ياشباب يمكن عندكم معلومات ريحوني تكفووووووون

اخوي سعود

اهلا وسهلا فيك اخي

اخوي ممكن توضيح بسيط لاني بصراحة ما فهمت عليك مزبوط

====================
علما ان الدراسه تبدا في 5 شهر 6 وش السواااه
====================

متى موعد دراستك بالضبط...؟؟؟

في 5 او 6

ياليت توضح علشان نفيدك

Help

باذن الله الشباب مايقصرو معاك

شكرا لكم اخواني
help
وسامي

أخواني انا دراستي تبدا في اليوم الخامس من شهر سته.
وعلى ماسمعت يقولون اذا بقى على الدراسه اقل من 25 يوم مايعطونك تأشيرة دخول هل هذا صحيح ؟
علما ان موعدي في السفاره في يوم عشره من شهر خمسه اي قبل الدراسه بسته وعشرين يوم فقط


شاكر لكم تعاونك....

سعود انصحك يا اخوي انك تاخذ ايتونتي جديد وتأخر الدراسة

لاني انا سمعت نفس الكلام الي تقول عنه

وثاني شيء حتى لو مشت امورك يالغالي

مثل ما قلت موعدك بالسفارة قبل موعد دراستك بعشرة ايام

تعال احسب معاي

السفارة راح تعطيك التأشيرة اقل حاجة بعدها بأسبوع (( لايمكن اصدار فيزا في اقل من اسبوع ))

كم باقي من العشرة ايام...؟

باقي ثلاثة ايام

يوم لأصدار قرار الابتعاث

كم باقي ..؟؟؟ يومين

تروح المكتب للحجز... هل راح تحصل في اليومين الي قدامك...؟؟ مستحيل اصلاً

بس انا بتساعد معاك وبقول يكفيك الوقت

نقول المكتب قال لك بكره طيارتك اوكيه

راح تطلع اليوم الثاني الى امريكا

لا تنسى قدامك اقل شيء يومين بواشنطن تقعد علشان تزور الملحقية

واليوم الثالث راح تطلع بطيارة الى الولاية الي انت ملتحق بجامعتها

يعني صرت متأخر 3 ايام

============

ومتأخر ثلاثة ايام (( هذا لان حسبتنا سويناها لك بشكل خاص جدا وكتبت احتمالات خيالية شوي ))

والشروط تقول لابد تكون في امريكا قبل موعد دراستك اقل شيء بأسبوع.

===========

اخوي انا بكلامي هذا ما اقسى عليك واحطمك

بالعكس انا ارشدك الى الطريقة الصحيحة علشان ما تتبهدل قدام

والحين عجل من امورك وراسل الجامعة خلهم يرسلون لك ايتونتي جديد بموعد دراسة جديد

علشان موعد السفارة قرب

ولا تقول باقي

تحرك من الان

Help

اخويhelp

انا موعدي مو قبل الدرارسه بعشر ايام

قبل الدراسه بخمسه وعشرين يوم

موعدي في 10-5-2006م

والدراسه5-6-2006م

تكفى افدني لانك تضن ان ان الوقت الي بين السفاره والدراسه 10 ايام

وشاكر لك اخوي والله يوفقك


سعود

اخوي سعود هذا اقتراح شخصياتبع الخطوات التالية:1-احجز عن طريق الخطوط السعودية الان وليس عن طريق الطيار(يبقى الحجز معاك الى خروج قرار الابتعاث ثم تذهب الى وكالة الطيار وتعطيهم الحجز ويصدرون لك تذكرة مباشرة)ليس شرطا ان يكون حجزك من الطيار فقط2- انتظر قرار خطاب السفارة لحين صدوره ثم خذه وانطلق الى موعدك بإذنالله في السفارة 3-لن يتأخر صدور الفيزا كثيرا...وان تأخرت قليلا فلا تقلق...تستطيع السفر الى امريكا والالتحاق بالدراسة ولو كنت متأخر اسبوع عن موعد الدراسة ..فهذا قد حصل مع بعض اخوننا ولكننا استقبلناهم وباشروا دوامهم في اليوم التالي من وصولهم..يفوتك اسبوع من الدراسة ولا فصل دراسي كاملواخيرا اخي اوصيك بالدعاء فهو افضل طريقة لحل اشكاليتك وليس مشكلتك

اخوي العريفي اشكرك جزيل الشكر

اخوي انا بسوي الي قلتلي عليه

انا حجزت وباقي خطاب السفاره وباقي التأشيره

والي كاتبه الله بيصير


وأسأل الله عز وجل ان يرزقك من حيث لاتحتسب


ويريحك مثل ما ريحتني

اخوك سعود

اخوي سعود ,,اللي قال لك انهم ما يعطونك فيزا اذا كان باقي على دراستك 25 يوم غلطان,,انا اخذتها وكان باقي على دراستي اسبوع ,,اذا طلعت لك الفيزا رح مكتب الطيار وخلهم يطلعون لك اقرب حجز ,, مو شرط على الخطوط السعودية ,, تقدر تروح عن طريق اوروبا..

لكن كانك تبي تطلع على الخطوط السعودية تقدر تسوي زي ما قال اخوي العريفي ,,احجز من الحين من الخطوط واذا طلعت الفيزا روح مكتب الطيار واكّد الحجز وخطاب السفارة انشالله الوزارة بتعطيك اياه ,,ابد توكل على الله وكلش يتسهل ,, على فكرة انا اذكر اني لما دخلت امريكا كنت متاخر على دراستي يوم ,, ووصلت ولايتي وتاخرت 3 ايام ,. والحمدلله كلش تمام ,,توكل على الله بس وتتسهل انشالله

الله يجزاك خير ياخوي
الله يطمنك مثل ماطمنتني


اتمنا لك التوفيق

اخوك سعود