تحذير لطلاب البكالريوس المرحله السادسه

بدون ضمان من الوزاره ببعثتك لاتدخل هالمنافسه الا اذا درجاتك تسمح لك بالمنافسه

<<< روحي روحي روحي يا شيخة ربنا يوفقك ويسعدك ويعطيكي على قد نيتك
دا الكلام راح صوتي وانا اكرر واحزر واقول
فاسمحيلي في اي مكان لقيت لبس على موضوع ومني قادرة ارد احط موضوعك ^___^


وكلامك كلو مية مية
وفي حاجة تانية اللي يبا يقدم بليييز حطو في بطنكم بطيخة صيفي
مع الوزارة مش حتقدر تغمض عنيك
انا بسلامتي >> بدأت تحكي حكايتها الاليمة هيهييييييييييييييييي
قدمت طب على ايرلندا وطبعا عشان ايرلندا تطلب نسبة عالية
فانقشيت انا وصاحباتي رغم انو نسبتي فوق ال 96 بس القدرات طايح كان شوية في التمانينات
فمو حكاية تحبيط بس اجمعو نسبكم ياللي تبو طب ازا طلعت فوق ال 92 فانتو مقبولين في ايرلندا طب ازا لا فاختارو دولة غيرها من دحين عشان تضمنو حقكم >> قلبت نصيحة
المهم نكمل وبعد ما اتقشيت بسلامتي رحت لهولندا هع وحصلتلي ظروف مع هولندا
وراح خالي ما قصر وقوم الوزارة فوق تحت
وحولوني لامريكا وطبعا غيرت التخصص
>> نصيحة خلي واحد كبير في السن يدخل على الدكتور الحربي ويشكي
وراح تتحولو لدولة تانية ^___^
المهم نهاية القصة >> الحمد لله
اهو عندي موعد في السفارة الامريكية وربنا يسهل

وزي ما قولت راح تدخلو في معمعة فجاولو تحطو خطة ب لكل شي
وربنا يوفقكم يارب وتتسهل اموركم ويعطي كل واحد اللي في بالو

في امكن اسبوع
ازا ما خاب ظني التسجيل حينقفل على 25
فالرسالة بعدو ما تطول يعني امكن تاني اسبوع من رمضان >> قصدي التدقيق يكون تاني اسبوع او تالت اسبوع من رمضان فالرسالة قبلو باسبوع <<< لخبطة
اتزكر انا اخدت شهادتي من الجامعة في رمضان عادي بعد الرسالة اتزكر كمان انا كل البشر جاتهم رسايلهم الا انا
جلست ابكي واندب حظي بس الحمد لله بعد 3 ايام جاتني

لا استراليا كل الطلاب اللي فيها طب اتحولو من المرحلة التالتة
والطب فيها جدن معقد لازم تجيبي A في كل المواد في سنة الفاونديشن واللغة طالبين شي كبير وما يقبلو اجانب كتير الا 5 او 6 بس
مع نفسهم فالوزارة قفلت الباب من اصلو
وكلهم اتحولو على اقسام تانية او على هولندا طب بشري

وامريكا يا ستي كل التخصصات مفتوحة ماعدا الطب البشري وطب الاسنان

تمريض وعلاج وتغذية وعلوم صحية وتقنية طبية.......

بالتوفيق يارب
وربنا يسعدكم ويحققلكم اللي في بالكم
مني مصدقة العام كنت زيكم هيهيهيهيهيهيهيهيهيهيهيهيهي

من جد كلامكم يخوووف وانا دايماً مأخذه بمقووله درجاتك مستوفيه للشروط يعني مقبووول طلع الله يستر

هو صحيح مو مضمون القبوول بس لازم نخطط للتخصصات اللي نبي نحطها


طيب شكراً على ردك على سؤالي بجد ماقصرتي

وعندي سؤال بعد ربي يسعدكم

كيف الدراسه بامريكا >>>>>تمشي وتسأل بخلق الله هع

وسمعت ان الدراسه بكندا صعبه صح ولا لا؟؟؟ وبأي دوله تنصحونا اكثر بالعلوم الطبيه؟؟

الله يعين و يكتب اللي فيه الخير

اذا بعث من الدولة خايفين ما ننقبل
و اذا على الملحقية نسمع كل يوم بالمشاكل و الظلم منهم

الوضع ما يطمن
الله يعين

تسلمي دكتوره ايمان على تشريفك موضوعي
الخبر داري امريكا جامعاتها تتفاوت فيها السهله وفيها الصعب بس افضل الجامعات واقواها اكيد مو سهله
وكندا حق الي جاي لدراسه الي جاي نص يومه دراسه والنص الثاني لعب ماتنفع معه كندا
bboy الله يعين الجميع بس الملحقيات ترا افضل من الوزاره بالذات ملحقيه كندا يحاولوا يساعدونا قد مايقدروا بس عدد الطلاب مو قليل وعدد الموظفين مو كافي بس مع ذلك مايقصروا

