أريد بعثه خادم الحرمين طب بشري استفسار ساعدوني تكفووووون

اكيد
اذا انتا مستوفي الشروط وقبلوك قبول نهائي راح تكون كل مصاريفك عليهم
الين تتخرج وفي ناس تعيد سنة او سنتين وعادي الين تتخرج دا الكلام يكون بينك وبين الملحقية كم عدد السنين المتاحة ليك انو تعيدها

انتا في الاول قدم عن طريق النت وراح يبدا التسجيل يوم السبت اتوقع
وبعدين في رمضان تاخد شهادتك الاصل ودرجة القدرات والتحصيلي وجوازك .... << الاوراق المطلوبة
ودا يسموه التدقيق وبعد اسبوع تلاقي في النت في حسابك انكتب تم تدقيق الاوراق
وتنتظر تنزل الاسماء في الجرايد وبعدها تبدا تجهز نفسك راح تاخد دورة انقلش على حساب البعثة هنا في السعودية لمدة ثلاثة شهور الين صفر وبعدين تحضر ملتقى وتتواصل مع الوزارة تعطيك قبولك وتروح مع مجموعتك وهناك في بلد الابتعاث راح تلاقي طلاب من العام وقبل يساعدوك <<<<< هادي القصة كاملة من يوم ما تقدم الين توصل بلدك بالسلامة

بالتوفيق

بيض الله وجهك والله يوفقك يارب ويسعد قلبك وينور لك دربك تسلم ياتاج راسي

الله يعافيك امييين الجميع يارب ^_^ واي سؤال نحنا حاضرين

اميييين يارب الجميع
اهم شي ريحو بالكم ولا تشيلو هم خطوة بخطوة راح نكون معاكم بازن الله وسهالة ان شا الله
^__^ بالتوفيق للجميع

عزيزتي امونه انا راح اجازف وماراح اكمل تقديمي على جامعة عزوز والسبب انه لما يجي وقت التدقيق ماراح تعطيني الجامعه شهادة الاصل الابعد 3 شهور علشان كذا استخرت الله وراح اقدم على البعثه طب بشري بس خايفه ان مؤهلاتي ماتسمح وحقولك على درجاتي بعد ذكر الله ثانويه 99.39 قدرات 77 ودي ماهي عاجبتني تحصيلي 89 قوليلي درجاتي تستاهل اني اغامر الله يسترررررر

ما شاء الله تبارك الرحمن ... درجاتك مرررة حلوة ...

ان شاء الله تنقبلين ... لانك مستوفية للشروووط ...

بالتوفيق ...