جاء قبولي من جورج تاون الحمد لله الحين وش المطلوب ؟؟

سؤالك مو واضح ياخوي ,, انت تقول بيجيني القبول شخصيا مو للوزارة ! يعني ليه تروح للوزارة تاخذه ؟ اذا بيوصلك القبول شخصيا استلم القبول واطمر به مع الورقة الصفراء للسفارة عشان يعطونك الفيزه , وعقبها تاخذ الفيزه وتروح الوزارة عشان تصدر قرار الابتعاث !

أها معليش سؤالي مو واضح لني مو فاهمة

طيب الاي توني فيه الضمان المالي وكل الوراق ولا كيف ؟؟

لا الضمان المالي ماتاخذينه الا في الملحقيه اذا رحتي واشنطون ,
الحين تاخذين الاي توني , راح يوصلك خطاب القبول + الاي تونًي ,,تصورينها كلها ,
وتعطين السفاره النسخه الاصليه من الاي توًني مع الورقة الصفراء , وتاخذين الجواز مع الفيزه بعد اسبوع , وتدخلين على منتدى قرار الابتعاث وتشوفين باقي الطلبات , من ضمنها صوره من الفيزه وصورة من الجواز وصوره من الاي توني وخطاب القبول واشياء ثانيه ,, وتطلعين قرار الابتعاث ,
والاي توني عبارة عن شهادة من الجامعه تقول فيها ان الطالب هذا ولدنا ومن فخذنا وولد جاويد وناخينكم تخلونه يدخل امريكأ !!

وبس !

طيب خطاب القبول مكتوب فيه اني تبع البرنامج الثالث ؟؟

ولا ايش فيه

لا خطاب القبول من الجامعه نفسها مكتوب فيها انك انقبلتي في الجامعه وتخصصك واسمك والاشياء هذي ,, وهو كلام كثير وعلى الفاضي !! كانه صك ارض ,,

والسفارة ماتطلبة ,, والوزارة تطلب صورة منه

السالفة ومافيها زوجي يبي يقدم على عمله هل في الا ي توني او اي شيء ما يثبت اني تبع الملك

والا انتظر قرار الابتعاث

ابد اطبعي صفحه حالة الطلب مكتوب فيها اسمك وانك مرشحة نهائيه ومطبوع لك ضمان مالي وخليه ياخذ صوره من القبول والاي تونًي ,, واتوقع هذي اثبات كافي !

او انتظري القرار !