بعثات الهيئة الملكية 1432-2011 (كلية ينبع الصناعية + كلية الجبيل الصناعية)

من شهرين إلى ثلاثة بالنسبة للماستر لان كان فيه شخص معي كان ينتظر القبول واخذناه سوى....... شهر ونص بالنسبة للبكالوريوس(قدمت بعد الشخص اللي مقدم على الماستر بشهر ونص بالضبط ) وحصلنا عليه سوى

كثثثير شهرين لثلاثه


آتوقع بيكفي قبول المعهد واسرع بعد

السلام عليكم

كيف حالكم ياشباب الهيئة

انا من مبتعثي الهيئة دفعة السنة الي قبلكم من كلية ينبع الصناعية

وعانيت معاناة الله لايوريكم بس وكنت لحالي يعني مافي احد جمعنا في موضوع واحد ولا كنت اعرف احد طالع معاي البعثة بحثت في مبتعث وفي كل مكان مالقيت احد بيطلع في دفعتي حسيت اني حاموت هههههه

والحمدلله عدت وسهالات وانا الان بدرس في الجامعة في امريكا

بس حبيت انبهم عشان تطولو بالكم شوية وتصبرو

لان الهيئة الملكية لاربع سنوات وهي تبتعث نفس المنهاج الي تتبعه ونفس كل شي يقوله منصور القرني لكم قاله لي وقاله للي قبلي الين حسيت انه رجل آلي وما اخفيكم علم اني نفسي اضرب هالرجال عشان يبطل كذب

لاني قريت بداية الموضوع دا وبلاحظ انه بيكذب عليكم نفس ماكان يكذب علي يقولكم المفروض يكون وصل الضمان المالي الاسبوع هذا بس ماجانا شي من الوزارة هههههههه هذي الكذبة يستخدمها كل سنة

وبرضو في كذبة الاسبوع الجاي يكون واصل او بعد اسبوعين انشالله هذي كثر منها

هو الرجال كويس يتكلم باحترام بس لو يبطل كذب يكون بيض وجهه معانا

عالعموم انا بس حبيت اقلكم انه هي اجرءات البعثة دايمن تطول ونفس ماحصل لي وللي ابتعثو قبلي طبعن لو حصلتو على الضمان المالي راح تجيبو قبول معهد وجامعة

الهيئة الملكية راح تطلبكم قبول جامعة لازم هذا بالنسبة للبكالوريوس مادري عن شباب الماجستير

بس منصور كان يقلي لازم قبول جامعة ورفع ضغطي

وبعد كذا راح ترسلولهم صور القبول واستنو كمان اسبوعين <<<<طبعن اسبوعين حقت منصور القرني

وبعدها راح يقولكم نشكل لجنة ويوافقو على قبولاتكم وبعد الموافقة راح يرسلولكم ورقة في اسمكم واسم الجامعة وانكم مبتعثين من الهيئة وتروحوبها الرياض عالوزرارة وتطلعو قرار ابتعاث اذا اخذت ورقة الهيئة الي توديها الوزارة ابشركم اتنفسو الصعداء انتو احرااااار

يعني خلاص سلم على الهيئة ولعد تقابلهم هم ومماطلتهم ,,بتصيرو تحت تصرف الوزارة خلاص



عالعموم انا هنا حاب اقلكم اذا احد عنده اسفسار او شي اقدر افيده فيه انشالله احاول اساعدكم قد ماقدر

طبعن انا ماقريت الصفحات الي فاتت لان عندي اختبارات بمر عليها بعدين انشالله عشان استرجع الذكريات والمماطلات

طبعن افتكر حسبتها من يوم ما قالولي انت مرشح للابتعاث لين طلعت امريكا قعدت 8 شهور فهونوها وتهون كلنا اكلنا على راسنا من الهيئة بس خذوها بشكل ايجابي اهم شي في النهاية جايتكم البعثة جايتكم

