الأولويه في الأبتعاث الجديد ....

سبق وذكرت لا أسأل ولا أأخذ آراء تجارب شخصية لكي أقيم جامعة، أعمل تجارب وأظهر نتائج الإحصائية كي نعمم النتيجة، غير ذلك كلام غير مقبول ولا يمكن أن أعمم نتيجة رأي طالب لا أعلم مدى إهتمامه بالدراسة.


ياليت مشرفين ورؤساء الملتقى يطلعوا على هذا الموضوع، ويأخذوا على يد المعرفات الجديدة بكل حزم ، حتى لايترك الملتقى لعبث الآراء الطائشة، وتشويه سمعات جامعات دولة على أيدي مجربين محترفين بأخلاق عالية كهذه.

أختكم في الله
A-A
عضو هيئة تدريس بإحدى جامعات المملكة العربية السعودية

اختي العزبزه : A-A
قولك هذا يكفي ويزيد
الاخوه الطلاب يأخذهم الحماس احيانا بسبب موضوع الابتعاث ويصل بهم الحال مثل ماوصل با الاخ صالح
اخي صالح هل تعلم مقدار البحوث التي تخرج من جامعاتنا سنويا هل تعلم ان معظم الدكاتره كما ذكرت (اعضاء هيئة التدريس) غاب عن اهله وتغرب سنين واكثرهم نوابغ حسب تقارير ملحقياتنا في الخارج وجامعاتهم ولهم مكانتهم العلمية عالميا!!
ثم عاد ليعطيك حصيله السنين وانت بين اهلك
عزيزي صالح هل تعلم ان ميزانيه جامعه واحده لدينا تقارب ميزانيه وزارة مستقله!!
اتمنى من كل قلبي ان تحصل على مرادك وتبتعث وتنجح في دراستك ثم تعود لتصبح احد هؤلاء (الدكاتره) فكيف تحتمل ان ينقص من قدرك بعد هذا العناء وينقص من الصرح الذي تمثله!!!


اخوك (من منسوبي الجامعات السعوديه)

السلام عليكم ورحمة الله وبركاته أولا أضم صوتي لصوت الأخت ( A-a ) مداخلتك صحيحة و أعترف بأنك صاحبة السبق فيما ذكرت ولن أسترسل في إضافات قد تبدو مملة ، ولكن لاحظت عبارات مثل ( وزارة التحطيم ) & ( الوزارة كلها واسطات ) & ، الفت إنتباه كل من لديه مثل هذا التوجه بأن كلامهم غير صحيح و إذا كانت الوزارة بها كل هذه الصفات السيئة ( لا أحد من أصحاب هذا التوجه يقدم عليها ) . وشكراَ

اختي العزيزه : A-A


بالعااااااامـي .....:



انتي تبين تقنعينا ان جامعات السعـودية أفـضـل من جامعـات امريكا او استراليا ..!!



وبعدين الشمس لاتحجب بـغربال ..

مثلآ ..: جامعة الملك سعـود :

معروف عنها فضايها الكثييرة :

ومنها مقطع البلوتوث الدكتور الي رافع رجله على المكتب وقدامة الطلاب ..

ومنها .. نشر بالجرائد ان احتمال يصادرون شهادة جامعة الملك سعود ..
يعني ماتصير جامعة معترف فيها ..


ومنها ..: دكاترة الطب و تحرشهم بالطالبات .. والي ما ترضخله يرسبها ..

ومعرووف ان الدكتور يعطي الدرجة على حسب "مرزام الطالب" ..

يعني مثلا دكاترة قيادة المرأة والي يسمونهم الناس "علمانين"
اتحدى طالب ملتزم ياخذ عندة درجة كاملة ..

وجامعة الإمام ..:
اثبات فشلهاا بالكليات العلمية ونشر مقاطع بلوتوث الترم الي راح كيف يرمون جداول الطلاب بالارض بالمصلى .. وهذا طبعا غير تأخر مكافئات الطلاب ..

...."ومااخفي أعظـم" ....


وجامعة الملك عبدالعزيز ..:

اهل جدة ادرى بالاشياء الي تصير فيها .. ويكفيك انهم يسمونها

"قهوة عزوز"


..

بالعربي مافية جامعة نقدر نقول ان اسمها "جامعة" الا الملك فهد ..

وحتى الملك فهد الي مزعجينا فيها انها الاول بالشرق الاوسط بإحصائيات 2005 الي هي افضل 100 جامعة بالشرق الاوسط لم توجد جامعة الملك فهد بينهم ...!

وكانت الاولى على مستوى الشرق الاوسط جامعة بـ تل أبيب ..

وأرجو انك تاخذين الموضوع بـ صدر رحب وماتهاوشيني زي صلوح :121:

السلام عليكم
انا بصراحة حتى لو كان في جامعة سعودية ودي اكمل دراستي فيها عادي ما في اي مشكلة او حتى لو بالخارج هم مافي اي مشكلة لكن اذا لا هذي ولا غيرها اقعد ادور في الشوارع يعني انا خريج من الكلية التقنية ولا جامعة سعودية تقبل بي ليش (مافي الا كلية الرياض وحصرية بعد)
ياخواني اذا خريج التقنية لا مستقبل وظيفي ولا اكمل دراسي فا ليش كل هذا الجامعات
وانا ماعترف بقوة الجامعات السعودية ومكانتها والجهود الجبارة المبذولة في السعي في تطوير هذا الجامعات ومع ذلك يبقى خريج التقنية بلا اي جامعة تعترف به (الدبلوم التقني)
وهذا شي مؤسف جدا

الله يعين على العموم ناشبين لهم انشاء الله القبول يطلع ونفتك ماصار ابتعاث ....الله يعطيك العافيه....موفقين...يارب

اضم صوتي لــsalih_inter ،،، وA-Aحبيت اقولك انا من طلاب جامعة الملك سعود وتوني فاصل منها ومعي طلاب فصلوا وتخصصهم هندسه ولهم سنتين وفيه واحد له ثلاث سنوات وفصلنا كلنا من سؤ المعامله في الجامعه يعني رجاء لااحد يتفلسف ويقول الجامعات وماالجامعات اسال مجرب فقط يعني لحد يقولي ان الملك سعود جامعه زينه بالعربي اذا بتسوي بحث والا شي بتروح لاي طالب وبتساله عن الجامعه بيكون رده حلو ويمدح في ذا الجامعه وفي صدره يعلم الله (ومن المواقف اللي صارت معي في الحامعه كان عندي محاظره بعد صلاة الظهر المهم رجعت انا متأخر خمس دقايق فقط بسبب وقت الصلاه اللي مابينه وبين المحاظره سوا 15 دقيقه ويوم رجعت اقابل الدكتور يقولي لاتتاخر عن المحاظره علشان الصلاه يعني بالله هذا مسلم يوم يقولي كذا الا علماني وصخ يبيني اترك الصلاه علشان محاظرته) وغيره الكثير الكثير من المشاكل في ذا الجامعات والله مايعلم الا الله وحده والله يفرجها، واكرر واقول لحد يتفلسف ويقولي الجامعات السعوديه زينه ومن ذا الخرابيط مافيه الا البترول والمعادن هي الزينه وغيره مافيه ولحد يزعل من ردي لاكن شفت ردود فيها فلسفه واجد ومافيه احد يحس بمعاناتنا يالطلااااااااااااب
واتمنى من الله ان يجينا قبووووووووول في البعثه ونفتك من هالخياس اللي هنا
وبالتوفيق للجميع