بعثات الهيئة الملكية 1432-2011 (كلية ينبع الصناعية + كلية الجبيل الصناعية)

يعطيك العافية وما قصرت

مبووك القبول والله يوفقك في دنياك وأخرتك

للأسف الشديد , لا توجد أي شفافيه بين الطلاب وإدارة القبول المُمثلة بالأستاذ منصور القرني ..
صدقني يا أستاذ منصور , لو كنت صريح معنا كان أهون , لكن "تسحب فينا" كل يوم تقول لنا الاسبوع الجاي !!
انا شخصياً , اتوقع ان منصور القرني لا يوجد في يده أي حلول , وشغلته فقط عملية تنسيق .. وأن المصيبة الكُبرى موجودة في الوزارة !!
وأن جميع الضمانات المالية الخاصة بالطلاب موجودة لدى الوزارة ولكنها لم تُرسل بعد والسبب طبعاً معروف (الكسل والتسويف) ..

الله يكون في العون .. وأي شخص عنده خبر اتمنى ينزل رد ويعطيني وش الجديد .. (راح اسميها بعثة "الاسبوع الجاي") ـ هههه

أبشركم حصلت جامعة وراسلتهم لكن منتظر الضمان المالي ..

بالمناسبة اللي حاب نختبر الآيلتس , انا رايح الاسبوع هذا اسجل اللي حاب يخاوي : ) .. يعطيني خبر هنا ..

انصحكم تختبرون الآيلتس والدرجة المطلوبة لطلاب الدبلوم هيَ 5 او 5.5 , وبالنسبة للبكالوريس الدرجة المطلوبة 6.5 ..

السلام عليكم ورحمة الله وبركاته
اليوم اتصلت على منصور القرني وما حولك احد يرد
الا متى الانتظار .. صار لنا بالراحة اكثر من 3 وحنا ننتظر الضمان الذهبي .. انا مو خايف الا انهم يسحبون علينا لا من وظيفة وولا من دراسة
الى الله اشكوى همي وهم زملائي الذين ينتظرون الحلم ألا وهو صوت رسالة الجوال تحمل في طياتها الضمان المالي

يا اخوان الحل الوحيد أن نعتصم في مبنى الكلية ولا نطلع إلا والفريق ركن منصور القرني معطينا تاريخ محدد للضمان الذهبي
واذا كذب علينا نعتصم مره ثانيه ونطالب بطرده

عاد تصدق كلموني سابك .. وطلبوني للمقابلة الشخصية والتحقق من اوراقي لكن سحبت عليهم .. في انتظار الضمان الذهبي اللي أحلامنا كلها معلقة فيه ..

حلوة الفريق ركن ههههههههه لكن نسيت تقول العقيد : ) .. الله يكون في العون .. انا عندي معلومات عن الضمان المالي لكن مو متأكد منها .. لكن نقول ان شاء الله الاسبوع القادم ..

ونصيحة من أخ لكم .. اختبرو الآيلتس IELTS , وشدوو حيلكم فيه دامكم فاضين .. علشان في حال وصولك الى امريكا ما تاخذ شهر او شهرين تحمّيه في معهد الجامعة بعدها تدعس ..

وآلله طولوها كثير اللي آعرفه قآلو مرحلة آلتدقيق بآلابتعآث العادي تاخذ 6 شهور لكن عن طريق آلجآمعه 3 شهور و آللحين لهم 6 شهور وهم لا حس ولا خبر

لا نقدر نتوظف حتى مآناخذ فرص ناس تستحقها ولا نقدر نتحرك وندرس

آلله يعجل علينا بالاخبار الزينه بس

الى متى و حنا نستنى هالورقه ؟؟؟؟
و كل مره أشوف فيها العميد ركن منصور القرني و أسأله عن الضمان المالي يقول لي و بأبتسامه : ( بكره ) و اذا رحت له يوم أربعاء يقول لي الأسبوع الجاي ,,, جا بكره و راح الأسبوع الجاي و للحين ما جا الضمان المالي

ما أقول ألا ( صبرا جميل و الله المستعان).

يا شباب هونوها ترا السالفة ماهي لعبة يطلبونك لبعثة وبعدين يهونون البعثات هذي على برنامج بو متعب الله يعطيه الصحة والعافية
ولاتنسون ان المتقدمين للبعثات حدود 60,000 وماندري كم بيقبلون منهم وتاكدو لو ينزل الضمان المالي حق مبتعثين الثنوية تاكدوا انه بيجيكم قبل وهذا الي اتوقع انهم بيسوونه
وبعدين يا شباب الي جاتة وظيفة ليش ما وافق عليها واذا جاتة البعثة يقدم استقالة ولله الحمد بعد الكو اب بشهر توظفت في شفرون والحمد لله الامور طيبة وحنا بخير

واصبروا الضمان المالي اعتبروه معاكم لاكن الفرق في موعد التسليم بس
يعطيكم العافية وبتوفيق