ونصيحة اشتغلو او ادرسو او سوو اي شي لحد يقعد عاطل راح يشيل هم البعثة اكثر واكثر

الي يبي استفسار ضروري جدن يراسلني عالخاص لاني ماراح ادخل كثير هذي الصفحة عندي اختبارات المعذرة والسموحة منكم
والي يستفسر وارد عليه جزاه الله خير لو نقل السؤال والاجابة هنا بدل عني عشان يستفيد الجميع لاني والله حايس في الاختبارات دعواتكم بس والله يوفق الجميع

وسلمولي على منصور القرني


ومعليش في سؤال هل وقعتو على ورقة تلزمكم بالعمل في الهيئة لمن ترجعو من البعثة ؟؟
وفي سؤال ياليت لو تسألو المسؤولين عنه الي هو هل في وظايف مضمونة لكوننا من مبتعثين الهيئة او اولوية في التوظيف ؟؟ ولا زيك زي غيرك ؟؟؟




وتحياتي لاسامة حلاوة

ايوة نسيت انبهكم ياشباب

في مكتب اسمه ايجيك الهيئة ممكن يرسلوكم عليه طنشوكم من المكتب لحد يعطيهم وجه

خذ ضمانك وجيب قبول بنفسكم اضمنلك من المكاتب

راح تضيع فلوس عندهم عالفاضي


اتفضلو هذا رابط موضوع سويته فيه شرح عن كيفية الحصول على قبول معهد وجامعة انشالله يفيدكم وفي مواضيع تانية كثير ماقصرو الشباب شرحو كل شي بس انتبهو من المكاتب لحد يقولكم اجباري اجبلكم قبول اذا انكم من الهيئة ترا نصابين المكاتب


http://www.mbt3th.us/vb/forum14/thread222535.html

صح لكن لازم تحصلون على قبول جامعة على كل الاحوال لذلك احصلي على معهد مبدئيا ثم كملي للتسجيل للماستر

<br>

يعطيك العافية وما قصرت

لكن عندي نقطتين ودي توضحها زيادة
1 ما هو essay & appliction
2 الان حنا في شهر 9 متى أقرب فترت تسجيل (ما أدري وش تقصد في شهر 3 و 7 )

وهل فيه جامعات في ولاية أنديانا تعطي قبول مشروط من ضمن أفضل 100 جامعة

وشكرا

والله ما ادري بمعناها بالضبط لكن الكلمة نفسها تعني مقالة للقبول واظن ان معناها statement of purpose
اما شهر 3 وشهر 7 فهي بدايات الارباع(الاترام الدراسية ) في اوهايو
جامعات انديانا واجد عطني بس ساعه وارد لك

أهلين أخوي

معليش بسألك "تعطيك الوزارة خطاب ابتعاث" .. هل هذا هو نفسه المقصود بـ " قرار الابتعاث " ؟
اللي اذا أصدروه لك لا يمكنك التراجع عن البعثة ؟
أنا أبغى أعرف لو بكنسل البعثة هذه وأقدم في المرحلة الجاية على بعثة الملك هل فيه مشكلة ؟ لأنه زي ما شفتو الضمان صادر من بعثة الملك !
فما أدري إذا إصدار الضمان المالي من قبلهم يعادل إصدار قرار الابتعاث اللي إذا صدر ما يمدي الانسان يتراجع عن البعثة واذا تراجع يسقط حقه في االابتعاث للأبد !

وصحيح أنا ودي أأخر لأني بصراحة مرتبطة بظروف محرمي ما أقدر أروح بدونه !

فـ معليش بعد إذنك تعيد لي طريقة تأخير البعثة اللي قلتها لأني ما فهمتها كويس
الله يعطيك الصحة والعافية ما قصرت

يعطيك العافية وما قصرت
ما شاء الله عليك دائما سببباق
و أن شاء الله أفتح حساب في الفيس بوك

حياك الله ويعطيك العافية

و أن شاء الله نستفيد من خبرتك
وبالنسبة للوظيفة فأتوقع 90% أنك تكون مدرس في الهيئة إذا يحتاجونك

وشكرا