مهم بخصوص ترجمة شهادة الميلاد وشهادة التطعيمات

والله احترنا

ناس تقول ما يحتاج شهادة التطعيم وشهادة الميلاد وناس تقول لا لازم !!

انا بالملتقى سالت المسئوله تبع وزاره التعليم العالي فدقت على الرجال وسالتهم وقالوا تترجم شهادة الميلاد حقت ولدي وبعدها تروح وزارة الخارجيه وتحتمها وهذا كلامهم والله اعلم

لازم ندق على احد من المسؤلين ونشوف

بجد تعبنا من كثرة الكلام

اللي يقدر يكلم اي مسؤول يكلم ويرد لنا

في مكتبات في جده كتير ترجمتهم معتمده عندك بحي الجامعه قبال كليه الهندسه خلف كنتاكي في الساعاتي وفي الحريف

وكلهم رخيصين 40 ولا 35 ريال الترجمه لكل شهاده

اللي ماعنده شهادة ميلاد ولا شهادة تطعيم ؟

unique girl
نعم متأكدة من هالكلام ربي يوفقك لأنهم طالبن انها تكون مترجمة و الخارجية ماراح تصدقها الا اذا كانت مختومة من الغرفة التجارية اللي المكتب اصلا تبع لهم و لازم تكون مختومة من مصدرها
الشهادات الجامعية تكن مختومة مثلا من الجامعة تكفي و عليها ختم المكتب و الغرفة التجارية ثم الخارجية
البطاقات الخاصة من احوال و غيرها لازم تكون مصدقة من مصدرها اللي هو الأحوال بعد الترجمة و الغرفة التجارية عشان تصدقها لك الخارجية
للافادة الخارجية ما تصدق الا الأصول او الصور طبق الاصل يعني لازم ختم ملون
اتمنى الصورة وصلت

ضوء
شهادة حسن السيرة و السلوك
اذا انت خريجة ثانوي و رايحة للبكالوريوس مطلوبة منك
و من البكالوريوس للماستر مطلوبة كمان
لكن للدكتوراه مش مطلوبة

التوصيات لا تغني عنها حسب المرحلة اللي ذكرتها لك
موفقة ان شاء الله

zahoora
اذا ما عندك شهادة ميلاد تروحين تطلعين بدل فاقد و تقولي لهم انك مستعجلة لأنك مبتعثة و مطلوبة منك في امريكا و راح تصدرها لك الاحوال المدنية
و التطعيم كله تحليل دم و تطلعي بطاقة تطعيم و اذا عندك واسطة في وزارة الصحة ولا احد المستشفيات الحكومية او المراكز الصحية الحكومية او الخاصة يطلعها لك سلام سلام ( الحكومية تطلعها عربي و الخاصة تطلعها انجليزي غالبا ) و ترتاحي من الترجمة

وبعدين اجراءات الترجمة و لاتصديق

بالنسبة للاخ عبدالرحمن الشهري اللي سال عن المكتبات اللتي تترجم وتختم هيا اللي قبال الجامعة زي ماقالت الاخت الحلوة اسمراني وربي يسهل للجميع بس انا صراحة ختمتها تاني من الوزارة احتياط يعني مع انو حق المكتبة قال ختمنا يكفي

بس لما تروحوا الخارجية ماراح يرضى يختم اذا ختم الوازرة او الغرفة التجارية مافي
من تجربة
ربي يوفقكم و يسهل اموركم