استفسار من استلم قبول من مكتب احمد باضريس؟

والله ياخوي محمد انا نفس وضعك الموضوع طال جدا جدا لكن ننتظر ونشوف

انت مقدم امريكا ولا استراليا ؟

مرحبا عزيزي

والله الضمان صدر على امريكا لكن بعد ما اقنعني المكتب ان استراليا اسرع في القبول وان الضمان المالي للجامعات الاسترالية ليس باسم دولة الابتعاث ولكن باسم الجامعة اللي تقبلك وافقت على استراليا , وبصراحة اظن اني اخطأت يوم غيرت الى استراليا كملنا تقريبا شهرين منذ صدور الضمان المالي ومافيه اي اخبار مجرد اعذار تجيب الهم والضغط والسكر من المكتب واخرتها احمد باضريس خارج البلد
على فكرة اتابع موضوع في منتدى مبتعث بخصوص اخر موعد لاصدار قرار الابتعاث من الوزارة للمرحلة السادسة ناس تقول شهر اربعة ميلادي وناس تقول شهر خمسة ميلادي وناس تقول شهر سبعة واربكني الموضوع مع مماطلة المكتب اظن اننا ما راح نسافر

هذي النقطه مافهمتها اخوي محمد


والله نفس حالتك كنت ابغى امريكا لكن بعد المكالمه اخترت استراليا لانها اسرع في القبول

حسب ما افادني الاخ احمد باضريس واقتنعت لانه قالي دراسة معهد الانجليزي تبدأ بشهر سته ميلادي

يعني المفروض اكون سافرت وبديت دراسه لكن رجع قال الجامعة تبغي تقرير طبي علشان يعرفون الحاله بالظبط

امس كلمته وقال مافي جديد

لكن اسأل الله لي ولك التيسير ولجميع اخوتنا المتقدمين

اقصد ان المرحلة السادسة اللي احنا نعتبر مقدمين عليها راح تنتهي خلال الاشهر اللي ذكرت حسب ما يتداوله بعض اعضاء هذا المنتدى ويجب اصدار قرار الابتعاث قبل نهاية هذه المرحلة لانهم قاعدين يجهزون للمرحلة السابعة وعشان كذا اقولك بدأت الامور تزداد سوءا مع هذا الانتظار وكل يوم نسمع خبر يجيب الهم

فاتمنى اني اصدر قرار الابتعاث وامر الاركاب قبل ان يصدر اي قرار من وزارة التعليم العالي على نهاية المرحلة وتضيع علينا البعثة بسبب اخطاء ما لنا اي ذنب فيها

عموما اذا ما جاء رد خلال الاسبوع هذا بروح اوقع التعهد من مركز الامير سلمان واستلم الضمان المالي وابدأ من جديد في ارسال الاوراق للجامعات وراح اقدم على الجامعات الامريكية بلا استراليا بلا خراط وانصحك تسوي الاجراء هذا لا يضيع علينا الوقت واحنا ننتظر مرقعة المكتب
تحياتي لك وبالتوفيق في بعثتك

والله اذا الكلام اكيد فهذي مشكله كبيره الله
ولو رحنا نوقع التعهد مااتوقع بنحصل قبول
ولا اعرف اقدم !!


لكن الله ييسر

يا شباب طيب انتوا الحين خلصتوا من الكشف الطبي والإجراءات المطلوبه للفيزا الاسترالية وحصلتوا عليها ولا باقي ....
لأني انا الحين في مرحلة إستخراج الفيزا .... يعني انا الحين خلاص حصلت على القبول من المعهد والجامعة وخلصت الفحص الطبي ورفعت الأوراق للسفارة الأسترالية
عشان يستخرج الفيزا لجوازي وللحين انتظرهم يصدرونها .... والله يسهل ... اتمنى لو احد الاخوان حصل على الفيزا الاسترالية يقولي اش صار معاه بعد ما حصل على الفيزا هل خلص باقي الاجراءات ولا باقي ؟؟؟؟ وبعد الحصول على الفيزا
ماهي الإجراءات المطلوبه ؟

اخوي المتبيضن ماشاء الله تبارك الله
بالنسبه لي القبول اللي خهو احد شروط الفيزا ماجاني

لكن اتمنى منك انك تشرح لنا خطواتك الى الان وكيف طريقة التقديم على الفيزا ؟
ومن جاب لك القبول وفي اي جامعة في استراليا ؟

والله يوفقك اخوي

هلا بك أخوي bio2010 .... ابشر ولاأ يهمك راح اشرحلك الي صار معي بالتفصيل ....