يشرفني يا عسل والله

بالنسبة للي بيسالو عن انو مستوفي الشروط راح ينقبل
انا من اللي مريت بيه ومن خبرات صاحباتي >> ارجع واكرر خبرات مو شي من الوزارة
انو اللي يقدم على امريكا او كندا اي تخصص غير طب وطب اسنان
ضامن مقعدو وكمان كتير بيروحو هناكا وبيغيرو التخصص لتخصص غير طبي

المشكلة اللي كانت سايرة عند طلاب البكالوريوس عند طلاب الطب وطب الاسنان وبصراحة قبل اسبوعين كلمت صاحبتي في بولندا قالتلي انو كتير من طلاب الطب وطب الاسنان ما عندهم قبولات لدي السنة يعني يقعدو في معهد اللغة الين السنة الجاية في شهر سبتمبر يقدمو ويشوفو
وطبعا كل سنة راح تتكرر نفس الحكاية ناس يدخلو وناس يستنو السنة اللي بعدها
لانو طلاب الطب مرة عددهم كبير

اما طلاب وطالبات التقنية والاقسام التانية جدا قليل واتوقع تضمنو كراسيكم باذن الله
<< سوري على التطفل اخت صدى الغربة
بس دا واقعنا اغلب طلاب اوربا نفسهم ينقلو على امريكا وكندا لانو شروط اوربا تعجيزية
وبالتوفيق اهم شي الاستخارة قبل كل شي مرة واتنين وعشرة وربنا يسهل

مشكوره اختيييي تسلمين بس ها السنه متساهلين بالشروط شوي بالعكس والمقاعد زادت والدول المقفوله فتحت ونفس سؤال اختي الي قبل المفاضله ع اي اساس

دكتوره ايمان حياك باي وقت وثنكس على الاضافه للموضوع لان اغلب البكالريوس يبوا طب وانا ماعندي معلومات كفايه عن نظام اوروبا فاعتبري الموضوع موضوعك واي اضافه اضيفيها عشان فايده اخوانا

والي فوقي من قال زادوها اذا سنتنا الماضيه 8 الاف وسنتكم التصريح كان 5 الاف و5 الاف كل المراحل بكالريوس دكتوراه ماجستير زماله وبكالريوس

سنتنا اذا مو غلطانه 8 الاف مبتعث بس البكالريوس بس 800 او شي قريب من هالعدد فلا تتوقعوا لكم اولويه البكالريوس جامعات السعوديه تاخذهم فالوزاره تتجاهلهم بس الدراسات العليا قليله الجامعات لهم وكلها بواسطات فالاولويه دايم لهم فعشان كذا لاتخاطروا

اتمنا لكم كل خير والي خايف من الغربه ( بكندا) واللهي ماحس بغربه والحياه افضل بكثير شهور قليله تعلمت فيها الكثير ونضجنا كثير وصرنا ناس مسئوله وندبر امورنا تعلمنا امور لو جلسنا بالبلد ولا عشر سنين نتعلمها
فتجربه روعه انصح اي احد تجيه الفرصه يخوضها ولا يندم اكيد الشوق للاهل مو هين بس حلوه التجربه

فيعني انا ماقول لا تجوا على العكس استغلوا الفرصه انا كل الي يشوفني هنا الاجانب يقولوا نحسدك على الفرصه الي عندك وانتي بها العمر ونتمنا لو بعمرك حصلت لنا فرصه زي كذا فانتوا استغلوا الفرصه
لكن مو تخاطروا تقدموا تصيب او تخيب وفي حال خابت مافي مجالات لكم واغلب جامعات السعوديه ماتقبل الا خريجين السنه يعني السنه الجايه مايمديك تقدموا
ولا تخاطروا على حساب تخصص مثلا تجوا كندا او امريكا وانتوا تبوا طب وهو مافيهم بس عشان البلد ماتسوا
ادخلوا طب بالبلد
الي حاب تخصص مو صحي مثل ماقالت ايمان يمديك تجي وتغير واغلب الي بكندا وامريكا جايين وهذي نيتنا والملحقيات متساهله
بس مايمدي تجي وتغير مثلا لطب لانه مو موجود طب للاجانب بكندا وامريكا فانتبهوا قبل اي خطوه تخطوها والاهم استخيروا رب العالمين وهو ييسر اموركم ويختار لكم الصلاح

بخصوص هذا الموضوع :-

انا استفسرت من الوزارة وقالوا:

سوف يتم قبول جميع الطلاب المستوفين للشروط

بالتوفيق لجميع الراغبين بالابتعاث في المرحلة السادسة ^_^

طب اخوي ممكن تقول استفسرت من مين بالزبط بحيث يكون حجه عليه ويرتاحون الاخوان يكون عندهم المصدر وضامنين