طلاب ولاية Utah فزعتكم

الله يوفقك ان شاء الله وتوصل بالسلامه
انا عندي استفسار
معهد سولت ليك فيه تكدس او لا
انا بحاول اجيب منه قبول ومو عارفه الطريقه كيف

وياكي ان شاء الله
بالنسبة للمعهد لا مافيه تكدس

اما القبول انا واحد الله يوفقه جاب لي القبول وانتي ادخلي موقع الجامعة وراح يعلموكي الطريقة ان شاء الله

لا توسوس يا اخوك

الموضوع في غاية السهولة اعتبر نفسك مسافر من جده لرياض او من الدمام لجيزان

بالنسبة للولاية اهلها هم مطاوعة امريكا و المرشح الرئاسي المنافس لاوباما من هالولاية يعني يمكن يكون رئيسهم مطوع

المهم النواحي الماديه و غلاء المعيشة مقبول فيها و لا تعتبر غاليه مقارنة بغيرها

واحد من جماعتي يدرس مدينة Logan و بالتحديد في جامعة Utah State University يقول لي الامور سهالات و الوضع ايزي

المكافأة تكفي بس مو على المرتاح يعني يبيلها دعم متواضع من الاهل

على اخر الشهر الطلاب هناك ما اقدر اقولك يقضونها تووونه هههههههه لا لا بس ما يقدرون ياخذون راحتهم صح

لان المكافاه في كل الولايات تعتبر قليله جدا جدا و لكن في هالولاية الامور تتيسر رغم قلة المكافاة

بالنسبة للانجليزية و المطار هههههههه اعرف شباب الله يوفقهم راحوا ما يعرفون الآي من البي مو صفر سالب 10000 جدا جدا جدا جدا جدا سيئين لدرجه تقدر تقول كارثيه

بس خارجوا وضعهم من خلال لغة الاشارة و بعض المشاهد التمثيلية

يسولفون لي وش صار معهم و ما فيه الا قوووووة ضحك من ضمن سوالفهم ::

هم اثنين محمد و عبدالله (كلهم سبايك ما قد ركبو طائرة و فجاة يروحون لامريكا !!!!!!!) المهم نزلوا في المطار محمد الاول جاء لموظفة الجمارك

و سألته :: ما هو الغرض من دراستك ؟؟

محمد :: يس يس

الموظفه :: وش تقول يا الحبيب !! !! ليش جاي لامريكا وش جابك في ذا ؟؟

محمد :: بإبتسامه عريضه و وجه فاغر -لا يوجد تعليق- ههههه

الموظفه :: شكت في امره و نادة على المسوؤل جاء الطيب و قال له نفس السؤال لكن ما فيه امل يتفاهمون

بالاخير جابوا له شخص يتكلم العربي بس مكسر فهم عليه خوينا محمد و جاوب و سلكة الامور

هذي قصه واحده لموقف في المطار و القصص تطول و الرحلة بكاملها ممتعه الان محمد محاضر في جامعة القصيم و عبدالله موظف في شركة الكهرباء و قريبا راح يتوجهون اثنينتهم

لدراسة الدكتوراه الموضوع سهالات و ضحك و وناسه و تعلم

لا تشيل هم

اعذرني على الاطالة

تحياتي

الله يبيض وجهك والله يعطيك العافية مشكور وماقصرت واعذرنا تعبناك معنى
كفيت ووفيت
مشكور .......