رفضو يعطوني توصية بحجة...وش الحل

كل تاخير فيها خيره
وانتي ادعي ربك ان الله يسهلها لك ان كان فيها خير

انا نفس وضعك رجعت للجامعة بس للاسف مالقيت احد
لكن دبرتها من دكتورين عندنا بالعمل وقلت للمكتب يكفي قال نعم

انتي اسالي المكتب او الشخص اللي مقدم لك هل ينفع اني اجيب توصيه من دكاتره مو من الجامعه

وبالتوفيق

عادي جدا


انا رحت الجامعة ولا حصلت أي دكتور

كل اللي عليك تصوري كشف الدرجات والوثيقه وتحطي معها طلب التوصيه

وتحطيها من تحت باب كل دكتوره (بس تأكدي انها موجوده مو مسافره)

وهما راح يتصلوا عليك ويتعاونوا معاك ان شاء الله

الله يجزاكم خير على ردودكم

المشكلة مافيه ولادكتورة كلهم منقلعات لديارهم

هل اقدر اجيبها من كلية ثانية يعني مثلا انا خريجة كلية التربية مش بالرياض هل اقدر اجيبها من احد ثاني يامن جامعة يا اي شي

والله مدري وش اقولك الله يعينك بس الافضل تجيبينها من الدكاتره حقينك اقول شي حاولي باي طريق توصلين لرقم اي من الدكتورات حقينك وكلميها وين ما كانت ان شاء الله بمصر واتفاهمي معاها بشويش وارسلي لها بلفاكس كشف درجاتك لازم انك جايبه في ما دتها ممتاز او جيد جدا طيب وبعدين هي ترسلها لك بالفاكس التوصيه وروحي اختميها من الكليه من عنك عادي ترا يقبلونها اهم شي مختومه حاولي لا تياسين روحي لكل الدكاتره درسوك ولا ما درسوك اوصلي بكل الطرق بالتوفيق اختي

مشكورة اختي سارة دعواتك لي ماعندي ولارقم اي صعيدية بس ربك يسهل ان شاء الله

أنا بعد والله رحت كليتنا بجده ومحد حولي بس دورت ارقام الدكاتره ولقيت رقمين وباقي ما دقيت أطلب هالتوصيات بس تذكري دائما أن الله لو كتبها لك أو لي اكيد محد منهم يقدر يحرمنا من الابتعاث والله يوفقنا اجمعين .........

مشكورة فوفو الله يسهل لنا كل امر عسر

كلنا تحت الله وبين يديه


دعواتك لي

واله ياختي ياذي التوصيات هبلت فيني تهبيل والله اني حسيت ضغطي والسكر ارتفع عندي مع اني مافيني الحمدلله لاضغط ولاسكر ........
شوفي ايش سويت
طبعاً بعد ماعذبوني روحه وجيه وطلعه ونزله وحرقة اعصاب وكل ماكلم احد في الموضوع يقلوللي وينك من بدري الحين خلاص عطلوا الدكتورات واذا لقيت وحده بالصدفه تقول انا مادرستك مايجوز اعطيك توصيات والي مدرسيني كلهم معطلات لدرجة اني فقدت الامل
لكن سبحان الله الدعاء وكثرة الاستغفار والله العظيم ماقولك قديش ساعدوني سبحان الله في اخر لحظه قبل ماينتهي الدوام بشي بسيط ربي رحمني برئيسة القسم الله يسعدها ويجزاها عني الف خير ...
حزنت على حالي وقالت لموظفه عندها دقي على الدكتورات اللي درسوها وخليني اكلمهم وكلمتهم وحده وحده وقاعده تقنع فيهم اللين اقتنعوا ( عله شايفات نفوسهم على الفاضي )
المهم وعبتلي التوصيات بدل عنهم بموافقتهم طبعاً والحمدلله مش الحال والله اني اول مارجعت ابيت سجدت لله سجده شكر لأني سبحان الله قلت خلاص مافي امل
الحمدلله على كل حال ...... نصيحه مني مالك الاذا الحل زي طريقتي وخلى رئيسة قسم او موظفه تكلم الي درسوك الله ييسر امورك وأمور كل مسلمه ويكتب لنا الخير حيثما كان ويرضينا به

الله يعينكم يا أخوات و يسهل أموركم