مساعدة بكمل ماجستير وضاااااايع!!!

عندي لك أقتراح


وش رايك تقدم على أحدى الجامعات السعودية معيد

ولما تصير معيد في الجامعة راح يكون أبتعاثك أسهل ووظيفتك مظمونـة


شوف الجامعـات النـاشئة يطلبون مهندسين كيميائيين بالهبل


ولمـا تصير معيد...


تقدر تجيب قبول لغـة .. وتدرس لغة في أمريكا .. وبعدين تختبر توفل و جي أر أي .. وتقدم على الجامعـات وراح يقبلونك إن شاء الله


بالتوفيق

مشكووور على الرد اخوي
بس انا عمري الحين 26 قريت البعثة حدك يكون عمرك 27 لقبولك بالبعثة

بعدين انا مقيم بالكويت يعني لا رجعت ان شاء الله بحاول ادور وظيفة بالكويت

بس حاليا انا ما يهمني الا اني اكمل دراستي وخاصة ان البعثة فرصة ما تتعوض

اتمنى احد يفيدنا

وعليكم السلام ورحمة الله وبركاته.

اخوي اول خطوه واهم خطوه تسويها انك تبحث عن الجامعه المناسبه لتخصصك في المكان المناسب وبعد ما تقرا مظبوط عنها وتتاكد بانها الجامعه المناسبه لك تقدم عليها وعلى المعهد التابع لها وتطلب منهم قبول مشروط.

الخطوات الباقيه اخوي راجعه لك. اذا عندك الامكانيه الماديه انك تتدرس في امريكا فتره وبعد كدا تنضم على البعثه فباذن الله تتسهل امورك

دراسة الماستر في امريكا مهي سهله اخوي فحاول باذن الله انك تكون جدي في الدراسه ومجتهد.

اسف على التقصير في الرد بس انا افدتك بالي اعرفوا.

الله يوفقك اخوي ويسهل امرك

زين بالنسبة للجامعات ابحث عنها بالنت فقط والا في مكاتب متخصصة اسالها

وشغلة ثانية شلون اعرف ان هذي الجامعة راح تقبلها البعثة والا البعثة تقبل اي جامعة معترف فيها
انا قريت بموقع التعليم العالي الجامعات الموصى بها فهل اتقيد فيها فقط؟؟؟

بعدين شنو سالفة المعهد التابع لها وشلون اقدم عليها وعلى المعهد هل اسافر لهم بالاول والا عن طريق مكتب ؟؟

انا ان شاء الله مجتهد بالدراسة بس ابي احد يدليني الطريق بالضبط
انا اعرف موضوع تدور جامعة وتقدم على معهد لغة وتحول على البعثة بس ابي الخطوات العملية
هل اسافر على طول او ابلغ البعثة بالرياض اولا
ترى ما اعرف شي يا جماعة
مسالة البحث عن الجامعة هذي اورها بس كيف اعرف :
ان البعثة تقبلها
ما هي الخطوات العملية بالضبط ؟؟ يعني ما اروح للرياض واجيب اوراق والشهادة وحسن سلوك وغيره من هالامور
اتمنى احد مبتعث يفهمني واسف على الاطالة يس صار لي 6 شهور قاعد وما ابي يضيع وقت اكثر

بالنسبه للبحث عن الجامعات ما تفرق اذا اتعاملت مع مكتب او جبتها بنفسك اخوي. اهم شي تجيب قبول معهد وجامعه.
الجامعات الي موصى بها في موقع الوزارة هيا الجامعات الي تتقيد بيها.
بالنسبه للتقديم على المعهد التابع للجامعه بتلاقي في نفس موقع الجامعه تقديم لمعهد اللغه التابع لهم. ملحوظه مهمه اخوي: ما يمديك تسافر الى امريكا من غير الحصول على القبول. لانوا من شروط اصدار تاشيرة الطالب للدراسه الحصول على قبول من اي معهد او جامعه في امريكا وحصولك على الاي تونتي.
بالنسبه لخطوات البعثه فباذن الله الاخوان يفيدوك بيها اخوي لاني ما ابغا اعطيك معلومات مغلوطه. بس انا انصحك انك تبحث في المنتدي مزبوط. لانوا اشخاص كثيرين في نفس وضعك.

اتمنى لك التوفيق اخوي ويا رب تتسهل امورك وتنضم للبعثه.

جزاك الله خير على الرد
انا بابحث عن جامعات وانسق مع مكتب للقبول قبل السفرة
بس تقريبا كم تكلفة شهر مثلا في امريكا مع المعهد الى ان التحق بالبعثة
وكم المدة المطلوبة للاتحاق هل فعلا 30 ساعة بالمعهد ؟؟
في بعض الشباب يقول مجرد 4 شهور وتقدر تلتحق بالبعثة؟؟
وهل الاموال اللي دفعتها ترد الي من قبل البعثة او لا؟؟
وشكر ا على الردود

اخوي شوف الرابط هادا باذن الله حيفيدك في حالة رغبتك دراستك للماجستير في امريكا.
http://www.sacm.org/ArabicSACM/pdf/S...Final_Lres.pdf

الله يوفقك يا رب ويسهل امرك

....بالتوفيق ....

- - - مشاركة محدثة - - -

بالتوفيق والله يوفقك

اخواني ما عليكم امر
انا الظاهر بنطر شهر 6 لما يفتح مجال البعثة للمرحلة التاسعة ان شاء الله لانه صراحة مسالة المال اشوفها صعبة على
بس بغيت اسال
هل بعثة الماستر ايضا كلها التقديم في شهر 6 بعد العطلة
وهل بداية التقديم مجرد بالنت؟؟
وشكرا على الردود