المرافق الأخ اللي حيوصل اخته وراجع

قبل ما تفكروا في الموضوع ..
فكروا في الحديث .. ( كل إناء نبت من سحت فالنار أولى به ) ..

وأول شي تحاسبي عليه .. مالك من فين أخذتيه .. وفين راح ..

الوزارة تمنع .. الي زي كذا .. إنها تاخذ مكافأة المرافق وهو ما هو موجود في نفس البلد !!

كيف يطيب لكم تاكلوا فلوس حراااام !! .. أجل حلال فينا الي يصير في البلد من نهب وسرقة .. إذا احنا من هذا العمر بنفكر ناخذ بدون ما نفكر من فين !!

...

أنا ممكن اطلع .. وافكر بعد فترة زوجتي وابنائي يرجعوا حق كم شهر إجازة .. بس رايح ابلغ الوزارة بالموضوع ..

مرررررة .. النار ما تسوى كم دولار أخذها بدون وجه حق ..


....


والله .. ما تستاااااااااهل ..

فكروا .. الله يرضى عليكم ..

^^^

انا اتفق معك

بس الخوف مو بلفلوس الخوف البنت تنلغى بعثتها انا عادي ياخذ لفلوس مابي يكون بذمتي شي بس تنلغى البعثه حرام وشرعا اتفقوا العلماء

ان الاقامه بدون محرم جائزه بس السفر هو الي مو جائز فاذا وصلها وتطمن عليها وصارت مقيمه فهو جائز ليه هم يجبرونا

1 - فلوس حرام
2- بدون محرم
3 - الشغله فيها لف ودوران
4 - قد تلغى البعثه

انا رايح ادرس مو ادور فلوس العب فيها

المفروض يتغير عنوان الموضوع ويكتب

كيف تحتال على الحكومة بأخذ مكافأتين ، الاولى حلال والثانية عكسها

بعد كلامكم مافي كلام
وكمان الوزاره فين حسبي الله عليهم المفروض يشددو علي المحرم (( مو كل المبتعثات تعرف طريق الص انا مابعمم لكن زي مفي السعوديه بنات بتلعب اكيد حيكملو لعبهم هناك واكثر بس الله يسترنا ويزيد الدوله تمسك في الدين ))))
ناس بالعافيه تبي تعيش علي راتبهم وناس تبعزق براتبين وفالتهااااااااا

ماظن بنت بدرجاتها العاليه والي استحقت البعثه تفكر باللعب

وثانيه على اي اساس تحرموا غيرها عشان بنت حبت تلعب

وفي شباب يروحوا يلعبوا ويامكثرهم فليه مايحطوا لهم شرط ولا ترجعوا تقولوا دين ارجعوا لهيئه الافتاء قالت الاقامه جائزه

يعني الافضل بدل مايكون رقابه على المحرم تكون الرقابه على جميع المبتعثين في سلوكياتهم واخلاقهم ودرجاتهم

اوك دحين لو ماابغى بابا تنزلو المكافأة ماافتحلو ملف عادي ولا لازم افتحلو ملف لانو بابا حيرجع وحقعد مع اختي وزوجها

واذا مافتحتلو ملف مايقولولي لازم المحرم يجلس معاكي ؟؟

يعني لو عرفو انو رجع وقطعو مكافأتو مافيها اشكالية عليا؟؟

مابسأل عن المكافأة ماابغاها بس بسأل عادي لو عرفو مايرزلو واغلب يلي بياخدو المكافأة أعتقد عشان خايفين تتلغي بعثتهم مو قصدهم يحتالو وياخدو راتبين

!!!!!!!!!!!!!!!!

من جد، دحين احنا مو قصدنا نتحايل على الوزارة او شي من كده. ومو حكاية انو والله ابا راتبين بدل واحد. لكن الواحدة تكون عندها ظروف ما تقدر تجبر محرمها يجلس معاها. ايش تعمل يعني؟؟ تنسى تكمل دراستها ؟؟

مو من حقها انها تتعلم و تكمل دراستها زيها زي الولد، و اذا على حكاية والله البنات يبو ينفلتو. انا ما اشوف في فرق بين الولد والبنت في دي الحالة اللي بطال بطال، سواء هنا ولا هناك.

اذا رجع وانقطعت مكافئته عااادي جدا انا والدي رجع ومكافئته انقطعت على طول والحمدلله مافي مشاكل
يمكن يرسلون لك تعهد تعبينه بس انا طنشت وعادي ماسئلوا ولا شي

اذا سئلوا قولي الفيزا السياحية مدتها انتهت وطلع من البلد .. وهذي الحقيقة



واذا ما بتفتحين له ملف برضو عادي.. انا لي صديقات كثير مالهم ملفات محرم .. وانا جلست سنة بدون ما افتح ملف محرم

ماافتي لك لو مافتحتي بيسئلوا ولا لأ
لو حابة تفتحين للاحتياط شي يرجع لك

بينك كلامك معناه انو من الاساس اول مايجي مو ضروري افتح له ملف اصلا صح كذا؟؟

لان اخوي المرافق وهو ملتزم بالعمل يادوب حياخذ اسبوعين اجازة عشاني يعني مستحيل اقدر اجيب خطاب تفرغ او تقاعد

فاذا الموضوع عادي اني ما افتح له ملف من الاساس
خلاص اوفر على نفسي التعب وما ابغى راتبو ولا ابغى افتح لو ملف
ينفع كذا ؟ والا اجباري اول مرة افتح لو ملف؟؟