هل فيه مبتعث هنا أجل البعثة من قبل

مرحبا أخوي
انا بقولك اللي مريت فيه انا بصراحه ماكان تاجيل بس اللي سويته اني قلت لهم حذفوا اسمي من السستم عشان اقدر اسجل مرة ثانيه السنوات الجايه لان اللي يسجل ومايروح خلاص تروح عليه البعثه ولا يقدر يسجل مررة ثانيه
انا كنت العام مقدمه على برنامج خادم الحرمين وانقبلت وبعد كذا صابتني ظروف خاصه ولا قدرت اسافر طبعا هالكلام قبل حتى مايجيبون لي القبول اللي من الجامعه
حاولت اكلمهم ماردوا على خفت البعثه تروح وقلت خليني اروح للرياض واتناقش معهم وجها لوجه
وفعلا وصلت مبناهم ودخلت وناقشتهم في ظروفي وقالوا لي كتبي خطاب موجه الى الدكتور ناصر الحربي واكتبي ظروفك فيه بالتفصيل
وبعد كذا كتبت الخطاب وارسلته وقالوا لي خلاص اذا جا الخبر بنكلمك
بعد كم يوم كلمني رجال من الوزارة وقال انتي مقدمه على انك تبين تحذفين اسمك من السستم قلت له ايه احذفه وقالي خلاص حذفته استغربت بعد كم اسبوع رساله تجيني على الجوال ان قبولك وصل وتعالي اخذيه..........طبعا انا انصدمت
واحاول اكلمهم لكن للاسف مايردون وبصراحه ماقدرت اروح لهم
وتركت الموضوع ...وبعد كم اسبوع دقوا علي وقالوا لي ليه ماجيتي استلمتي القبول وقلت لهم وضعي اني انا طالبه حذف وان احد كلمني وقال لي حذفناك ومن هالكلام
تخيل وبعد مامضى تقريبا شهر على هالكلام وتجيني رساله منهم تقول ان قبولك موجود عندنا من زمان واذا ماجيتي اخذتيه وجبتي الفيزا بتلغى بعثتك
بصراحه نصيحه لوجه الله ترى بيوهقونك مثل ماوهقوني اذا انت تقدر تروح امسكها وروح وتحمل ظروفك وبالتوفيق ان شاء الله

معيدة أنا كمان قدمت على بعثة وسارت لي ظروف وابا الغي البعثة ومو عارفة كيف
انا مقدمة بكالوريوس على المرحلة الرابعة

دمتم

لا تخافون ولا تقلقون لا بعد ما يتم توزيع القبولات للمرحله الرابعه يمديك تجلس 6 اشهر بدون لا تروح لهم وبعدين روح وطالب بقبولك ويجيبون لك قبول جديد ولا تأجل ولا غيره اذا ست اشهر كافيه وغير كذا اذا ماهي كافيه تعال شهرين وبعدين ارجع على حسابك وسو تأجيل بعثه لو تبي سنه كيفك وان شاء الله اكون افدتك بالكلام الي اقوله لك

طيب ولي رجع لظروف خاصه بعد الانتهاء من اللغه وصارلي ست اشهر وطبعا من شهرين قدمت طلبت تاجيل وتو ردوا علي يقولون تم رفض التاجيل والان انا ابي احولها من امريكا الي بريطانيا هل ممكن احولها بعد سبعة اشهر (سبعه لين اجيب قبول في بريطانيا) انا الحين ابي احول على بريطانيا هل ممكن ولا تعتبر راحت علي؟؟؟

وعيدكم مبارك

نصيحــــــة لاتتطلب تأجيل اصلا يوهقونك أنا أخرت بعثتي تقريبا 6 شهور سافروا الناس وانا جالسه اماطل بتحويل ووقبول وكذا المهم لما جى بداية تسجيل المرحلة الرابعه قالوا لو ماجيتي تلتغي وطبعا ظروفي ماتصلحت ابد اللي هي المحرم طق صدره اخوي متزوج وقال بروح معك فتره نشوف الوضع ونامن لك سكن وارجع رحت عه جلست اسبوع وقال بيرجع لاسباب قهرتني المهم رحت الملحقية طلبت تأجيل راح أأجل لك سنة لما تتصلح ظروفك المهم كتبت خطاب وقالوا لي روحي ولا تخافين لما رجعت شهر الا ويجيني ايميل من المشرف تم رفض طلبك ارجعي باسرع وقت لك 6 شهو انقطاع ر لو ماجيتي تلتغي البعثه عليك والان باقي لي شهرين ونص وماتصلحت ظروفي وبموووت قهر وش اسوي.. ( انا انتظر ولد اخوي يتخرج باقي له سنه علشان يروح معي )


نصيحة لاتثق فيهم اصلا مافي تأجيل لمرحلة اللغه نهائيا واللي بالجامعه مو كلهم يوافقون لهم .

اسمع اخوي انا كنت مبتعثه من الوزاره تاخرت تاشيرتي بعدين رحت لامريكا علشان اسجل للترم بس فاتني التسجيل بعدين رحت للسفاره السعوديه اقولهم الي صار وخليتهم يوقفون البعثه لمده 4 شهور ويوم جيت طلبت انهم يشيلون الوقف وعلى طول نشطولي البعثه

اختي كم حددتي فترة التأجيل... انا لي شهرين وسويت مثلك وأجلت البعثة عن طريق خطاب ونفس الكلام سبحان الله قالي المشرف ارجع ولا تخاف ويوم كلمته بعد شهر قالي انا مش عندي الموضوع والموضوع عند الوزارة وانا ماأقدر اسوي لك شي حسبي الله ونعم الوكيل...

انا ابقي ارجع بداية السنه لدراسة الجامعة بدون معهد لغة

الله يوفق

يعني التنشيط سهل لهذي الدرجة والوزارة يعني ماتدخل في الموضوع

تحياتي

انا اجلت عشرين مرة قبل لا اجي ههههههههههههههههه
الا ما حسيت انهم بيذبحوني .. اقدر انشاءالله افيدكم بالتفاصيل . مرة تاجيل من الفيزا ومرة من المعهد ومرة من الوزارة بس قولو متى بداية الدراسة ؟ في القبول والمدة كم تبغو تاجلو ..