
تساؤلات خريجة ثانويه..!
تساؤلات خريجة ثانويه..!

تنبيه: هذا الموضوع قديم. تم طرحه قبل 6459 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
7 " -
بالنسبة للمستقبل كل واحد ورغبته
يعني نصيحة لاتخلي احد يحدد لك مستقبلك .. حددي انتي برغبتك
شوفيني انا متخرج من الثانوية السنة اللي فاتت , وبسبب اهلي ادرس في قسم ماابغاه , لدرجة انو درجاتي طايحة وعندي انذار بالفصل
بالنسبة للدراسة برا البلد شئ كويس وشهادة ولا احلى ..
بس السؤال !
تتحملي تتغربي اكثر من 4 سنوات بعيد عن اهلك ؟
والرجعه ترى شهر او شهرين في السنة ...
يعني خلال 4 سنوات ماتشوفي اهلك الا كم مره
غير كدة بالنسبة للدول ..
انتي اختاري الدولة اللي انتي تبغيه ونفسك تدرسي فيها , واهم شئ تفكري فيه التخصص .. يعني هل هو قوي ومعتمد من هناك
بعدين استراليا , وكندا , وامريكا , ونيوزلندا دول ممتازة والشهادات والعيشة هناك مره جيدة ..
يعني بالعربي اختيار موفق بصرآحة .. وانتي توكلي على الله وقدمي وان شاء الله تنقبلي ..
واي استفسار انا موجود
- صراحة أختي الاختيار .. لازم يكون الواحد مخطط من زمان وهذا اللي يسموه من ضمن حدد أهدافك7 "
وهذا الشيء المفروض يكون من أيام الثانوية ... لأنه الواحد مايروح هناك وينصدم
على فكرة البرنامج ذحين غير من دول الابتعاث وأضافت أوربا يعني بريطانيا من ضمن دول الابتعاث حتكون .
على كل حال أرجو أن تداركي الأمر ..
أول شيء عليك بالاستخارة يمكن ربك كاتبلك الخير هنا في السعودية
ثاني شيء اذا مصرة تطلعين ... بغض النظر عن الأمور التي ليس لها علاقة بالطالب المبتعث التي ذكرتيها انظري في الجامعات ومدى قوتها طبعن أمريكا تحتل المركز الأول في جامعاتها ..!
ثالثا : المجتمع شوفين ما أفضل شعب تتعاملين معهم وهذه أهم نقطة يعني بحكم دراستي هنا في نيوزلندا لمدة ثلاثة شهور صراحة الشعب النيوزلندي بصفة عامة شعب كل واحد لحالة وكمان شعب مساعد وطيب وفيهم الخير وشيم الرجال والفزعات لأني مرة من المرات ضعت في احدى شوارع المدينة التي أدرس فيها ( هاملتن ) ومامعي العنوان حق السكن ومامعي جوال في ذلك الوقت ولا شيء ... في النهاية قابلت نيوزلندي وكلمته عن حالتي ووقف معي ووصلني للجامعة بسيارته لأنه جامعتي قريبة من سكني بس كنت عارف الشارع اللي ساكن فيه بس نسيت البيت وكمان البيوت متشابهه هناك لأني مالي اسبوع في المدينة ... في النهاية وصلت السكن على خير ولله الحمد فجزاه الله خير. الكلام هذا يمكن 1 الليل !
بس صراحة هناك عندهم تعصب بين النيوزلنديين الأصليين والغير الأصليين ماعندي وقت أقلك وش قصتهم بس صراحة التعامل مع النيوزلنديين الأصليين مرة شبه مستحيل واذا حاولتي تتقرببين منهم ولا تمزحين معهم الله يعينيك
وكمان هم لايتحدثون الانجليزية يعني اكملت !
