الحمد لله تم قبولي في برنامج الابتعاث الخص بهيئة سوق المال

السلام عليكم ورحمة الله وبركاتة

اخباركم ياشباب

انا الحمدالله معكم ببعثة الهيئة

وان شاءالله راح اتخصص في الـ Finance والدولة امريكا

اما الجامعة مابعد تحددت واتوقع راح اقدم عن طريق المكاتب

واذا في احد نفس التخصص ونفس الدولة وعنده معلومات لايبخل علينا

والله يوفقنا جميعاً

بس في اشياء ماسألنا عنها وهي مهمه

اول شي المكافأة في السنه الاولى لان اشوف في تغييرات صارت

ولما نوقع العقد هل يتغير الراتب او المكافأة (فترة دراسة الماستر)

والشي الاهم لما نرجع ان شاءالله ومعانا الماستر وش راح يصير وضعنا من ناحية الراتب ومن ناحية (القريد) ومن ناحية (البوزشن)

وانا اتوقع لو نرسل ايميل لهم بخصوص الضمان المالي بيختصر علينا وقت لان كل الجامعات تطالب بضمان مالي ومانقدر نسوي شي بدونه

تقبلو تحياتي،،،

أخوي الغالي

الف مبروك

اما بخصوص المكافئات فكل شئ رايح يبين يوم الملتقى الى في 20/10

وتقدر تحصل على اي معلومة هناك


وبا النسبة للقبول لا تحاول تتعبن نفسك كتير الى بعد ما تروح الملتقى وشف وش يقلولون


والله ييسرها ان شاء الله


وبا التوفيق للجميع

عزيزاتي ,,
كل عام وانتم بخير
حبيت ابلغكم
ان الملتقى يوم 20 اكتوبرمن الساعة 1 الى الرابعة عصراً بمبنى الفيصلية - القسم النسائي لهيئة سوق المال - الدور ال16
لاتتأخرون والاهم جهزو اوراقكم وخاصة الفحص الطبي
تحياتي لكم

اليوم اتصلوا عليّ و ما رديت ،، تسلمين نفنوفة

السلام عليكم

سؤال
متى نسلم الاوراق؟

و عليكم السلام


في يوم الاجتماع

نفنوفه كيف دريتي أن الأجتماع يوم 20 أكتوبر دقو عليك أو من كلامهم المره الماضيه؟؟؟

هلا اختي دانه
ايه اتصلوا وبلغونا بالموعد .
تحياتي

شباب وبنات وينكم
تعالو نتكلم شوي عن الأجتماع اللي صار يوم الأثنين

كان اجتماع جدا جدا جدا رائع وماقصرو ابد في اعطائا صورة واضحه عن الابتعاث يعطيهم العافية والله
الآن لازم نلاقي معهد لغة ممتاز خلال هالاسبوع ونرسلهم الاسم كما هو بالجواز واسم المعهد للحصول على الضمان المالي وبعدها مرسالة المعهد والحصول على القبول واخذ موعد من السفارة للفيزا ( ولازم تعرف متى تبدا الدراسة في المعهد عشان ماتتاخر عليه وترتيب امورك )
وبالنسبة للقبول الخاص بالجامعة انا افضل انك تروح البلد وتدرس اللغة وبعد 4 شهور تحدد الجامعه بشكل افضل من الآن ..
تحياتي لكم