هنا تجمع مرافقي المبتعثات

السلام عليكم ..

انا قدمت والحمدالله في المرحله الخامسه ..

بس حبيت استفسر عن المرافق ..

ومرافقي بابا ان شاء الله وهو مو ناوي يدرس بس المشكله بابا بياخد اخويني الاتنين معاه بحيث يكملوا هناللك في الملحق الثقافي اذا امكن علما بان الدوله ايرلندا

واحد طالع تاني ثنوي والتاني تاني متوسط .

يعني في امكانيه بابا ياخدهم معاه ولا لأ ؟؟

لانه لايمكن يسيبهم هناااا ..

فهل تووجد طريقه لذلك ؟؟

وهل ممكن تغيير المحرم بعد مرحلة التدقيق..

افيدوني بحكم خبرتكم

جزاكم الله خيرا

بليزاحد يجاوبني اخوي هومحرمي وعمره 17 وشويه هل ممكن يترفض طلب ابتعاثي عشان عمره مو 18

طيب انا ممكن اغير المرافق بس مو الان في ذي القعده ينفع اقول وقت التدقيق انوا اخوي مرافق مؤقت وانوا قبل السفر حيكون معايا مرافق على شروطهم

ياريت احد يطمني .

ياليت انا كمان احد يساعدني انا قدمت على الابتعاث للمرحله الخامسه وطلع اسمي في القبول المبدئي واليوم عندي مطابقة الاوراق بالاصول
وانا متزوجه لكن زوجي لا يستطيع الذهاب معي لكنه موافق على ذهابي انا وابنتي والمرافق الذي سوف يكن معي هو أخي وعمره 22 سنه هل من الممكن قبوله واذا تم قبوله هل يحق له أن يدرس بالمعهد للغه ويكمل البكالوريوس ؟؟؟
الله يسعد كم ردوو علي ضروري والله محتاجه احد يفهمني مع العلم بلد الابتعاث كندا أو بريطانيا؟؟

السلام عليكم...

بالنسبه لسؤال الاخت عن وضع المرافق وتغيره بعد الترشيح النهائي... حسب خبرتي كمرافق ايه تقدرين... بس المشكله يمكن مايقبلوه من اللحين عشان عمره 17.. احسن حل حطي المرافق اللي راح يقدر يسافر معك على شهر ذو القعده من اللحين.. على فكره مافيه سفر الى بعد شهر 12 ميلادي...

بالنسبه للآخت فراشة المدينه.... اخوك يقدر يدرس سنه لغه وبعد مايخلص اللغه ويحصل على قبول جامعه بدون شرط اللغه يقدر يكمل دراسته الجامعيه... انصحك خلي اخوكي من اللحين يدرس لغه عشان يختصر عليه الوقت .. باقي على البعثه كثير...

بالتوفيق للجميع

السلام عليكم...

اخوي كنج زمزوم...

ما ابغى احطمك بس ارامكو ما راح تعطيك إجازة مرافق.. انا قدمت عليهم بحكم ابتعاث زوجتي من المرحله الرابعه.. ورفضوا.... إذا انت معزم مالك غير الإستقاله... انا خدمتي في ارامكو حول العشر سنوات واستقلت بعد مارفضوا الطلب... اهم شي استخير وقرر ..
بس اهم شي إذا قررت تقدم الإستقاله حط السبب انك ناوي تكمل دراستك.. إذا فعلآ ناوي تكمل دراستك.. هذا السبب يخلي لك الآولويه عند التقديم على ارامكو بعد التخرج ان شاء الله...

للجميع ..
دراسة المرافق تتكفل فيها الملحقيه فقط لمرحلة اللغه وبعد مايجتاز اللغه ويصبح عنده قبول جامعي من غير شرط اللغه يرفعون اوراقه إلى الوزاره وغالبآ يتم الموافقه عليها.. انه يكمل الدراسه الجامعيه.. اهم شي خلص اللغه ....

نصيحه لجيمع المرافقين... استغل الوقت في السعوديه قبل السفر في تعلم اللغه علشان تختصر عليك مدة دراسة اللغه .. ويتم الحاقك في البعثه بسرعه....