رابعا : المناخ هذه نقطة مهمة أيضا يعني نيوزلندا صراحة برد الله لايوريكي يمكن - 10 تحت الصفر في الصباح
وفي الليل يمكن 5 درجات يعني أنا في البداية أنا ما أتقلمت لأني طبيعيتي ما أحب البلدان الباردة بعدين خلاص اتكيفت
مع الوضع بس صراحة الدراسة في بلد زي هذه مرة صعب هذا وأنا كنت بدرس لغة 3 شهور أجل كيف اذا بدرس جامعة 5 سنوات !؟
خامسا : الأمن ... نيوزلندا الحمد لله أمان الله يشهد البلد أمان بس يمكن تحصل بعض السرقات أو بعض المخالفات وربما قليل حدوثها وأكبر دليل مرة نسيت جوالي في معهد الجامعة , ثاني يوم جيت والا المشرفه جايبتلي الجوال بخشته
قالتلي انه أحد الطلاب لقاه وعطاه اياه بس الحمدلله الطالب كان يعرفني والمشرفة تعرفني مع انه كان N70 يعني لو في السعودية قولي لجوالك بح !
بس أمريكا أعتقد انه تعاملهم ثقيل من ناحية الاجراءات الامنية والأمور هذه خصوصا على السعوديين وأيضا في أمريكا ماتقدرين تطلعين الساعة 9 الليل من البيت !
سادسا : اللغة ... صراحة نيوزلندا يمكن ثلث السكان كلهم من شرق آسيا جايين من كوريا واليابان والصين
يعني أنا رحت أوكلاند ( كبرى المدن ) يمكن كأنك قاعدة في طوكيو والكلاس الواحد يمكن درس معي 10 يابانيين و 5 كوريين ومدري كم صيني بس أحسن شيء مافي سعوديين والسعوديين هناك مرة قلييل تواجدهم! على العموم يعني أنا رجعت من نيوزلندا صرت أتكلم ياباني !
سابعا : الأكل الحلال ... الحمد لله نيوزلندا الأكل البحري منتشر بحكم انها تطل على ساحل وأيضا توجد مطاعم عالمية زي ماكدونالدز وبيتزاهت وأيضا لهم أسعار خاصة للطلاب
والكلام نفسه على باقي الدول
ثامنا : الاسلام والمسلمين .... للأسف نيوزلندا المدن الكبرى فقط اللي فيها مساجد وبعض المدن الصغرى اللي فيها
مسلمين زي هاملتن الحمدلله فيها مسجد واحد فقط ... وجنسيات المسلمين هناك صوماليين وبعض الهنود والحمدلله تعاملهم مرة أخوي وصراحة أنا حبيتهم وأعتقد انه الكلام هذا منطبق على باقي الدول وكل دول العالم تجديدين فئة تسبح الله قياما وقعودا فالحمد لله
تاسعا : الخدمات ... الحمدلله كل الدول خدماتها رائعة من ناحية الاتصالات والأسعار والبنوك ...الخ
عاشرا : هذه أهم النقاط اللي تهم المبتعث بحكم اني درست برة , عاد اذا في شيء ثاني غير كذا فالسموحة وكل واحد له رأيه وكمان ارمي الكلام اللي تكلمت عنه عن نيوزلندا فهو على حسب مقياسي أنا .. قيمي الدول على حسب هذه النقاط التي ذكرتها وان شاء الله عاد أتمنالك حياة سعيدة مليئة بالانجازات - حبيت أشاارك7 "
فرنسا.النمسا.بريطانيا .ألمانيا والضاهر إذا ماني غلطان إيطاليا
ذولي الدول تكون موجوده إن شاء الله في البرنامج الثالث
بس أهم شيء إختيار التخصص الأفضل المرغوب ثم الجامعة الأفضل...
دمتم بوود :89: - ماشاء الله عليكم ماقصرتوا ..7 "
واذا تبغوا الصدق تراني لسى ماقررت وش ابغى ادرس ..!
اهلي يفضلوا الطب وانا اقول يمكن الهندسه افضل ..!
اخوي يقول : هندسه ؟ عادي بين الناس .. مين ماكان بيكون مهندس !!
