الحمد لله تم قبولي في برنامج الابتعاث الخص بهيئة سوق المال

جالاكسيتا حبيبتي حيّاكِ الله و حشتينا يا بنت و خلينا نشوفك ):

هاجس حيّاك الله .

إليقنت حبيبتي مرررة ممتازة التخصصات وش هي هالجامعة اللي جبتيها منها ؟؟

هلا economist
هالتخصصات لقيتها في جامعتين اللي هي LSE
http://www.lse.ac.uk/collections/fin...ts/Default.htm
والثانية جامعة لندن متروبوليتان
http://www.londonmet.ac.uk/courses/c...duate&yoe=2007
وهذي طبعا الجامعات في لندن لاكن اكيد في جامعات كثيره تقدم مثل هالتخصصات غيرها وانا اذا لقيت غيرها بقولك

هاجس هلا فيك
بما انك تبي تكمل ماليه وش المسار اللي ناوي عليه ؟
واذا عندك خلفية عن المسارات وش افضل مسار نكمل فيه ؟

هلا elegant

والله انا لسا ما حددت المسار

انا اشوف نفسي في التمويل(ما ادري وش ترجمة تمويل عشان ابحث عنه)

فحبيت انا اشوف ايش الخيارات عشان اختار
هنا

اذا انتي محتارة علشان المستقبل صدقيني كلها مستقبلها حلو علشان كذا اختاري اللي انتي تشوفين نفسك فيه
انا من ناحيتي ارشح هذي
FINANCE AND INVESTMENT مالية واستثمار
Financial Markets الاسواق المالية
ادارة المخاطر
التمويل
وعلى فكرة كلها متداخلة بشكل كبير

إليقنت حبيبتي شكرًا على المعلومات ، مرة ممتازة جامعة LSE بس صرفت النظر عنها ، الجامعة أصلًا ما تقبل أي أحد معاييرها جدا صعبة و الدراسة فيها صعبة وتطلب منك أظن اختبارات غير الانجلش و تلزمك تدخلين كورسات قبل في الرياضيات و الاحصاء و تراها أول جامعة في الاقتصاد في بريطانيا زائد إنها في لندن حيث الغلاء الفاحش من جد .. طيب اسمعي أنا لقيت تخصص اسمه :
Financial Economics و واحد ثاني اسمه International Fianance & Economics
و هذا الرابط و تلقينها على الجهة اليمين : http://www.shef.ac.uk/economics/prospectivetpg

اليقنت ترى مرة نفسي نكون مع بعض في نفس الجامعة ):

هاجس
انا اشوف نفسي في ادارة المخاطر حابتها قريت عنها شوي في قوقل وحبيتها بس خايفه تكون مره صعبه بالتالي محتاجه اعرف عن الكل عشان احدد بالضبط وش ابي

بالنسبة للتمويل بالانجليزي Funding

economist

هلا عيوني انا بعد ودي ندرس بنفس الجامعة انتي دوري وانا بدور بالنسبة لجامعة شيفيلد التخصصات الي كتبتيها بين المالية والاقتصاد انتي تبينها لانها تكملت لتخصصك في الاقتصاد بعدين هل الجامعة قوية ؟؟
مالقيت غير هالمسارات مافي غيرهاا؟ اقصد استثمار وتمويل او ادارة مخاطر

بعدين بالنسبة للندن انا مجبورة ادرس فيها لان في معارف لي بلندن وابي اكون معهم مع اني احس لو اروح اي مدينه ثانية بيكون افضل وارخص بس اهلي مطمنين علي في لندن

هاجس انت معنى في برنامج هيئة سوق المال؟؟

كلام سليم ولكن احببت ان اضيف الى ان Financial Markets and Derivatives تشير الى الاسواق والمشتقات المالية

والمشتقات المالية في الاصل للحماية من المخاطر ولكنها تطورت كوسائل للمضاربة والى غير ذلك. والمشتقات المالية متقدمة ليست على السعودية فحسب بل على العالم العربي ككل لانها جديدة تقريبا بدايتها كانت في الستينات وهي معقدة لانها تعتمد على توليفات وامور اخرى معقدة وتشمل الخيارات والعقود الاجلة والعقود المستقبلية .... . واعتقد انها لن توجد في السعودية على المدى القريب لحروميتها شرعيا ولعدم معرفة الاوساط الاستثمارية ثانيا .


لعل هذه الخلاصة المتواضعة من خلال دراستي للمشتقات تفي بالاجابة .

واذا كان في اي استفسار في المالية ممكن اقدر افيدك على حسب علمي ان كنت اعرف او سابلغكم بعدم معرفتي

اخوكم مهند المحمدي

تخصص تمويل واستثمار

بالنسبة للجامعات حاولو تشوفو متطلباتها قبل كل شيء فمثلا جامعة شيفيلد تطلب توفل 617 وهذا الانجليز يجيبوه بصعوبة انا اشوف اقصى شي 600 ومخاطرة بعد

بالنسبة للي يبحث عن المالية كتخصص الانجليزي finance اما funding فلها معاني كثيرة وتعني في تخصص المالية الادخار وتسخدم دائما في الصناديق

ايه


في نقطة مهمه

ابغى جامعة بامريكا فيها finance بس يكون الطلوب في التوفل والـGMAT بين 500و 550
يا ريت احد يقدر يفيدني

لازم الواحد يدورله معهد قوي وجامعة قبولها سهل لاننا ملزومين بوقت محدد