هنا تجمع مرافقي المبتعثات

مشكورة اختي معيدة احياء على ردك لي يعطيك الف عافية ..

عندي سؤال لاهنتي يعني هالحين اذا طلعنا له قبول لغة و دراسة بكالوريوس قبل لا نسافر راح ينضم

للبعثه يعني يكون منفصل عني يعني مايرجعونه اذا انا قضيت من الدراسة ؟؟

والله حرام يعني هو دراسته بتكون 4 سنوات هذا غير سنة اللغة و انا دراستي ماستر 3 سنوات

اختي معيدة أحياء ان شاء الله القى منك الاجابة و مشكورة

السلام عليكم ورحمة الله وبركاته

اخواني الاعزااء ابغى اسالكم كيف ممكن يلتحق المرافق بالبعثة لدراسة الجامعة وليس اللغة لان دراسة اللغة مو لازم لها التحاق بالبعثة بالنسبة للمرافق

شكرا لكم

مرحبا بجميع الاخوان والاخوات وكل عام وانتم بخير،،،،،،
انا مرافق لزوجتي ونحن الان في كندا لنا شهرين وعندنا ولدين .... طبعا قبل لا نسافر راسلنا الملحقية وطلبنا منهم قبول لغة لزوجتي ولي ايضا والحمدلله ماقصروا جابو لنا قبول وقدمنا على السفارة الكندية والحمدلله خلال شهر ارسلو لنا التأشيرات وجميعها دراسية تأشيرتي وتأشيرة اولادي ايضا دراسية ... ورحت لوزارة التعليم العالي اللي في الرياض في حي الغدير واخذت منهم قرار الابتعاث حق زوجتي وافادة لجهة عملي علما بأني موظف في الاتصالات السعودية واخذت الافادة لجهة عملي وافادوني شئون الموظفين ان اجازة المرافق حسب نظام الاتصالات السعودية هو فقط 4 شهور الا اذا جبت لنا قبول لك ؟ فعلى طول عطيتهم قبول المعهد ومدته سنة فعطوني سنة بدون راتب قابلة للتمديد وقالو اذا عديت اللغة ارسل لنا ايميل يثبت انك عديت اللغة بتقدير لايقل عن جيد ونعطيك سنة ثانية بدون راتب وحنا الحين في كندا وبالتحديد في مدينة هاليفاكس ولنا شهر ونص في مرحلة اللغة واولادنا في مدارس كندية ابتدائية ومرتاحين والحمدلله واي خدمة انا تحت امركم .

أهلين
ممكن استفسار من أخوي masters
ممكن تعطيني تفاصيل تقديمك الفيزا لأولادك والتقديم للمدارس في كندا

بس مله داعي طبق من ذهب والكلام دا ممكن تكون في مصطلحات افضل.. لكن على كل حال اي شخص محتاج مساعدة يعرضها وفي الف مين يرد عليه ويقوله ايش الحل في مشكلته,, وكل عام وانت بخير

ولو المرافقة حست انك منتهز لهذه الفرصة حيكون شكلك مو حلو وعيب عليك اصلا..

ياشباب انا مبتعث بأن الله على المرحله الرابعه
وذكرت ان زوجتي مرافقه لي هل المعهد اي راح تجيب الوزاره قبول منه راح يرسل لها I20
طيب ممكن احصل لها على قبول من الجامعه ايضا وتضاف كمبتعثه وليست كمرافقه

طيب هل لو تواصلت مع المحلقيه تفيديني باحضار قبول لزوجتي في نفس معهدي وجامعتي

ابشري اختي :
1) لازم يكون كل واحد من اولادك له جواز مستقل لحاله يعني مايكون مضاف في جواز امه لان السفارة الكندية راح ترجع لك الجوازات اذا كانو عيالك مضافين معك وانتي طالبه فيزا دراسية لهم .
2) كل واحد من عيالك تعبين له استمارة لحاله يعني انتي استمارة لحالك وزوجك استمارة لحاله وكل واحد من عيالك استمارة لحاله وترسليها مع الاوراق المطلوبة وكل شي بيتسهل ان شاء الله .
اما بالنسبة للتقديم على المدارس في كندا المطلوب :
1) شهادة الميلاد مترجمة او جواز السفر لكل واحد من عيالك .
2) شهادة التطعيم لكل واحد وتكون مترجمة .
3) اخر شهادة سعودية لكل واحد من عيالك تكون مترجمة ومصدقة من وزارة التربية والتعليم .
وسلامتك

مشكور أخوي masters على تفاعلك معايا
بس ممكن أتعبك معايا أنا أولادي ما شاء الله واحد طالع تاني إبتدائي و التاني طالع أولى إبتدائي و التالت عمره سنتين الله يحفظهم كلهم أسويلهم فيز دراسية ولا بس إلي بس الكبار يعني التالث بدخلوا إن شاء الله الديكير وجزاك الله ألف خير
والله يوفق الجميع لما يحي ويرضا

ماشاء الله ..... الله يخليهم لك ويحفظهم ويصلحهم يارب
والله لو تسوين لهم كلهم فيزا دراسية يكون احسن واريح وممكن تقدرين تسوين لك استمارة وتضيفين بس اللي عمره سنتين ويصير تأشيرته معاك وانتي حرة كله اوكي بس الكبار سوي لكل واحد فيزا دراسية لحاله وأي خدمة في اي شي انا تحت امرك اختي الكريمة .