استفسار من استلم قبول من مكتب احمد باضريس؟

صباحكم عسل

معقولة ما فيه الا المتبيضن اللي وصل له قبول من الجامعة !

اخوي سعود هل ارسل اوراقك على جامعة او لسى؟

اظن الجامعة هذي يا علي معقدة لاننا صرنا ثلاثة ننتظر منها قبول بس من شهرين ,من جد مصيبة قبول جامعة يقعد له شهرين ولسى ما جانا اي علم اكيد!

على فكرة يا اخوي علي هل ارسل لك استبيان شي من الجامعة هذي؟

أخوي محمد ، ولله الحمد لغتي الانجليزية لا بأس فيها وجيدة ، راسلت الجامعة بنفسي في بعض الاستفسارات و وجدت القبول أبداً ما يطول اذا وفرت كافة المتطلبات لأن احتمال اذا تسهلت أموري وطلعت البعثة يرافقني اخوي يكمل دراسة بنفس الجامعة ، و الله أعلم ممن التأخير!! مع العلم ان الجامعة لها وكلاء متوزعين في مدن المملكة الرئيسية (الرياض - الخبر - جدة)
وبالامكان الوصول لهم من موقع الجامعة/
International Study at QUT | Queensland University of Technology, Brisbane Australia | Agent and representative list

ولا .. ما ارسل لي استبيان.

هلا اخوي

والله مدري ارسلهن ولا لسى

مامهم عندي ان ارسلهن جزاااه الله خير وان ماارسلهم برضو جزااه الله خير

انا اخذا الامور بسعة صدر هههههههههه (على قولتهم صدر شمالي )

اظن اني فهمتك خطأ اخوي علي كنت افكر انك تنتظر مثلي ومثل bio2010 قبول الجامعة !
موفق انشاء الله

بالنسبة للاستبيان , ارسله لنا المكتب "تم طلب تعبئتة من الجامعة" عشان نعبيه ونرسله مره ثانية للمكتب بس اظنك ما تحتاجه لانك قدمت بنفسك حسب ما فهمت منك

الله يزيدك سعة بال اخوي سعود وتتيسر امورك وامورنا على خير في الابتعاث

لا أبد يالغالي ، ما فهمتني خطأ! أنتظر قبول الجامعة مثلكم عن طريق مكتب أحمد باضريس. مراسلتي للجامعة لأخوي مش لي أنا.
وغريبة ما ارسل لي استبيان للجامعة!!!

الله يوفق و يسهل للجميع

السلام عليكم
تحيه طيبة للجميع واعذرونا على القصور في مشاركتكم
بالنسبة لي طلع الضمان المالي في شهر 2 وكلمني احمد باضريس وقال استراليا افضل ومن هالكلام
قلتله : لاتتعب نفسك غير امريكا ماني مسافر ، قال خلاص بنقدم لك على امريكا لكن المشكلة يبغى يقدم على مزاجه في ولاية وجامعه هم متعاونين معها
قلتله : معصي انا ابغى ولاية فلوريدا قال مانقدر ، قلت خلاص واحجز واطلع الرياض واروح مركز الامير سلمان واوقع على تعهد باستلام الضمان واقرب ليموزين وعلى مكتب باضريس اعطيته التعهد واستلمت الضمان
ورجعت جدة وقدمت بنفسي والان عندي القبول وبعدها قدمت على القنصلية الامريكية ورحت سويت المقابلة بتاريخ 9-4-2011 يعني قبل 80 يوم تقريبا ( دائما عندهم تاخير في اصدار الفيزا)
على العموم انا انتهيت من كل شي باقي الفيزا تصدر من القنصلية وبداية الدراسة اجلتها الى شهر شوال نبغى نصوم ونعيد مع اهلنا وبعدها نتوكل على الله ( دعواتكم لنا بالتوفيق )
اتمنى للجميع التوفيق وتتسهل اموركم باذن الله

mral3mri
ماشاء الله الله يوفقك

مساء الخير

ولله الحمد تلقيت اتصال من احمد باضريس صباح اليوم وبشرني بوصول عرض القبول من الجامعة وفيه تفاصيل فترة دراسة اللغة وقبول الجامعة وبرضه اصدرلي الضمان المالي باسم الجامعة و وقعت على عرض القبول وارسلته مره ثانية للمكتب عشان ترسل الجامعة نموذج تأكيد الالتحاق بالجامعة"COE"لاستخراج الفيزا
وانشاء الله البقية قبولاتهم في الطريق

حصل خير اخوي علي وتتوفق انت واخوك في اجراءات ابتعاثكم ويا ليت تتواصل مع احمد وتستفسر عن موضوع الاستبيان

حياك اخوي mral3mri والله قد كلمتك بخصوص طريقة اخذ الضمان من المركز وما قصرت جاوبتني لكن هدينا الامور وقلنا خلاص نكمل وصعبه نبدأ من جديد في جلب القبولات والحمدالله تيسرت على خير وانشاء الله تطلع فيزتك وتكمل باقي اجراءات ابتعاثك
وبصراحة لولا تعقيدات الفيزا الامريكية واشوف طوابير الانتظار من المبتعثين والمبتعثات كان ما فكرت اغير مقر البعثة الى استراليا

مودتي لكم

متأخر عنكم أخ محمد بخطوة
فكذلك وصلني اتصالين مساء اليوم من الأخ احمد باضريس ، و جزاه الله ألف خير ماقصر في تسهيله الاجراءات. فحسب ما فهمت منه أن قبول الجامعة خلص.

أرسل لي الاستبيان ، مدري ان كان لازم أمليه يدوي لأن وضعت البيانات من برنامج، وأرسلته للأخ أحمد مع تقرير طبي.

وللأمانة ، أعتذر من الدكتور احمد وهو انسان يجبرك على احترامه فحديثه يبعث على الاطمئنان وصدره رحب لأي استفسار. فإن كان هناك من عتاب على التأخير فهو من الحرص على اللحاق بركب المبتعثين ، خصوصا أن المرحلة السابعة من برنامج خادم الحرمين - الله يطول بعمره - يبدأ التقديم يوم الاثنين القادم.

ونتفهم جداً ، أن حالة القبول هنا مختلفة كوننا من ذوي الاحتياجات الخاصة.

بالتوفيق للجميع

اخواني

تلقيت اتصاال من اخوانا الدكتور / احمد باضريس

وتم ارسال لي قبول الجامعه

واوراق الااستبيان الجامعي

جنوب استراليا --- مدينة ادليد ----- جامعة فلندرز -- تخصصي تسويق --- وتخصص اخوي موارد بشريه

طعبا قبولين انا واخوي

السفر بتاريخ 10-11-1432 (( على خير وسلامه ))

بيض الله وجه الدكتور احمد باضريس صراحه ماقصر معنا