قبل ما أبتدي أجراءات الأبتعاث

وعليكم السلام ورحمة الله وبركاته
اول شيء حتى تسجل لازم اوراقك كاملة ...
شهادتك وشهادة حسن السيرة والسلوك والتوصيات ..كلها اصل مع صور مصدقة ..
جواز السفر ويكون مجدد يعني لو باقيلو اقل من سنة ما ينفع ...
وطبعا بطاقة الهوية
بعد كدا تسجل في موقع الوزارة وتعبي الابليكشن الخاص بالبعثة .. اللي هو فيها معدلك والدولة اللي تبغاه ...الخ
بعدين يرسلو لك موعد عن تدقيق اوراقك ..يطابقو البيانات اللي سجلتها باوراقك .. وبس تنتظر النتايج النهائية للترشيح ..
عموما هو كل شيء عند الوزارة يعتمد على المواعيد اي شيء جديد يرسلو لك .. يعني يفضل انو يكون رقم الجوال اللي بتسجل بيه ما يتغير ..

ونصيحة قبل ما يبدأ التسجيل اقرأ كتير عن الدول والجامعات وعن التخصص اللي تبغاه حتى لو سجلت بعدين واخترت الدولة تكون على نور وما تضطر تغير زي ما حصل معانا

وبالتوفيق وان شاء الله ما يكون نسيت شيء
وطبعا بعد النتايج تنتظر القبول ..الوزارة بتتكفل بيه وبعدها تنتظر الملتقيات وقبل دا كلو ممكن تكون هناك دورة في اللغة الانجليزية والله اعلم
بعد ما يجيك القبول على طول تبدأ في اجراءات الفيزا وربنا يسهل عليك


في كتير مواضيع في المنتدى ممكن ترجع لها .. فيها كل شيء ممكن يجاوب على اسئلتك

وشهادة التطعيم ضروريه؟

اتوقع شهايد التطعيم دي خاص باللي حيسافرو امريكا ... وضروريتها مو في التقديم .. ضروريتها تجي لما تجي تسافري خلاص على امريكا لازم تكون معاكم

واتمنى طلاب امريكا يجاوبكم لاني مو امريكا ومدري عنها !