هنا تجمع مرافقي المبتعثات

السلام عليكم .. ياليت تفيدوني ..
اخوي مرافق مع اختي لمده سنتين .. والحين هم بالسعوديه .. ونبي نغير محرم عشان ارد معها انا .. اخوي عنده حجز ذهاب واياب من الملحقيه .. والحين حجز الاياب ابيه يكون باسمي بنفس الحجز والرحله .. او يعطوني تذكره جديده للاياب ..

استفساراتي كالتالي :

يعطوني تذكره بما اني محرم جديد ؟؟ او يقولون خلاص عطينا المحرم الاول ؟؟

تغيير المحرم ياخذ وقت طويل ؟؟ تقريبا كم ؟؟

وشكرا جزاكم الله خير

آمل منكم المساعدة

انا قدمت على البثعة في بوسطن للماستر
ومرافقي ابن اختي وهو خريج ثانوية والان منتسب للجامعة الحكومية في السعودية يدرس بكالريوس

سؤالي: محرمي الان يبغا فرصة للدراسة لكن معدله في الثانوية غير مطابق للشروط
ايش الصح
هل يقدم للدراسة ويقدم طلب ابتعاث عادي كمبتعث؟
او ما يقدم ولاشي ويروح معايا كمرافق
كتير قالولي يروح كمرافق ويقدم على اللغة بعدين
لكن مني عارفة كيف يتم التقديم ومواعيده وطريقته
في رابط معين يخص التقديم للمرافقين؟ ولا يقدم ع البعثة العادية؟
بليز اشرحولي

هل الخال يستطيع ان يكون محرم لبنت اخته بالبعثه ؟

^^^

نعم يستطيع لأنه محرم شرعي!

طيب هل يصير اخذ زوجي حالياً مرافق و عند الوصول الى مقر البعثه اغير المرافق الى اخوي ؟
و شنو المتطلبات هل يحتاج زوجي يسوي لاخوي وكاله شرعيه !!

^^^

نعم إن شاء الله يصير!
و هناك كل شيء يسير!!
ويعلمونك بالمطلوب والمصير!!!

السلام عليكم ابغى استفسر عن شي ، انا الان باقيلي سنتين واتخرج من الثانوي فمخططه انضم للبعثه لكن من الشروط محرم فسؤالي لو قدرت ادري على حسابي وبعدها انضم للبعثه
1- وش التخصصات المسموح الانضمام لان قريت ان التخصصات محدوده (انا ناويه علوم سياسيه ان شاء الله)
2 - هل من شروط الانضمام للبعثه وجود محرم ؟
3- هل من السهل الانضمام للبعثه ولا الموضوع صعب وتنافس

" انا ما عندي مقدره للمحرم فعشان كذا اسال"
سوال ثاني
هل اذا كان معي محرم في بدايه البعثه نقول اسبوع اسبوعين وبعدها رجع يعرفون الملحقيه وتنلغى بعثتي ولا كيف الوضع هناك
وشكرا لكم

الله اعلم عما ستكون عليه المستجدات عام 2022م
لكن حسب الوضع حاليا الدراسة على الحساب الخاص على أساس الإنضمام لاحقا شروطها كثيره وتعجيزية على الكثير!
هنا بمبتعث الكثير من المواضيع عن الدراسة على الحساب الخاص سابقا ولاحقا وتزداد أمورها تعقيدا كل عام ولكن هناك بعثات بديله مثل بعثة النخبة....الخ!

====

الملحقية سهل عليها التأكد من وجود المحرم أو رجوعه الى المملكة إذا أرادت ذلك وكذلك ممكن احيانا يتغاضون عن الموضوع ويكتفون بقطع مكافأة المرافق! لكن نظاميا ممكن ينبهونك بضرورة وجود محرم واعطاءك مهلة معينة تنتهي بالغاء البعثة او ممكن يعطونك موافقة تأجيل للبعثة والعودة للمملكه فصل فصلين بالكثير حتى يتم تدبير مرافق مستقبلا! وبعد التأجيل ممكن احيانا مراجعة الوزارة لتمديد فترة التأجيل حسب كل شخص وظروف والمبررات إذا كانت مقنعه للوزارة!

====

عموما اذا الهدف تخصص سياسة فقط ممكن بعد التخرج الالتحاق بالعلوم الساسية بجامعة سعوديه حتى تتسهل امور بعثة وتلبية كافة شروطها والتي قد تكون مختلفة عما هو عليه الحال حاليا!

=======

نصيحتي الحالية هو التركيز على مرحلتك الحاليه للحصول على أفضل النتائج الممكنه وبعد الهاي سكول لكل حادث حديث!

Good luck sis