق لزوجتي مطلوب مني قبول جامعي وليس معهد