هنا تجمع مرافقي المبتعثات

ونا مثلك يا نسمة ولادتي في ذي الحجة

ياليت يفيدونا

رمضان كريم .. وكل عام وانتو طيبين يارب..

عندي سؤال ومهم جدا ياريت احد يتفضل عليا بإجابتو

دحين لو جت البعثة إن شاء الله وهدا حيكون على حساب الدولة وقبول المعهد كمان ... اللي بسأل عنو أنو المرافق اللي معايا أخويا
ويبغى ياخد لغة سنة وبعدين يلتحق بالعثة سؤالي هوا :

كيف ياخد قبول لغة وهل فيها رسوم تدفع للمعهد ولو فيها تكون على حسابو الخاص ؟

مثلا أخد قبول وفيزا طالب وطلعنا ع البعثة إن شاء الله هل تتكفل الدولة بالصرف على دراستو بهدا المعهد ولا هوا يدرس على حسابو ويخلص وبعدين يقدم على قبول جامعة ويلتحق بالبعثة بعدها

سوري ع الأسئلة الطويلة بس بجد محتاجة أعرف الإجابات ضروري

وشكرا

السلام عليكم

انا كمان وضعي شوي معقد لان زوجي هو المرافق بس المشكله لسى باقيلو سنه بالجامعه وانا رايحه اخد ماستر
فماني عارفه يقدر يجي معايا وبعدين يلتحق بالبعثه لانو هو انتساب فما رح ينزل غير ايام الاختبارات
لاني مابدي اترك شغلي ويترك شغلو وبالاخير نروح البعثه ومايقدر يكمل دراستو ونرجع انا وهو خاليين الوفاض لا شغل ولا غيرو
لانو بعرف ناس راحو ولما وصلو بلد الابتعاث ماعجبهم الوضع ورجعو
وشغلي وشغل زوجي خاص ومارح يعطونا اجازه بدون راتب يا استقاله يا بلاش

ساعدوني لو عندكم اي اقتراح بليز
وشكرا

دارين

و عليكم السلام و رحمة الله و بركاته

إذا أنتِ مقدمه على المرحله الخامسه على بال ما يطلع القبول النهائي و يصدر قرار الابتعاث يكون زوجك خلص الجامعه و يروح معاك يدرس ماستر

تسلملي اختي Pisces عالرد


انا مقدمه عالمرحله الخامسه و سمعت انها ممكن تطول بس قد ايش ماني عارفه ناس يقولو 4 شهور وناس يقولو سنه وناس يقولو اكتر

بس شكرا طمنتني الله يطمنك يارب

السلام عليكم
انا زوجتي في طور التقديم على بعثة الملك عبدالله -حفظه الله- المرحلة الخامسة واوراقها بتفدما بكرة انشاءالله
انا ناوي ارافقها كمحرم واتمنى اكمل دراستي مع العلم اني خريج ثانوية وحاليا موظف في ارامكو ولي خمس سنين خبرة فيها
في موقع الوزارة طالبين منها تحديد المحرم ، ايش نسوي بالضبط؟ ياريت تساعدونا في حالة عدم موافقة عملي لاقدر الله( واللي عنده خبرة في نظام ارامكو من ناحية مرافقة الزوجة ياريت يفيدني) هل ممكن نغير المحرم بعد تقديم الاوراق بكرة؟ ولا خلاص يبطل طلب البعثة؟
وكمان ممكن تفيدوني في حالة موافقة عملي انشاءالله ايش اسوي بعد كذا؟
ايش المطلوب مني اجهزه من اوراق؟ او قبول او غيره؟
ياريت تردوا علي بسرعة وجزاكم الله خير

نتائج القبول النهائي و الملتقيات راح تطلع خلال اقل من سنه إن شاء الله قبل نهاية السنه

بعد ما يصدر قرار الابتعاث لك 3 شهور تسافري فيها ( إذا ما تغير النظام)

عموما حاولي تاجلي موضوع سفرك لحد ما ينتهي زوجك

موفقه

بإمكانها تغير المحرم

شكرا Pisces على الرد

وياريت تجاوبوني على الاسئلة الباقية

هل من الممكن يكون الخال(اخو الأم)مرافق؟