بس الدكتور لا .. له هيبته لاخر يوم بعمره خخخخخخ..!
جد رضا الناس غايه لاتتدرك..:107: المهم نرجع لمووضوعنا..
هلابك اخوي شايع الصيت..تشكر على الرد
وبصراحة انا اشوف التعليم بالخارج جداً افضل ..
يعني مثلا انا سالت وحده من الزميلات تتدرس بجامعة الملك سعود بالرياض طب .. تقول لي الدكتوره تشرح بالعربي والملازم تعالي ذاكريها بالانقلش ..! معقوله ؟؟!
واذا فكرت اني ادرس بالبلد بيكون خياري جامعة الفيصل بالدمام لكن من المعروف انها تعتمد عالواسطه يعني احتمال قبولي فيها ضئيل جداً ..!
ومستحيل افكر ادرس على حسابي لاني مو مقضيه 12 سنه من عمري في هالمدارس مشان اتخرج واروح ادفع لهم فلوس مشان يدرسوني .. وماتتدري وش يكون تتدريسهم ..! "مااابغى اذكر امثله " ..
لهذا اعتبرت الدراسه بالخارج مستقبل ..!!
انتظر عودتك وتعليقك عالموضوع اكثر ..
هلا بك اخوي فيصلme.. تشكر على الرد
على سالفة تحمل الغربة هي فتره وتعدي واذا ماعدت حملت قشي ورجعت بيت ابوي ..!:112:
ومثل ماقلت انا احتاج مساعده في تحديد الدولة ..
من يوم الاربعاء بعد مارجعت من امتحان الحديث "وكان سهل":108:: فتحت المنتدى وجلست الف من قسم للثاني وراسي يلف معاه.. وكل واحد يقول هاذي افضل ومااعرف ايش ..
واللي فهمته ان الافضليه لامريكا وبعدها كندا ثم استراليا وبالاخير نيوزلندا .. لهذا انا حصرت تفكيري واهتمامي عليهم اكثر شي..
عموما انت طالب مبتعث والا تتدرس بالبلد؟
اذا كنت تتدرس بالخارج ياليت تفيدني اكثر عن الدوله اللي انت مبتعث الها ..!
هلا بك اخوي " اسم العضو " .. تشكر على الرد
والله احس بالفشله منكم وانتو تقولون لازم الواحد يكون محدد رغبته وهدفه وطموحه وخياره والخ من زمااااااااااان وانا ياغافلين لكم الله ..!.. بس والله الذنب مو ذنبي .. :19:
المهم .. بالنسبه لبريطانيا صحيح ان دراستها قويه لكن اللي لاحظته "من خلال قراءتي للجرائد" الناس دايم تشتكي من الفقر "المقذع " اللي عايشينه هناك وكيف الدنيا غاليه .. وتعرفون عاد احنا البنات السعوديات لاتحدونا على هالاشياء ..!
يعني انا ابغى اروح دوله اكون فيها مرتاحه مادياً .. هو صحيح اني ماراح اعتمد على راتب البعثه بشكل رئيسي " لانه مايعمل شي ".. لكن ماابغى اغلب على اهلي كمان ..!
المهم ..سبحان الله كأنك تقرأ افكاري .. لاني ابغى اعرف معلومات اكثر عن نيوزلندا .. وانت ما قصرت
وانا اعرف وحده من البنات تتدرس بنيوزلندا .. تقول انها ماتلقى مضايقات من الشعب نفسه .. لا .. لكن من الصينين واليابانيين اللي فيه .. بحكم انها محجبه وكيف انهم دايم يتعرضوا لها بهالموضوع ..وش رايك انت؟؟
يعطيكم العافيه جميعا -
جبت لك هذا الخبر شوفيه يمكن يفيدك
السعودية: انطلاق المرحلة الثالثة من الابتعاث الخارجي قريباتركز على تخصصات الطب والهندسة والمحاسبة والقانون
الرياض: ماجد الميموني
تستعد وزارة التعليم العالي في السعودية لإطلاق المرحلة الثالثة من برنامج خادم الحرمين الشريفين للابتعاث الخارجي، وتوقع مصدر تحدث لـ «الشرق الأوسط» أن تتم هذه المرحلة في القريب العاجل.
