اجابة على استفسارات تهم الجميع ( المرافق - الدورة - تغيير الدول ...الخ)

مشكوورة جزاكِ الله خيير
بس بجد حكاية المرافق صدمة
إن شاء الله يكون كلامها خطأ

اما عااااااااااااااااااااااااااااااااد :/
المرافق مايدرسونه .. !!
هماه الموسى يبربر من اول المرحله المرافق ندرسه ونرزه ونعزه
وش عندهم لاتكون الميزانيه ماكفت
يقولون لانام حظك عند حفره .. دزه شوي علشان يطيح ابرك له <- تأليف خخخخ

MEMO

الموسى للاسف خربط علينا كثير واخرتها هذا كلامهم

بس عجبني مثلك ههههههههه ضحكتيني اضحك الله سنك

صدقتي الحظ من جرف لدحديرة جعل حظنا بالاخره

تسلميـــن عالافــآآآدة

بس وربي صدمـــة لو يطلع كلآمهـآ عن المرآفق صحيح

حرآآم عليــهم

نص مرافقيننـــــأ بيكملون البكالورويس هنــآك
يعني معقولــة يضيع مستقبله هنـآ وهنـآك

آن شـــآآللله يطلع كلامــهـــآ غلط ان شـــآآلله

هنا المشكله انها تتكلم بثقه وبكل تاكيد

وعدت السؤال عليها كم مرة بس كان ردها فوق سلبيته استفزازي

اولا الله يعطيكي العافيه حبيبتي ...

ثانيا وش هالتخلف انا البارح وحده قالتلي هالكلام وقلت يمكن مو فاهمه السؤال

والحين جانا التأكيد يعني اذا كان كيذا ليه يروحون مرافقينا معانا خلاص كل وحده تروح وتدبر امورها

يعني حرام يتركوا وظايفهم ودراستهم هنا ويروحون على امل انهم يدرسوا لو لغه واخرتا على فشوش

طيب والي مايمديه يقعد بالبيت يمص حمر ويفصفص وش التخلف دا بجد شي يقهر

يعني غيرولنا الدول قلنا اوكي كمان مايدرسوا مرافقينا بس لغه مانبي جامعه بس معهد على الاقل .....

الله يعين والله هم يبون يعقدونها عشان الاغلب يكنسل ويحطوا الفلوس بجيوبهم الله يعزك

يابابا عبدالله على الي تسويه بشعبك ويحفظك بس للأسف ماتدري وش يصير من تحتك ...!!!

الحمدلله الميزانيه كل مالها بزياده ومن موظف لموظف يشفط كم مليون الله يسامحهم ...

والله حرقوا دمي الله يحرق دمهم ...


اسفه اذا كان غلطت بس بجد يعني الي ماعنده وش يسوي ..؟؟؟؟؟

احلى تشكيله قلتي اللي بخاطري بجد

انا لما غيروا لي الدوله واقتنعت واقنعت اهلي طلعو بسالفة المرافق

قفلت بوجهي معليش مارح ابني مستقبلي على حساب مرافقي اللي بيخلي الجامعه عشان

عالاقل يحصل لغه واخرتها كذا

مانقول غير حسبنا الله ونعم الوكيل

لاحول ولا قوة إلا بالله العلي العظيم

كيف المرافق ماراح يدرس حتى لو لغة

لو السالفة جد بيتغير كل شئ بالنسبة لي


يااااااااااااااارب عفوك

يارب يكون فيه لبس

السلام عليكم

اخواني واخواتي

ماعليكم من كلام موظفات الوزاره... والله انهم لا يعرفون النظام ولاشي

ياناس ياعالم... دراسة المرافق تكون على حساب الدوله ...هذي فيها قرار وزاري طالع من مجلس الوزارء.. يعني مايتغير الا بقرار وزاري... شوفوا الرابط تحت:
http://www.mohe.gov.sa/ar/studyaboar...e-Mission.aspx

وما ينطبق على الزوجه ينطبق على الزوج والاخ والاب ... يعني المحرم


اللحين نرجع لموضوعنا... انتبهوا لا تاخذون بكلام من هب ودب....
اعطيكم سالفة دراسة المرافق من طق طق الى سلام عليكم....بحكم اني مرافق والحمد لله انظميت للبعثه الفتره القريبه اللي راحت

اول شي المرافق يدرس لغه وتكون مصاريف الدراسه على الملحقيه مش على الوزاره .. معنى الكلام هذا الملحقيه تصدر قرار دراسته اللغه بدون الرجوع للوزاره....( هذي النقطه اللي مخليه موظفات الوزاره يقولون لكم الوزاره ماتعطي المرافق مصاريف دراسة اللغه) شفتوا كيف هالموظفات مساكين ماعندهم خبره...

ثاني شي .. بعد المرافق ما يخلص اللغه او يكون عنده قبول من جامعه معترف فيها والتخصص معترف فيه بدون شرط اللغه .. تقوم الملحقيه الثقافيه في بلد الابتعاث برفع طلب المرافق بالانظمام للبعثه الى الوزاره .. وفي اغلب الاوضاع تصدر الموافقه....

ثالث شي..( مهمه النقطه هذي ) نفرض انو المبتعثه راح تدرس ماجستير وقرار الابتعاث الصادر لها كما هو معروف 3 سنين ( سنه دراسة لغه وسنتين دراسة ماستر) المرافق لازم يكون عند نهاية ابتعاث المبتعثه الرئيسيه خلص على الاقل 50% من دراسته الجامعيه.
عشان تتخطو هذي العقبه... اعملوا التالي:1- لا تستعجلوا في اصدار قرار الابتعاث
2- خلو المرافق يدرس من اللحين لغه ويستغل الفتره اللي قبل الابتعاث في تعلم اللغه الانجليزيه.. عشان تقل فترة دراسته للغه في بلد الابتعاث وبالتالي يكون قريب من حاجز المدة المطلوبه 50%.

بالنسبه لنقطة لا تستعجلوا في اصدار قرار الابتعاث... لنفرض انكم اصدرتوا قرار الابتعاث وهو على فكره مدته 3 شهور . وسافرتوا في اخر شهر من صلاحية القرار .. راح يروح عليكم 2 شهرين من البعثه لانه من تاريخ اصدار قرار الابتعاث تبداء الحسابه تحسب يعني تبداء فترة البعثه في العد التنازلي... عشان كذا لا تصدرو قرار الابتعاث الى قبل الفتره المحدد لاخر فرصه لاصدار قرار الابتعاث واللي هي عادة تكون في شهر 6 او 7 ميلادي...

بالتوفيق للجميع