خاص باستفسارات المعيدين والمعيدات فقط.

والله ياستايرين الجامعات المعترف فيها لتخصصي 30 جامعة وكلها مشترطة درجة 500 بالتوفل
للقبول في الماجستير
عموما فكرة المكاتب واردة
الله يسعدك دنيا واخره اشكر اهتمامك

السلام عليكم ورحمة الله

بصراحة انا معيد جديد دوبي متوظف وانقبلت في قسم طب الاسرة مع اني احب الباطنة وعندي ظروف ما تخليني اكمل البعثة ونا مرتاح لذلك فكرت انقل جامعة ثانية يكون عندها برنامج محلي لكن ما ودي اخذه طب اسرة

السؤال : هل تؤيدني في قراري وايهما افضل في وجهة نظرك اخذ البورد داخليا والزمالة خارجيا ام كلها في الخارج

وهل الافضل الجامعة ام الحرس ام الصحة اذا قررت الانتقال بحكم الظروف

والسؤال الاخير هل سهل الانتقال من جامعة لاخرى جوا السعودية ولا لازم تسوي اخلاء طرف اذا انقبلت في الجامعةالثانية اللي تقبل محلي

جزاكم الله خير وارجو الافادة
بليييييييييييييييز

أهلا اختي .. أنا ماني متأكد من الإجابه ، ولكن اعتقد بنسبة 95% امورك طيبه ان شاء الله
وبما انك حصلتي على القبول قبل صدور قرار الايقاف فما اعتقد يسري الايقاف على حالتك .
ياليت لو تراسلين الملحقيه هنا في أمريكا وراح يردون عليك او اتصلي عليهم مباشره .
أتمنى لك التوفيق ..

================

اخوي دكتور متفائل .. حياك الله

الكل عنده ظروف ، ولكنها فترة وتنتهي ان شاء الله ، فلا تغلط بحق نفسك ، انت الان في مرحلة بناء مستقبل
ومحتاج ان تكون بداياتك قويه .. كمل كل دراستك بالخارج أفضل لك بكثير ..
وارجع اكرر واعيد .. الظروف ماراح تبقى معك طول العمر .. لكن شهادتك راح تبقى معك على طول ..
فكر زين وانا اخوك واستخر الله سبحانه وتعالى .. ولكن لا تطلع ابتعاث الا اذا كنت مرتاح نفسيا وامورك
كلها تمام .. بمعنى رتب امور والظروف الي تمر فيها وبعدها اطلع ابتعاث ..
انا لما تعينت معيد ماطلعت على طول .. بعد سنتين تقريبا ابتعثت .
اما بالنسبه للجامعات فهذي ما اقدر افتيك فيها لانها ترجع لاهدافك المستقبلية .. بالنسبه لي لو كنت في مكانك
راح اختار الجامعه ثم الحرس والغي الصحه نهائياً ..
بالنسبه للانتقال من جامعه الى جامعة تقدم طلب انتقال الى عميد الكلية المختاره وبعد موافقة مجلس القسم
الذي تقدمت اليه يجب ان تحصل على موافقه مرجعك بالانتقال وبعد موافقة الطرفين تستطيع الانتقال ان شاء الله
لوظيفتك الجديده .

أتمنى لك كل التوفيق ..

انا ناويه ان شاء الله ابدأ ماستر في سبتمبر2011وابي المعهد يكون في مارس هل تكفي ست اشهر اني اخذ درجة الايلتس المطلوبه علما بأن تخصصي لغه انجليزيه والدوله بريطانيا

السلام عليكم...

بصراحة قريت هنا أشياء كثير واستفدت...

أنا ان شاء الله بيصدر قرار تعييني معيده في جامعة الملك سعود في عليشه كلية إدارة الأعمال قسم اقتصاد...

ودي أسألكم كم سؤال...

كم يأخذ قرار التعيين عشان يصدر (مع اني عبيت طلب التوظيف وسلمت الكشف)؟؟؟

طبعاً مع طلب التوظيف في ورقة نوقع عليها اننا نجيب قبول من 3-9 أشهر بعد صدور قرار التعيين وإلا يتخذوا اللازم في إلغاء القرار لو ما أقدر أروح بعثة (ما فيه محرم والظروف ما تسمح) وقدمت ماستر في جامعة سعود أو الإمام يوافقوا ولا لا؟؟؟

طيب إذا مارحت بعثة ولا درست ماستر وش يصير؟؟؟

- بعضهم يقولولي مو كل الناس سافروا كثير قاعدين-
طيب وش مميزات العمل كمعيدة؟؟ مع ان راتب المعيدة أقل من رواتب البنوك بكثير...

طيب وظيفة المعيدة تعتبر رسمية ولا على عقد والراتب ما ينزل كل شهر يتجمع أشهر وفجأه ينزل؟؟؟


بليييييييييييييييييز ردوا علي والله بنهبل من الحيرة...

اتمنى ان الحيرة تكون راحت والجواب يكون مفيد
دعوااتك لنا

هلا ستايرين

مررررررررررررره شكرا عالاجابات...

الله يجزاك كل خير ياااااااااارب

ويوفقك وين ما رحتي....

أنا ان شاء الله بكره بكلم رئيس القسم وأسئلة عن الموضوع...

سلام عليكم
عندي استفسار مره مهم
كيف المعيد الجديد يثبت جدراته في القسم اعطوني افكار بليززز

السلام عليكم

هل الجامعات الي تختارونها تكون معتمدة من وزارة التعليم العالي او كمان الجامعه لها قائمة خاصة فيها، اذا صح الكلام فياليت تفيدوني بهالقائمة

شكرا