يابويا لا تقول كده! غير بدل طيب!! مرة حطمتني من جد
عالعموم أنا لسه عندي أمل..... وسعاد وفتحية و..و.>>>>>يخفف من صدمته
حأقدم ورقة قرار قبول بعثة زوجتي ان شاءالله للعمل حقي وأشوف ردهم ايش يكون ديك الساعة اقرر ويارب يوافقوا


طيب واذا مشيت على نصيحتك بإني اقدم استقالة مع توضيح السبب عشان ارجع بعدين واقدم لهم، الصراحة ريحتني الله يريحك ويوفقك

في كم سؤال لو تكرمت تجاوبني عليه او ممكن الاخوان يجاوبوا كمان الله يعطيهم العافية:
طيب نفترض إني رحت مع زوجتي سواء بموافقة العمل او بدونها،
1- الفيزا متى اطلعها؟؟؟؟ وهل بس الفيزا لحالها ولا في كمان امور تانية؟؟؟
2- ايش اسوي عشان اقدم على التحاق بالبعثة؟
3-ايش اخد معايا اوراق او شهادات؟

(((للمعلومية انا عندي صورة مصدقة من شهادة الثانوي بالعربي فقط والاصلية ضايعة >>>> مفرقن الآدمي دا!، وشهادة حسن سيرة وسلوك بالعربي، وشهادات كورسات اخدتها في ارامكو بالانجليزي طبعا >>>> كتير والله حرام تضيع عالفاضي ، وشهادة خبرة خمس سنين بالانجليزي من ارامكو وبس هدا كل اللي عندي)))

وإذا في أي إضافة ياريت تفيدوني حبايبي

ومرة تانية الله يعطيكم العافية ونتوفق جميعا

معليش كمان في سؤال تاني:
انت تقول استغلوا الفترة وانتم هنا عشان تدرسوا لغة انجليزي ايش قصدك يعني؟
هل في اختبارات او كورسات معينة اقدم عليها هنا؟
وهل الفترة كافية؟

شكرا جزيلا

طيب سؤال واتمنى الاجابه عليه ..

بابا المرافق هل استطيع اخد اخواني الاتنين معايه علما بانهم يدرسوا واحد متوسط والثاني ثانوي ايوه ولا لا ..؟؟

السلام عليكم...

اختي : يارب بكره احلى...

المبتعثه يحق لها محرم واحد فقط... يعني الوالد بس ..وفيه حالات ي يسمحو للمبتعث او المبتعثه بأخذ والدتهم معهم... بالنسبه لإخوانك ما اتوقع يسمحون يكونوا على حساب الوزاره... والبنسبه لدراستهم .. اعطيك مثل هنا في استراليا الآولاد اللي جاينين مع اهاليهم يختبروا منازل وموجود كل مراحل الدراسه الى الثانوي... يعني يختبروا وقت الإختبار...
مدام الوالد لازم ياخذ اخوانك معاك.. خليه يطلع لهم فيز معاكم إذا جيتوا تقدمون على الفيزا.. وخليه قبل كذا يجيب لهم قبول دراسة لغه انجليزيه مده طويله عشان تكون فيزتهم فيزة طالب ويقدرو يجلسوا مدة اطول ...وخلال درستهم هناك لغه كمان يدرسوا المقررات حقت الثانوي والمتوسط ولما يجي وقت الاختبارات يختبروا..بس لازم تستفسروا من الملحقيه الثقافيه السعوديه في بلد ابتعاثكم.. عن كيفية تسجيل طلاب المنازل... بعطيك مثال الطلاب في اغلب دول شرق اسيا يسجلوا اولادهم في هذا المركز السعودي في اندونيسيا .. ووقت الاختبارات يكون فيه مندوب في كل مدينه فيها طلاب سعودين يدرسوا من الابتدائيه الى الثانوي ويسوا لهم اختبارات..

http://www.alharamain-academy.com/


اتمى اني قدرت افيدك بشي

بالتوفيق للجميع

مرحبا

انا سؤالي يتعلق بنفس الموضوع ...

يعني لو اخوي بالمتوسط وانا بروح امريكا بإذن الله

هل فيه مجال أخليه يدرس في مدارس أمريكيه هناك ؟؟ يعني دوام منتظم صباحي ..

سواء كانت المدارس حكوميه ولا خاصه !!


بليز أفيدوني