تقرير بعد الوصـــول للولايات المتحدة الامريكية - معلومات هامه - التقرير الاول

الحمدالله على السلامة والله يسهل أموركم .. عندي سؤال بالنسبه للصور 6x4 أو 5x5 نفس صورة الفيزه وهل في شروط معينه في

الصوره بالنسبة للمرأه ؟؟

شكراًجزيلاً

الصوره 4×6 عادي مالها شروط معينه بس ماهي 5×5 اللي طلبوها للملحقيه 4×6
وبالتوفيق

الله يجزاك الجنة

أخوي المرافق سيدرس اللغة فقط بفيزة اف1 وماراح يدرس جامعة؛ هل يحتاج ان نفتح ملف له عند وصولنا للملحقية؟
لأنه بيجلس سنه وحده وبيرجع، مدري عن النماذج اللي بنعبيها اذا اكتشفوا فيها تناقض مع اللي عبيناها للتأشيره مسبقًا، هل أبين انه بيجلس سنه وحده؟؟ أو أعبيها طبيعي زي اللي حقت التأشيره؟؟
وش أسوي بالضبط حتى مانوقع بمشاكل؟؟؟

الحمدلله على السلامة يا اخوي...والله يوفقك في بعثتك ويوفق جميع المسلمين

بالنسبه للمرافق فيزة F1 لازم يداوم فل تايم .. طبعا لازم تفتحون له ملف اذا القبول معه من الآن عطوهم
القبول والنماذج وانتم في واشنطن .. اما اذ االقبول ماهو معه يروح لولاية الابتعاث .. ويرسل الملفات لهم
ويداوم .. لكن ملاحظه مهمه جدا .. اذا غاب اسبوعين + 3 ايام .. خلال الاربع شهور .. هذا راح يعرضه
لمشاكل كثيره مع ادارة الهجره ..
الملحقيه مالها اي علاقه بالنماذج اللي عبيتوها في السفاره ..
بالعربي اذا ماتبون تقعون في مشاكل مثل ماعلمتكم .. انت والمرافق لازم ماتنزلون عن 80% بالدراسه
والا هذا بيعرضكم لمشاكل كثيره انتم في غنى عنها مع الامريقريشن ( ادارة الهجره )

بالتوفيق

شكرا لك على تمنياتك اخوي مكافح .. وششكرا للجميع

شكرًا لك أخوي bsd.
طبعًا أخوي المرافق معه قبول اللغة لمدة سنة، فبيدرس اللغة فقط وماراح يجيب له قبول للجامعة. فقط اللغه وبيرجع.
فأنا أقصد النماذج عامة مثل الاستمارات سواء اللي راح نعبيها في الطائرة وفي محطة الوصول أو غيرها، لأن قرأت في الكتاب اللي وزعوه بالملتقى "انه لابد ان تتطابق المعلومات التي سبق أن سلمت للسفاره عند التقديم على التأشيره مع مايكتبه الشخص أو يدلي به بعد ذلك لكي لايكون هناك اختلاف وعدم مصداقية تحسب ضده وهي غير مقصوده"

في هذه الحاله اكتب ان اخوي بيجلس سنه وبيرجع؟؟ مع العلم ان في السفاره ذكرنا انه بيقيم معي مدة 5 سنوات.
أو أخلي الوضع طبيعي وأذكر زي ماكتبنا في التأشيره بأنه سيقيم مدة 5 سنوات، لحد مايخلص سنه بعدين نكلمهم؟

أولاً ألف شكر لك على مساعدتك لأخوانك والله يعطيك العافيه.

لو سمحت أخوي أرجو ان تفيدني بخصوص اللي فوق
بالنسبة لمرافقي مؤهله دبلوم متخرج من نصف سنه
راح اليوم للأحوال المدنية وطلب برنت لإثبات انه غير موظف
ويالله الموظف رفض يطلع له، وقال له جيب خطاب من الجهة اللي طالبه هالشئ !!!
معقوله يجيب خطاب من أمريكا؟؟ وكيف؟؟
هل يقدر يطلع له طريقة اثبات ثانية غير برنت الأحوال؟؟
علمًا بأن موعد سفرنا لأمريكا بعد أسبوعين فقط
؟؟؟

الله يوفقكم ويوفقنا لمى يحبه ويرضاه


اتمنى السعاده للجميع وهذي رساله عشان المشاركات توصل 30

يا اخت ابرار .. بما انه جاء خليه يجيب قبول جامعه .. هو بأمكانه ينزلك ويرجع بس صدقيني
لو الملحقيه شمت خبر ( عن طريق احد يتبلى - او صكت في راسهم يشيكون للعموم - او او او )
صدقيني بتلحقين اخوك بلمح البصر

انا مادري وش ظروفكم .. لكن اولا المعلومات اكيد لازم تطابق لان معلوماتك وحده لكن مو شرط
نفس اللي بالسفاره تذكرينه للملحقيه .. اصلا مافيه شيء بالملحقيه اسمه اقولهم بيجلس معي سنه ..
ولو قلتي لهم قالوا يالله اشناطك وللسعوديه ولا تكلمينهم بهالموضوع اذا اخوك خلاص بيرجع
قولي ان اخوك موجود معك .. ولاتنسين في هالحاله راح يعرضك هالشيء لمشاكل كثيره
مثال .. انه ماعندنا في السعوديه انك تسافرين بدون محرم .. هذا بنتغاضى عنه
بس بيعتبرونه تحايل ضدهم .. حيث انك اذا قلتي بأن اخوي موجود بكذا الملحقيه
بيمشون لك مكافأة شخصين وبالاصل الموجود انتي فقط يعني بدال مايعطونك
1800 وعليها دولار .. بيعطونك 2860 دولار وبكذا بتدخلين في مشاكل
والدليل في نفس نموذج قرار الابتعاث انتي موقعه بأن المحرم بيجلس معك طوال فترة البعثه
ولو شمو خبر بأن المرافق غير موجود .. صدقيني بتنلغى بعثتك وتضيع فرصتك وحلمك ..
انا ماقولك هالكلام عشان احطمك بس اقولك الصح ...

بخصوص ان اخوك توه متخرج خلاص ماهو لازم يجيب اثبات حاله
تكفي شهادته اذا انه متخرج من 6 شهور او حتى سنه بتمشي اموره
وبالتوفيق لكم

حياك يا اوباما ههههههههههههههههه اجل بتخليها 30 وش نقص مشاركاتك وصارت 28