هاي قايز......الي ما تنطبق عليهم شروط البعثه يرضون ياخذون اوراقهم وامور اخرى مدهشه ؟؟

June 20th, 2010, 10:49 PM

تسمعون بالتشويق

يعني الآن انا ناويه اقدم على ماجستير تسويق ولا إدارة أعمال على بريطانيا مع اني منغثه منها والله بس الشكوى لله اخاف اروح غيرها الا اذا شجعتونيبس امريكا لا تطرونها لي امبسبووووووووووول وعندي خبره عملية

ولكن شروط البعثه للماستر ما تنطبق على من ناحية سنة التخرج وغيرها

يعني لو قدمت على الوزارة ياخذون اوراقي ولا لا؟؟

وتنصحوني أقدم على مين بالوزارة عشان ارسل له شنب يتفاهم معه؟؟

ولما افتح موقع وزارة التعليم العالي ما يطلع لي نموذج طلب ابتعاث من وين اجيبه؟

ولا ادور الواسطه بعد واسطة رب العالمين ولا اتعب نفسي مشوار الوزاره ولا احد يقولي روحي ادرسي على امل الضم ما احب الاحتمالات وطول الامل خاصه انها بفلوس يا جماعه!


طيب اذا فيه بلد زي بريطانيا وامان وش ترشحون لي لدراسة الانكليزيه؟؟


الحين انا ادرس بالمجلس الثقافي البريطاني تخيلوا الكورس الواحد الفان وشويه و7 اسابيع على 3 مرات بالاسبوع 3 ساعات لكل حصه على اربع units !!

حسهم يمططون بالدراسه عشان تسحيب الفلوس ولا اخر خبر يزيدون في ال level

يعني الي يدرسون ببريطانيا صح اغلى بس هل طريقة التدريس والفتره وحده ولا مكثف انا ابي شئ مكثف ومعدل الساعات اسبوعيا كم وكم مره بالاسبوع عشااااااااااااان المسلمون يفهمون ؟؟



صح اسئلتي كثيره بس الي يجاوبني مشكور مقدما والله يكثر دراهمه والله يسخر له دنيا وآخره ويرفعه دنيا وآخره ويوفقه ويسخر له وزارة التعليم العالي والملحقيه والعباد ويجزاه خير ......اها وش تبون بعدها؟

• نشر عبر تويتر
• نشر عبر فيسبوك
• نشر عبر جوجل