ليش الظلم للمرافقييين !!!!!!!!!!!! :( :(

اخوي انت مرافق اوموظف مبتعث..

كيف يعني المؤهل بعد الوظيفه ماله قيمه أجل وش فائده إبتعاث الموظف ومامدى صحه هاذي المعلومه والي نعرفه انه الموظف تجيه قفزه وظيفيه بعد حصوله على مؤهل اعلى حتى وان ماترقى بالأول . يليت تفيدني وتكون متأكد من المعلومه ..

في بعض الاحيان نعم الموظف لا تتم ترقيته
ولكن غالبا يختلف الوضع و تتم الترقيه
و هذا طبعا يكون بتنسيق من العمل نفسه قبل البعثه

عندنا في السعوديه بخصوص الوظائف

يناظرو للخبارات اكثر من الشهاده

مو احطمك بس هذا اللي اشوفه

وهذا اللي مر علي

miss fefe
انا بتكلم على المرافق الي بيروح معايا ...
مافي قفزه ولا شي ....
لان المراتب يترقى عليها وفق السلم ..
ولم يعود هناك مسابقات على مرتبه اعلى نظرا لوجود من ينتظرون ترقيتهم عليها ..


mr jooker
مافهمت كيف يتم التنسيق
واذا كانت جهة العمل مافيها ابتعاث لموظفيها ...
كيف ممكن؟؟


الجنون فنون
المشكله وحتى لو فيه خبره وجاء بشهاده اعلى بحكم انه رح يدرس مرافق طبعا
ولو فكر يقدم ويدور على وظيفته ...هل سوف يجد وظائف بانتظاره ؟؟؟
واذا تم تعيينه هل سيعين على المرتبه نفسها الي كان هو فيها اصلا ؟؟
اذا مالفائده بالنسبه له من الذهااب ؟؟؟
صح

هذ هي...............

فيه طريقة ممكن انها تنجح بالذات لما يرجع من الدراسة ومعاه شهادة
طبعا لازم يصدقها من كل الوزارات في العالم علشان يدرون انها مو مزورة ويقدم استدعاء يطلب فيه تحسن وضع وهذا بند موجود في نظام الخدمة المدنية وبتوصية من الوزير المختص يتم تحسين وضع الموظف " بقفزه " لمرتبة واحدة فقط يعني اذا كان على السادسة وجاب الماستر يعيين على الثامنة لكن على الدرجة الأولى

آه يا معاناة المرافقين

عارفين وش المشكلة

المرافق للمبتعثة في النظام يحق له أجازة استثنائية بدون راتب مع الألتزام من قبل الموظف بدفع التأمينات الاجتماعية كامله يعني 18% من الراتب شهرياً بدون التأخر عن الدفع *
* يعني انسى انك تقول اذا رجعت اقسطها للتأمينات او من الكلام هذا يعني الله لا يهينك وانت هناك تحول شهرياً الى السعوديه المبلغ

اما عن موضوع تحسين الوضع فالحل الوحيد في حال وجود أبتعاث من جهة العمل بس الاجازه استثنائية للمرافقة

بعد الوصول الى بلد الأبتعاث والتحاقه في البعثه قدم بطلب خاص لجهو عمله بأنه راح يطلب الحاق في بعثات الوزارة ويطلب الموافقة على ذالك
مع العلم بأن الاجازه الاستثنائية كفيله بألحاق المرافق في البعثه وان كان موظف

يعني اذا اخذت الموافقة تدخلها بعيونهم الشهادة اول ما ترجع لعملك وتستحق المرتبة الي يتوظف عليها موظف الجديد الحاصل على الماستر وتضاف سنوات الخبره السابقة كدرجات في نفس المرتبة

اما درجه وحده ذي ما ادري عنها اذا في نظام الخدمة المدنية لاني ما اتعاملت معاه ولا اتمنى اتعامل معاهم


وتحياتي للجميع

بس ابي اعرف هل فيه طريقه الغاء نرفع فيها موضوع دفع التأمينات وأحنا في بلد الابتعاث

لانه حرام بصراحه الي راتبه في السعوديه 10 الاف راح يدفع وهو هناك 1800 ريال تقريباً يعني ما يقارب 480 دولار فرضاً لمبتعثين أمريكا وش باقي له من الفكه الي يعطونه الوزارة على انها مكافأة للمرافق ؟؟؟؟؟؟؟؟؟؟؟؟؟ 500 دولار وهو رب أسرة في بلد غررررررررررربه والله حراااااام

هذي من أحد العوائق الي نواجهها يا المرافقين الموظفين

لازم يكون فيه نظام ياالحكومة تدفع التأمينات او على الاقل يكون فيه مجال ان العمل يدفع نصف التأمينات والموظف اذا رجع يسدد النصف المتأخر عن المده الي كان مرافق فيها

اما بالحالة ذي ظلم

ومعلومة بس حبيت اضيفها بأن التأمينات الاجتماعية يقولون حسب اتصال هاتفي فيهم في حال التأخر عن الدفع لمدة شهرين تصدر غرامة تراكمية مستلسة عن كل شهر تأخير 2% والشهر الي بعده 4 % والي بعده 6 % يعني ما ترجع من السفر الا وانت تبيع الي وراك وقدامك والي يملكونه أهلك كلهم علشان تسدد التأمينات خخخخخخخخخخخخخخخ اجل تأمينات أجتماعية ولا تمويتات جماعية

عن جدد عطيتوني امل ..
بالذات حكاية القفزه وتحسين مستوى ...اشواا عالاقل في شي ...
مشكووريين ....


هذي مافهمتها ايش ضمانات ما ضمانات . .!!!!
جديده هذي

الي فهمتو انه يقدم على فيزا اف ون من هناا صح...
ولا يقدم استثنائي بالاول ؟ الين يلتحق بعدين يطلب الموافقه .؟؟؟
ماينفع يضبط اموره من هنا قبل الروحه وياخد الموافقه وكل شي ؟؟؟؟

شوفي حبيبتي botshi

أنا زوجي موظف حكومي في المؤسسه العامه لتحلية المياه ولمن راح سألهم إنه زوجتي مبتعثه وأبغى ابتعث معاها لأنه عندهم ابتعاث لمنسوبي التحلية..قالوا:وقفنا الابتعاث

بس عندك واحد من حلين:
أولا- تاخذ اجازة استثنائي 4سنوات بدون راتب وبدون خدمة نمسك رقمك الوظيفي فقط !!وهذا الحل نسبة نجاحه 80%
ثانيا- تطلع تجيب لك قبول من جامعه تخدم تخصصك [زوجي تخصصه معالجة مياه] وتجي تراجعنا واحنا نبتعثك !! وهذا الحل نسبة نجاحه20%
((طبعا لوعندنا واسطه كان صارت 100%))
وهذي قصتي مع المرافق..

**بس احنا أملنا في الله كبييير ثم في المحافظ لأنه انسان متفهم وأكيد ماراح يقصر..وربك ييسرها.**


لكن سؤالي الان ,,
دراسة المحرم للغة على حساب الوزارة أو لأ...؟؟