وتشمل المرحلة الثالثة من برنامج خادم الحرمين الشريفين للابتعاث الخارجي كلا من كندا وألمانيا وبريطانيا وفرنسا وايطاليا وهولندا والنمسا، بالإضافة إلى بعض الدول التي شملها الابتعاث في المرحلتين الأولى والثانية وهي الولايات المتحدة الأمريكية وتسع دول شرق وجنوب آسيا ونيوزيلندا واستراليا. وستركز وزارة التعليم العالي خلال هذه المرحلة على التخصصات الطبية والهندسية، بالإضافة إلى تخصصي المحاسبة والقانون، ويتوقع ابتعاث ما بين 6000 إلى 7000 طالب في المرحلة الثالثة. وأشار المصدر إلى وجود تنسيق ما بين وزارة التعليم العالي والبلدان الجديدة المبعث إليها الطلبة لتسهيل الإجراءات لهم.
وكان مجلس الوزراء قد وافق على النسخة الثالثة ببرنامج خادم الحرمين الشريفين للابتعاث الخارجي، وتضمنت الموافقة على الابتعاث إلى بلدان جديدة وهي كندا وألمانيا وبريطانيا وفرنسا وايطاليا وهولندا والنمسا·الجدير بالذكر، أن وزارة التعليم العالي قد ابتعثت أكثر من 13 ألف طالب وطالبة هذا العام في مجموع البرامج التي تم الانتهاء منها وتشمل برنامج خادم الحرمين الشريفين للابتعاث الخارجي للولايات المتحدة الأميركية وشرق آسيا وجنوبها واستراليا ونيوزيلندا، وبرنامج المتميزين للابتعاث الخارجي في فرنسا. وتشير آخر الاحصاءات التي أجرتها وزارة التعليم العالي إلى أن عدد الطلاب السعوديين الذين يدرسون في دول العالم المختلفة مثل الولايات المتحدة وبريطانيا وألمانيا وفرنسا والنمسا واليابان والصين وروسيا واستراليا قدر بنحو 28516 مبتعثا منهم 19744 مبتعثا من قبل الجامعات والجهات الحكومية و8772 يدرسون على نفقتهم الخاصة.
رابط الخبر :
http://www.asharqalawsat.com/details.asp?section=43&article=401365&issue=10272
وبالنسبة لي انا طالب بس مو مبتعث .. هنآ في جامعة الملك عبدالعزيز ..
بس اذا جت البعثة علطول بسحب
ولعلمك انا مفكر اقدم عاليابان , وان شاء الله انقبل فيهآ ..
- والله أختي درسوا معاي صوماليات متحجبات وصراحة لم يواجهن أي صعوبات أو مضايقات لأنه الشعب بيحترم هذا الشيء .. حتى من قبل الشعب الأصفر سواء اليابانيين أو غيرهم7 "
بل مرة رأيت وحدة كورية مصاحبة وحدة صومالية ! .. وهذا دليل انه مافيه انغلاق أو تحيز لأي شعب أو تعصب لدين سماوي معين ... بالعكس الصينين واليابانيين هناك شعب صراحة أخلاق ولايصدر منه هذه الأفعال من مضايقات وأنا عايش ومتعايش معاهم ...
ماأدري بالضبط خويتك هذه بالضبط فين تدرس بس يمكن توجد هذه الأفعال منهم لأنهم ليسوا ملائكة ولكن ليست بتلك الصورة المتفحشة ولا المستفحشة مع انهم شعب كل واحد لحالة ومايضايقوا الواحد ولايناظرون فيه ان شاء الله لو ماشي في الشارع بسروال أعزك الله .
