بعثات الهيئة الملكية 1432-2011 (كلية ينبع الصناعية + كلية الجبيل الصناعية)

ما فهمت قصدك يعني لازم نجيب قبول جامعة و معهد؟؟

انا اخاف اجيب قبول بس معهد يقولون لي لا لازم قبول مشروط و اقعد اتاخر

المعروف بالوزاره ان طلاب الماستر ممكن يجيبون بس قبول معهد لكن ماعرف انا عن الهيئة هل تلتزم بهالشرط اولا
وغير كذا اذا هم يبون من الجامعات التوب مايعطون قبول مشروط للماستر انا سالت كذا جامعه
يعني عشان لا يضيعون وقتنا الافضل انهم يخلونا نجيب قبول معهد وخلاص وش عليهم هم جامعه توب او لا

التحويل جداً صعب .. يبي لك تكلم منصور القرني وتشوف موضوعك .. إلا اذا أثبت انك كاتب امريكا و وضحت لهم ان الغلط غلطهم! ..انا صراحة عن نفسي قمت بتصوير التعهد و ورقة الجواز اللي كاتب فيها اسم الدولة وتوقيعي .. قلت علشان اذا سحبووو علي انشب لهم هههههههه ..والله يعينك يالغالي ويصبرك عليهم وعلى تعاملهم الراقي جداً !

انا صراحة راح أقدم على معهد كابلن في واشنطون دي سي (توفل + جيمات) .. اختبرت الآيلتس وارسلت لهم النتيجةوحددو لي فترة دراسة 10 اسابيع دراسة لغة حتى أوصل لآخر مستوى .. و 12 اسبوع دراسة جيمات ..في انتظاري ضماني المالي وتعديل اسمي عليه .. وبعدها بقدم عليهم .. وما راح يطولون في الآي توني ان شاء الله ..

واحد من الشباب , سير على القرني ونشب فيه بخصوص افضل 100 جامعة !! .. يعني شرط حتى مو مكتوب في التعهد اللي وقعنا عليه !! .. يعني مافيه شئ مكتوب يثبت لنا صحة مقولة افضل 100 جامعة ! قال القرني في الآخير اهم شئ تكون معترفة من الملحقية !! .. لان الهيئة الملكية قامت بعملية توزيع للبعثات على طلابها فقط , لو بيدفعون فلوس من جيبهم لنا لو يصرفون لنا رواتب كان قلنا لهم تشرطوو على كيفكم !!الواحد في النهاية راح يدور على الأفضل .. فيه جامعات تصنيفها عالي جداً ومن افضل 100 جامعة .. لكن تحصل تخصصك مو قوي فيها !!والله يوفقك ..

نعم انا معك ..

مشاوير واتمنى الهنا

انت بتكمل ماستر بعد صح؟
و طيب انا دخلت الموقع حق هذا المعهد بس ما عرفت وش اختار english program
نختار esl و بعدين intinsive ??

و لو ماعندي ايليتس كيف اعرف كم المدة الاسابيع اللي احتاجها...

و الجيمات يجي مع البرنامج و لا لازم اسجل له لحال؟


و شكرااا

نعم , إن شاء الله طالع ماستر ..في البداية إختبار الآيلتس التسجيل فيه صار جداً سهل .. المطلوب منك تدخلين هذا الموقع .. https://ielts.britishcouncil.org/Default.aspx .. بعد اختيار الدولة وتعبئة معلوماتك عن طريق الموقع .. راح يوصلك تأكيد على ايميلك بالموعد .. بعدين تطبعين الإيميل وترسلين أي شخص ابوك او اخوانك الخبر في ابراج الراشد الدور السابع ويسدد رسوم الاختبار 850 ريال .. والاختبار عادة يكون في فندق موفمبيك في الخبر .. وبالنسبة لمعهد الإنجليزي كابلن , راسليهم أفضل وراح يعطونك كل المعلومات اللي تحتاجينها .. اذكر ارسلت ايميل لأكثر من جامعة ومعهد ومن ضمنهم كابلن وردو علي بأكثر من مسج .. صورة من ايميلي في المرفقات !! .. انا ما كنت مقتنع بالإيميلات وقلت ممكن ما يعطوني وجه الا اذا قدمت اون لاين !! , لكن راسلت اكثر من 30 جامعة وحصلت ردود كثيرة على استفساراتي .. راسلي اكثر عدد ممكن من الجامعات اللي حابه تدخليها علشان تكونين على بينه وش متطلباتهم .. انا الآن عندي فكرة شامله عن متطلبات الجامعات اللي راح أقدم عليها , وناوي بإذن الله اجهزه لها مع اختبارات الجيمات والتوفل ..والله يكون بالعون

السلام عليكم ورحمة الله وبركاته
ياشباب انا تخصصي Chemical Engineering Technology
وراسلت جامعة University of Minnesota--Twin Cities
ranking : 68 for national universities 3 for chemical engineer




وجاني الرد بانهم لن يعادلو لي ولا ساعة وان كل الي درسته في كلية الجبيل not a good preparation for a chemical engineer
ويبغوني اعيد ادرس من الاول و البعثة مدتها اربع سنوات للبكالوريوس ماكسيموم وانا مو مشكلة عندي انو اعيد من الاول بس ابغى ادرس لغة
سؤالي يا شباب هل فترة دراسة اللغة محسوبه من الاربع سنوات او لا؟ واذا كانت ماهيه محسوبه من الاربع سنوات والجامعات المئة لا تعادل ساعات ويش نسوي ؟؟؟؟

هل انت متأكد أن المدة الاقصى 4 سنوات او تخمين لان ما اعرفه انك على راحتك