>>>> بـعـثـات الـمـعـهـد الـمـصـرـفي <<<<

انا رحت لهم قبل شهرين وقابلوني وحرب نفسيه في المقابله بس الحمدلله اتصلواا علي وقالوا قبلناك وانا الي الان مارحت لهم متردد

اانا قابلوني قبل شهرين وواسئلته نوعين ااسئلة اقتصاديه واسئله عامه :
اولا : الاسئلة الاقتصاديه : اسئله سهله منها اللي اذكره : وشرايك باقتصاد البلد وش يعتمد عليه يبون تتكلم عن اقتصاد البلد بعدين يسئلك اسئله عن البطاله وش حلوله وانت عاد تتكلم كلام حسب فهمك والتضخم وحلوله ووش اضرار البطاله واكثر شي اسئله عامه ومنها ليش تتبي تكمل درسات عليا وشرايك في البلد نظام اجتماعي اقتصادي سياسي يقولك ليش البلد مافيها كنايس يشوفن يجسون نبظك هل انت متشدد يقولك لو جارك يهودي هل عندك مشكله اهم شي خلك لبرالي في المقابله , ويسئلونك اسئله شخصيه هل انت سبق وسافرت هل لك اخوان وين يشتغلون ابوك وين يشتغل وانت ليه تبي تكمل درساات عليا وليه بالذات اقتصاد وشراياك في الشغل في البنوك انتبه تقول حرام خلك دبلوماسي قل انا ماني متخصص في الشريعه وهذا تحتاج واحد متخصص في الشريعه وفي الاقتصاد علشان يقدر يجاوب وهم اكثر اسئلتهم يبغونك تسوالف علشان يعرفون توجهك ويعرفون انت فاهم و متفتتح اناا انصحك انك ماتدخل في المقابله اول واحد لان اول واحد بتروح عليه وراح يكون هو الضحيه وبعدين مثل ماقلت لك خلك هادي مره واتمنى لك التوفيق اناشاء الله ونشوفك معنا في المعهد المصرفي اي استفسار حنا حاضرين

الخلاصة اني اكون انسان لبيرالي منفتح ما عندي اي مشاكل او عقد

وبسالك ولو انه سؤال الكثير ما يرغبه لكن كم معدلك؟ يعني هل هي تعتمد كثير على المعدل؟ ووش تخصصك ومن اي جامعة؟

وما كلموك على البرنامج وكيفيته وكيف الراتب والبدلات وووو

ارجو الرد الله يحرم وجهك على النار