وترى هناك عندهم عادة غريبة شوي وهو انهم يمشون حافيين في الأسواق والمراكز ؟؟َ! -
اخوووي احمد ... يسلموو على النصيحه وهذا اللي اسعى له حاليا
واذا كنت تقدر تفيدني بأي معلومه عن الدول الاربعه اللي ذكرتها (امريكا\كندا\استراليا\نيوزلندا ) بليييز لاتتردد
اخوي فيصل .. هذا بالضبط اللي ابغى اوصل له
قلت لي انك شاد الهمه عالياباان .....ايييييييييييي ابغى اعرف من بين هالدول هاي كلها كيف حددت؟؟؟؟مع ان حتى التدريس ماهو باالانقلش..!وش حادك:102: ؟؟"وش التخصص صحيح؟"
بتفلسف عليك شوي ..يعني مثلا..
لو لاحظتوا اني ماتكلمت عن الدول العربيه مثل الاردن والبحرين ..ليييييييش؟
مع انها دول عربية واسلامية ويمكن تكون افضل لي كوني بنت .. ولكــن ..(تحتها خمصطعش خط)
اللي اسمعه من البنات المبتعثات ان الشباب السعودي "سلام الله عليه" مايخلي البنت في حالها ..
يعني الا يحطوا عيوب الدنيا فيها حتى لو كانت البنت مافيها شي..!
وعلى قولتهم : الواحد كل مابعد عن الخليجين ارتاح .. ولو ان مافي مكان يخلى منهم..!
يعني انا مثلا اخذت هالناحيه بعين الاعتبار لان الواحد بدو يكون مرتاح نفسياً كمان..!"يكفي هم الغربه"..
اخوي اسم العضو ..
يسلمووو عالتوضيح وانا عندي اسئلة كثيرة عن نيوزلنداا
راجعه قريبJ
-
اممممممم
اسئلة كثيرة لاكن مو مشكلة نجاوب ونفيدك
بالنسبة لاختياري لدولة اليابان فهذا حلم كل شاب اسمو فيصللا امزح لاتصدقين ..
يعني بصرآحة انا نفسي اروح باليابان مو عشان الانمي لاا .. عشان التطور الكبير اللي عندهم ..
وبالنسبة للدراسة اكيد مو انجليزي حتى الشعب مايعرفو يتكلمو انجليزي الا نادراً ..
كلو بالياباني ..
بس مو مشكلة , نتعلم لغة جديدة , ولعلمك ان احب اتعلم اللغات يعني تعتبر فرصة ليا
والتخصص اكيد ان شاء الله حاسب الي ..
بالنسبة للدول العربية .. انا ماانصح احد يدرس فيهآ , لان الدراسة عندنا بالسعودية اضمن واحسن ... طبعاً من وجهة نظري انا .. اللي يبغى يتغرب يتغرب صح ولا بلاش
هذا اللي اقدر اقولو لك حالياً ..
اذا عندك شئ ثاني اسئلي ولاتترددي
June 23rd, 2007, 07:53 PM
السلام عليكمعندي بعض الاسئلة اللي اعتبرها مهمه بالنسبة لي ..
في البداية حبيت اعرف من كل شخص كيف حدد مستقبله؟
يعني كيف قرر انه يبغى يدرس كذا وفي المكان هذا وفي البلد هذا ؟
الان الدوله تبعث لبلدان كثيره بس اكيد في افضليه لبعض البلدان
حبيت اعرف الواحد على أي اساس يحدد
يعني هل ينظر للناحية الاقتصادية للدوله ونظام العمله عندهم وكيف تكون العيشه والحريه وعدم التفرقه
انا بصراحة لسى متخرجة من الثانويه وناوية اكمل دراستي برا البلد
بس مافي بالي أي خطط معينه ..
قرات عن استراليا - نيوزلندا - امريكا - كندا
ولاحظت هذه الدول اللي الناس مركزة عليها وتتدرس فيها بكثره
احتاج منو يساعدني لانو بجد التفكير في الموضوع متعب ..!
اختكم/
Rabab