حوار لكل من جائته رسالة من مركز الأمير سلمان بخصوص الأبتعاث يتفضل هنااا

الحمد لله جات الرسالة بخصوص وصول الضمان المالي
واتصلت على المركز عشان اخذ الضمان واقدم بنفسي واستفسرت من الدكتور خالد الله يجزاه كل خير
وقلي عادي تقدرون تاخذنه وتوقعون اقرار في حالة عدم الحصول على قبول المركز غير مسؤول وتروح البعثة
واستفسرت منه لاني بكمل ماستر هل لا بد قبول جامعي مشروط او يكفي قبول معهد
مااعطاني جواب كافي قلي للبكاليريوس لازم اما الماجستير ماني متأكد
ياليت الي عنده علم عن الموضوع هذا او خبرة يفيدنا

الحمد لله عدد ما كان وعدد ما يكون وعدد الحركات والسكون

نعم حتى أنا وردتني الرسالة , ولكن راح أخلي مكتب الدكتور أحمد هو اللي يجيب لي قبوول

الحمدلله حمدا كثيرا طيبا مباركا.. أبشركم جاني القبول بعد انتظار ثلاث سنوات.. يعني الواحد لايفقد الأمل.. يخلي أمله بالله كبير
وطبعا لازم من متابعة الموضوع بين فترة.
المهم ان شاء الله بحول الله وقوته ناوية أكل ماستر في أمريكا.. وتخصصي أصلا انجلش فأبغى على طول أقدم عالجامعه..
أي أحد يعرف اش الإختبارات المطلوبه..يعني هل هو توفل أو الايلتس أو الجيمات...وكم الدرجة المطلوبه؟

وبالنسبة للدكتور أحمد...هل فيه أحد كلمه وبدأ معه الشغل؟

أتمنى التوفيق للجميع .. وياليت الباقي يبشرونا بقبولهم ويشاركون معنا رحلة البحث عن قبول

الحمد لله وربي فرحت لك يا أملي رحمة ربي

خابر معااناتك من العام الماضي لكن الحمد لله حتى أنا أخذت سنتين

, بخصوص مكتب الدكتور باضريس دقيت عليه وقال راجعوني على بداية الأسبوع القادم

يعني يوم الأحد

السلام عليكم انا بعد طلع ضماني المالي
مرحلةالبكالورييس
حاليا اخترت التخصص والجامعات اللي ابيها عددها خمسة
واستنى يجي يوم الاحد عشان اكلم الدكتور باسم
بس في احد يدل مكان المكتب حقهم وايش اسمه
انا من اهل الخبر وحابه اجي قريب للرياض وازور المكتب والمركز عشان يفهموني وش اسوي بالضبط
واذا احد عنده ايميل المكتب ياليت يقولي اياه

موقع مكتب الدكتور أحمد باضريس

بجانب وزارة التعليم العالي قبل مبنى نزاهة بأتجاه الشمال

شكرا , انتي كلمتي المكتب واخترتي الجامعه اللي تبينها ولا لسى ؟؟
انا ودي اسأل المركز اذا في بنات من نفس نوع اعاقتي لانه ودي اتواصل مع اللي معاي ابتعثوهم

ههههههههههههه أولا أنا ولد مو بنت

ثاني شئ لسى ما كلمتهم لأن عندي أشياء لازم أخلصها قبل

بس من المتوقع أنهم راح يتصلون علينا الأسبوع القادم بإذن الله

المكتب كله ما ادق عليهم يطلع لي واحد اسمهغازي ومايدري وين الله حاطه فيه كل ما سألته شي يصرفني
ولحد الحين ما كلمت دكتور احمد
وانا خايفه يخلص التسجيل بالجامعه اللي ابيها وهم لسى ما خلصت ترتيباتهم
اذا ماردوا علي قريب راح اكون مضطره اروح مكتب ثاني