بالنسبة لي انا مثلك حصلت على القبول عن طريق مركز الأمير سلمان ......... وقد حصلت ولله الحمد على القبول في المعهد التابع للجامعة عن طريق المكتب التابع للاخ : احمد باضريس لدراسة المرحلة البكالوريوس .بالنسبة للجامعة الي ان شاء الله راح تكون الدراسة فيها هي جامعة ( كيرتن ) في ولاية غرب أستراليا بمدينة ( بيرث ) وراح تكون بداية الدراسة بحول الله تعالى بتاريخ 19/07/2011 م يعني بعد تقريباَ شهر ونص بإذن الله تعالى أما خطوات التقديم للحصول على القبول والحصول على الفيزا فهي كالتالي :

بعد تلقي مكالمة من الأخ : احمد باضريس عن وصول القبول والإعتماد المالي من وزارة التعليم العالي وبعد ما كان كل تفكيري ينحصر على الدراسة في أمريكا وبعد الأخذ والعطاء مع الأخ : احمد باضريس و إيجابيات الدراسة في أستراليا من ناحية سرعة الحصول القبول في المعاهد والجامعات في أستراليا ومقارنة إيجابيات وسلبيات المعيشة بين أمريكا و أستراليا أقتنعت بدراسة في أستراليا على بكرة الله ...... بعد ذلك بدأت في توفير الطلبات اللازمة وهي : ترجمة شهادة الثانوية العامة .... ترجمة شهادة حسن السيرة والسلوك ترجمة جميع شهادات الخبرة والعمل السابقة .... صورة من جواز السفرمجدد ( جوازي كان باقي عليه شهرين وينتهي ) صورة من التقرير الطبي يوضح الإعاقة . بعد توفير جميع هالطلبات وإرسالها له بعد تقريباَ إسبوعين أبلغني بوصول القبول المبدئي من الجامعة و قام بإرسال لي الأوراق التي وصلت من الجامعة والتي يستلزم التوقيع عليها من قبل الطالب وقمت بالتوقيع على جميع الأوراق التي تثبت فعلاَ حصولي على القبول المبدئي في الجامعة والتي تبين مدة الدراسة كاملة شاملة مرحلة اللغة وزيادة على ذلك حصولي على رقم الطالب الجامعي وأرسلتها إليه مره اخرى بعد ذلك قام بإرسال الأوراق للوزارة من اجل استخراج ورقة تعهد من الوزارة بتحملها كامل مصاريف الدراسة وبعد ذلك قام بإرسال الأوراق جميع الأوراق إلى السفارة الأسترالية للحصول على الفيزا من خلال موقعهم على الأنترنت ( تقديم أون لاين ) بعد التقديم على الموقع وأرفاق المتطلبات تم الحصول على رقم الطلب ( رفرنس نمبر ) ورقم الطلب هذا مرررررررررره مهم عشان تروح للمركز الطبي الخاص بالفحص الطبي لازم تعطيهم هذا الرقم عشان هما يرسلوا النتايج الخاصة بالفحص على موقع السفارة بنفس رقم الطلب الي حصلت عليه ... وإذا جيت للمركز الطبي وما معاك هذا الرقم ما راح تستفيد شيئ لأنهم ما راح يسولك الفحص بعد رفع التقارير الخاصة بالفحص يبين لك موقع السفارة هل وصلتهم ولا ما وصلت .... وانا الحين لمن ادخل على موقع السفارة واعمل متابعة طلب وادخل رقم الطلب يبين لي انه وصلتهم التقارير ولكن للحين ما صار شيئ مالي الا انتظر وربك يسهلها .... ودعواتك لي تتيسر باقي الأمور وأعتذر عن الإطاله عليكم ولكن عشان تعرفوا التفاصيل ........ وأتمنى اي واحد من اخوان إجتاز مرحلة الفيزا وحصل عليها يقولنا اش صار معاه بعد كذا ؟؟؟؟؟؟

اخوي المتبيضن الله يوفقك في دراستك

ماشاء الله عليك تقريبا ماباقي عليك الا خطوات بسيطه وتكون في استراليا باذن الله

والله اني استفدت من شرحك صار عندي فكره عن الموضوع

بس في استفسار رسوم الفيزا مع الكشف كم كلها وكيف سددتها ؟

اطلعنا على المستجدات معك والله اني افرح اذا الامور مشت لاي واحد من اخواني المعاقين

الله ييسر لك امورك